[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
Liturgos : Ya’ami banua Zo’aya, Ya somuso tödö ba sowuawua tödö ami ba we’amöi föna Keriso ma’ökhö andre, ma’owai ami fefu, Ya’ahowu!
Jemaat : Ya'ahowu!
Liturgos : Yafao-fao khömi Lowalangi!
Jemaat : Ya fao khöu Geheha-Nia!
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 190
- Da ta’ondrasi Yesu So’aya, nifatenge Yehowa.
Ha Ya’ia zindruhu lalada, lö manö baero-Nia.
Fangöhölida Yesu, fangöhölida Yesu.
Duhu, Yesu zangöhöli niha, fangöhölida Yesu. - Da ta’ondrasi Yesu Keriso, silö faröi, sanolo.
Ha Ya’ia zindruhu gubalo, ba fondrege zendroro.
Lö Ibe’e te’ala, lö Ibe’e te’ala.
Duhu, Yesu zondrorogö niha lö Ibe’e te’ala.
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö!
Jemaat : Yaduhu!
Liturgos : Ba u’ila Zo’aya, sidadao ba dadaoma sebua, si no alawa: anönö gosali ahe mbaru-Nia. Serafi föna-Nia, önö gafi zamösa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khö nawöra: Ni’amoni’ö, Ni’amoni’ö, Ni’amoni’ö Yehowa ngahönö andrö; no anönö lakhömi-Nia guli danö ma’asagörö. (Yesaya 6:1b, 2-3) HALELUYA!
Liturgos : Mangandrö ita, "He Yehowa Lowalangi Ama, Ono ba Eheha Ni’amoni’ö. Möiga mangalulu ba wangandrö saohagölö me no örorogö, ö’orifi, ba öbohouniga fa’omasi-Mö andrö. Ma’andrö khö-U, tohugö wa’ebua dödö-U khöma, rorogöga ba ngawalö de’ala, efa’öga ba wanandraigö, rara dödö ba ngawalö gabula dödö, tundreheni fa böi alau ndra’aga. Fatöröga ba zomasi Ndra’ugö irugi gamozua, fa makhamö nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö, Yaduhu!" Mudadao Zato
Liturgos : Manunö ita moroi ba Mbuku Zinunö Nomero 193
- Hiza, Yesu, sangefa’ö, fefu ngawalö zala.
Da tatehe, ya Muhaogö, gera’era dödöda. - Andrö wa no möi ba khöda, Nono Lowalangida.
Ba tobali Ono Niha, simane göi ya’ita. - Falalini gera’era, ba röi lala sabila.
Ta’ondrasi Zangefa’ö, ba tasöndra wangefa.
Liturgos : Da tafondrondrongo daroma Li Lowalangi, tehalö moroi ba zura V Moze 24 : 6-22
7 Na te’ila zondra’u iwania, Iraono Gizeraëli, ba na i’osawuyu, ba ma na i’amawa, ba si mate zanagö andrö. öhori ba khömi zi lö sökhi.
8 Faigifaigi sibai ba wamakao andrö, bou auri andrö; ötöngöni sibai niwa’ö gere, ono Lewi, ba ö’o’ö; oroisagu andrö khöra, ba mitörö sibai.
9 Törötörö tödö hadia nifatörö Lowalangiu, Yehowa, khö Miriya no, ba lala, me mi’otarai danö Miserayi!
10 Na öbe’e khö nawöu nifalali, hadia ia, ba lö tola möi’ö ba nomonia mangai gade khönia.
11 Tou ö’iagö, ba nibe’eu nifalali, ba i’ohe tou khöu gade.
12 Ba na niha si numana ia, ba böi mörö’ö so ba dangau gade andrö nibe’enia;
13 na aekhu luo, ba öfuli khönia gade andrö, ena’ö ibe’e balubalunia mbarunia sebua, na mörö ia, ba ena’ö ifahowu’ö ndra’ugö, ba niha satulö ndra’ugö iwa’ö Lowalangiu, Yehowa.
14 Enoni si numana ba sambö balazo, ba böi fakao, he na oi ya’ami, ba he na niha bö’ö, si so ba danömi, ba mbanuami misa.
15 Ero owi öbe’e luonia, böi na’i öbase’ö wa’aekhu luo, me no si numana ia ba me humulu dödönia wanema, fa böi i’angaröfi li Yehowa, ba khömö andrö, ba fa böi tobali horöu.
16 Böi mate nama börö ndraono, ba böi mate ndraono börö nama; ba horönia mate zamösana.
17 Böi fuyu’ö huku, na so huhuo niha bö’ö ba ma na huhuo zi lö ama, si lö ina; ba böi halö gade mbaru lakha mbanua.
18 Törötörö tödöu, wa no sawuyu ndra’ugö ba danö Miserayi mege, awö wa no i’efa’ö ndra’ugö ba da’ö Lowalangiu, Yehowa, andrö uwa’ö khöu wolau si manö.
19 Na öbasi mbua nowiu, ba na so zolifu’ö ba danö, fakhe, ba böi fuli’ö wangai; akha ö niha bö’ö ba ö zi lö ama, si lö ina ba ö lakha mbanua, ena’ö ifahowu’ö ndra’ugö Lowalangiu, Yehowa, ba nilau dangau, fefu.
20 Ba na öteteu mbua falo khöu, ba böi alualui wo’uwo’u ba ndraha misa; akha ö niha bö’ö, ba ö zi lö ama, si lö ina ba ö lakha mbanua.
