(BONGI NI'AMONI'Ö)
[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
Petugas Barisan Prosesi :
- …. (Salib)
- ... (Alkitab)
- ... (Lilin)
- ... (Simbol Perjamuan)
Sondrönia'ö: Ira Ama, Ina ba talifusö ni’omasi’ö ba khö Zo’aya ya’ita Yesu Keriso, databörögö khöda kebaktian "Bongi Ni’amoni’ö", barisan prosesi sifao ndra pelayan möi bakha ba gosali. Ma’andrö muzizio ita fefu!
Manunö ita moroi ba Mbuku Zinunö numero
56 : 1-4
- Ya dozi ita, humi’a dödö, ba wangondrasi Mesia.
Me sangefa’ö, ba sangatulö, afu oi ono Nama ita. - Ya dozi ita, tabè dödöda, nihaogö Yesu So’aya.
Me ha Ya’ia, zindruhu lala, ba wogamö so’ahonoa. - Ta’omusoi’ö, fefu dödöda, tasuno Lowalangida.
Taturiaigö, ba gulidanö, wa no tumbu Yesu So’aya.
Sondrönia'ö: Dumadao zato
Liturgos : Ira Ama, Ina ba Talifusö, Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba Mbongi Ni’amoni’ö bongi andre. Ya’ahowu Mbongi Ni’amoni’ö!
Jemaat : Ya’ahowu Mbongi Ni’amoni’ö!
Liturgos : Yafao-fao khömi Lowalangi!
Jemaat : Ya fao khöu Geheha-Nia!
Liturgos : Da ta’owuawua’ö dödöda we’amöi mangondrasi si tumbu andrö, data’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö numero 56 : 1-4
- Ya dozi ita, humi’a dödö, ba wangondrasi Mesia.
Me sangefa’ö, ba sangatulö, afu oi ono Nama ita. - Ya dozi ita, tabè dödöda, nihaogö Yesu So’aya.
Me ha Ya’ia, zindruhu lala, ba wogamö so’ahonoa. - Ta’omusoi’ö, fefu dödöda, tasuno Lowalangida.
Taturiaigö, ba gulidanö, wa no tumbu Yesu So’aya.
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato.
No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö!
Jemaat : Yaduhu!
Liturgos : Tumbu dania khöda nono, tebe’e khöda nono matua; tebe’e ba galisi-Nia wamatörö ba tebe’e töi-Nia Zahölihöli dödö ba Samolala tödö ba Lowalangi sabölö, ba Ama zi lö aetu ba Salawa wa’atulö. (Yesaya 9:6)HALELUYA!
Liturgos : Mangandrö ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inötö we’aso-Mö ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu!" Mudadao Zato
Liturgos : Iada’e tefalua wanunu lili, si no tandra wa’atohare haga ba gulidanö, ya’ia Yesu Keriso, sohagaini ösi gulidanö. Faosumange khö ndra ama, ina nikaonima töi dania, ena’ö lahalö nahiara tanö föna andre...
Tiang Lilin I (Altar)- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
- …
Liturgos : Musindro ita fefu...
Pengkhotbah : I’otarai aekhu niha ba horö, no tobalu sogömigömi danö ba si bongi zombalugö soi niha. Ba hiza, börö wa’omasi Lowalangi, wa no möi ba khöda haga andrö, ya’ia Yesu Keriso. Imane Yesu, "Ya’odo haga nösi guli danö andrö. Solo’ö Ya’o, ba lö mowaöwaö ba zogömigömi, so sa’ae khönia haga ba wa’auri andrö." Yaduhu!
Liturgos : Manunö ita moroi ba Mbuku Zinunö Numero 53 "BONGI NO"
- Bongi no so gubalo, baero so manaro.
Me möi ba khöra mala’ika, wangombakha turia da’a:
“Tumbu yomo khömi, Nono Lowalangi.” - Mangaösö ndra kubalo, ba wogamögamö.
Ono sawena tumbu andrö, ba lasöndra wa duhu da’ö.
Ya’ia Mesia, no amabu’ula. - Bongi no ba danöda ba no so zohaga.
Ba mbanua Mbetilekhema ba muhaga irugi ita.