21 Ba na ö’ozaragö mbua nagu ba kabu khöu, ba böi ozaragö na göi wo’uwo’u dania; akha ö niha bö’ö ba ö zi lö ama, si lö ina ba ö lakha mbanua.
22 Törötörö tödöu, wa no sawuyu ndra’ugö ba danö Miserayi mege; andrö uwa’ö khöu wolau si manö.
Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1
Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "He Yehowa Lowalangi, si lö ambö fa’abölö, ba si no fahöna fa’omasi. Mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dodo-U, ena’ö ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba zi so fönama si faudu ba zomasi Ndra’ugö."
Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)
Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"
Jemaat : Manunö moroi ba Mbuku Zinunö No. 224 : 1
Liturgos : Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö” (Yesaya 44:22) Lakhömi khö Lowalangi si yawa!
Jemaat : Manunö moroi ba Mbuku Zinunö No. 450
Liturgos : Dumadao Zato!
Liturgos : Da tafondrondrongo daroma Li Lowalangi, tehalö moroi ba zura II Timoteo 2 : 22-26
23 IV. Ba amadöniwa faya andrö, si lö göna, ba timba, me no ö’ila, ha fasosota zi tumbu ba da’ö.
24 Ba enoni Zo’aya, ba böi yafasoso, yamuhaogö linia, ba niha fefu, ya’enahöi wamahaönia, ya’ebolo dödönia ba niha si lö sökhi,
25 yamuhaogöhaogö wanegu samadaö andrö, ma atö ibe’e khöra Lowalangi wamalalini era’era, fa aboto ba dödöra zi duhu.
26 fa tokea ira, ba wangefa’ö ya’ira ba dandrawa Gafökha andrö, si no mama’ala ya’ira, ba wolo’ö nilau dödönia andrö.
Ya’ahowu zamondrongo taroma Li Lowalangi ba same’e ba dödö (Luka 11:28)
Jemaat : Yaduhu!
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)
Tafa’ema föna wasömbata khö Lowalangi, ba manunö ita moroi ba Mbuku Zinunö No. 261
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163
[Pengkhotbah Möi ba Mimbar]
Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.
- Fombaso Taroma Li Lowalangi moroi ba zura Hezekieli 18 : 21-29
21 Ba na ifalalini gera’erania sebua horö, na iböhöli horö andrö nifazökhizökhinia mege, ba na itöngöni nifakhoigu ba na ilau zadölö ba satulö, ba auri ia, lö mate.
22 Fangerogönia andrö, buabuania mege, ba lö’ö sa’ae tebe’e horönia; auri ia, börö zatulö andrö, nifaunia.
23 Hadia, somasi fa’amate zebua horö ndra’odo, iwa’ö So’aya, Yehowa, hadia, lö omasido, na iböhöli mbuabuania si lö sökhi andrö, ba na auri ia?
24 Ba na iböhöli wa’atulö dödönia satulö tödö, ba na ilau zi lö sökhi, si mane sogoro ita andrö, nilau zebua horö, ba lö’ö sa’ae guna mbuabuania si sökhi andrö, mege; si mate ia, börö walimosania andrö, nilaunia, awö horönia andrö, nifazökhinia.
25 Ba na miwa’ö: Tenga satulö wolau Yehowa! ba mifondrondrongo, ya’ami ma’uwu Gizeraëli: hadia, folaugoe zi lö atulö? Hadia, tenga folaumi zi lö atulö?
26 Na iböhöli wa’atulö dödönia satulö tödö, ba na ilau zi lö sökhi, ba si mate ia, börö da’ö; börö wa’amatenia zi lö sökhi andrö, nilaunia.
27 Ba na iböhöli mbuabuania mege sebua horö ba na ilau zadölö ba satulö, ba lö mate ia.
28 Me no iböhöli wangerogönia andrö, mege, fefu, ba sauri ia, lö mate.
29 Ba na lamane ma’uwu Gizeraëli: Tenga satulö wolau Yehowa! ba hadia, si ndruhu, folaugoe zi lö atulö, ya’ami ma’uwu Gizeraëli? Hadia, tenga folaumi andrö zi lö atulö? - Famotokhi Taromali Lowalangi
- Sinanö ba dödö tehalö moroi ba zura Hezekieli 18 : 21
Ba na ifalalini gera’erania sebua horö, na iböhöli horö andrö nifazökhizökhinia mege, ba na itöngöni nifakhoigu ba na ilau zadölö ba satulö, ba auri ia, lö mate.
- Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si ya?a awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunö ita moroi ba Mbuku Zinunö Numero 462
- Fehede Yesu zangoroi’ö, Ifanema dozi sangandrö.
Ba niha samati ba solo’ö, Ibe’e wa’omuso dödö.
Okhögö wa’atulö dödö, röi sa’ae ngawalö zira’iö.
Da’e mbawa, böi ötö ginötö, wamalua fangesa dödö. - Böi gohi höngö gulidanö, he bosi, lakhömi, he fokhö.
Oi taya tenga si’ogötö’ö, ha irugi mbewe lewatö.
Böi angirö ba gulidanö, ni’a hama nikharu zanagö.
Ba zorugo höna girögirö, si lö taya si lö mamalö.
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat :
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö Numero 462 : 4
- Na irugi bawa inötö, mangawuli Zo’aya, Sokhö.
Ikaoni fefu wanema sulö, Iföfö’ö zatulö tödö.
Ba narako möi zi so horö, ba zorugo möi zatulö tödö.
Erönusi, angeragö tödö, he zi sökhi naha nikhamö.
Pengkhotbah : Ya'ahowu!!!
Jemaat : Ya'ahowu!!!
Tidak ada komentar:
Posting Komentar