Oroma lalada, omuso dödöda. - Salöfö iada’a, wa irugi ita.
Haga soroi Mbetilekhema, simöi fangoroma lalada.
Omuso dödöda, tasuno Zo’aya.
Liturgos : Dumadao zato!
Liturgos : Da ta fondrondrongo wombaso waöwaö wa'atumbu Yesu. Manunö ita moroi ba Mbuku Zinunö numero 54:1 "NO TUMBU KHÖDA YESU"
- Luka 2 : 1-7 [SNK...]
- Luka 2 : 8-14 [SNK...]
- Luka 2 : 15-20 [SNK...]
Liturgos : Manunö ita moroi ba Mbuku Zinunö numero 54:2
- No fa’omasi Nama, wa möi Yesu khöda.
Ya dozi oi tatema, me lö baero-Nia.
Duhu, duhu, me lö baero-Nia.
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo daroma Li Lowalangi me imane: "Ba möi yomo ndra Ere, ba hiza Nono awö nina-Nia, ba labalöduhini tou danö, mangalulu khö-Nia ba labokai naha gana’ara, mamuala ira khö-Nia, balaki ba kumöyö ba emuri." (fahela Matai’o 2:11)
Tafa’ema föna wasömbata khö Lowalangi, ba manunö ita moroi ba Mbuku Zinunö No. 261
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandröba aefa da'ö ifa'ema wasömbata khö Pengkhotbah. Awai da'ö mangawuli ba nahia zamösana]
Liturgos : Mudadao Zato!
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163
[Pengkhotbah Möi ba Mimbar]
Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.
- Fombaso Taroma Li Lowalangi moroi ba zura Yohane 1 : 14-18
14 Ba no tobali õsi niha daroma li andrõ, ba no so ia khõda, ba no anehega lakhõminia, hulõ lakhõmi Nono, si ha sambua khõ Nama, si no a’oi so fa’ebua dõdõ, awõ wa’aduhu.
15 Ifaduhu’õ ia Yohane, mu’ao ia, imane: Ya’ia da’õ, niwa’õgu: Fõnagu zi so furigu dania, me no ofõna ia moroi khõgu.
16 Me no manema ita fefu fa’ebua dõdõ si lõ aetu’aetu moroi ba zi no a’oi so khõnia.
17 Sama’ema oroisa Moze, ba khõ Yesu Keriso mbõrõta wa’ebua dõdõ ba bõrõta wa’aduhu.
18 Lõ irai i’ila Lowalangi niha, da’õ zanutunõ khõda, Ono andrõ, si ha sambua, si so ba gaheta Nama. - Famotokhi Taromali Lowalangi
- Sinanö ba dödö tehalö moroi ba zura Yohane 1 : 14a
No ebua wolaumö andrö ba sahölihöli dödö, ya’ugö So’aya, Lowalangi, samatörö fefu, hadia ia; satulö ba si ndruhu lalamö andrö, ya’ugö, razo soi niha andrö.
- Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si ya?a awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Liturgos : Mudadao Zato.
Liturgos : Da tafondrondrongo wehede fanema’ö awö wokubaloi:
- Sosalahini Majelis Jemaat oleh Ketua Majelis Jemaat
- Fehede fanema’ö sosalahini BPMJ BNKP Padang sekaligus wama’ema fehede ni’oroi’ö moroi khö ndra satuada BPHMS BNKP oleh ….
Liturgos : Manunö ita moroi ba Mbuku Zinunö Numero 52
- SNK. ... (Bangsa dan Negara serta Bencana Alam)
- SNK. ... (Gereja dan Para Pelayan)
Liturgos : Manunö ita moroi ba Mbuku Zinunö Numero 52 : 2
- Yesu Razo Sangefa’ö, si möi mangatulö.
Fefu nösi gulidanö, suno böi mamalö,
suno böi mamalö, suno, suno böi mamalö. - Fa’omasi Nama khöda Ibè Nono-Nia.
Wangorifi dozi niha, samati khö-Nia,
samati khö-Nia, dozi samati khö-Nia.
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat :
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö Numero 70
Pengkhotbah : Ya'ahowu!!!
Jemaat : Ya'ahowu!!!
Tidak ada komentar:
Posting Komentar