[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
Liturgos : Ya’ami banua Zo’aya, ma’owai ami fefu ba gangohorita ndröfi andre, ba döi Zo’aya ya’ita Yesu Keriso. Ya'ahowu!
Jemaat : Ya'ahowu!
Liturgos : Yafao-fao khömi Lowalangi!
Jemaat : Ya fao khöu Geheha-Nia!
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 204
- Ha fa’omasi Yesu, zimöi fangorifigu.
Fa’omasi sindruhu,wa ohahau dödögu.
Dozi samati khö-Nia, Ifasao, I’ohe danga.
Ifatörö ba haga ba lala khö Zo’aya. - So’aya zangaro’ö,tötönafö dödöda.
Sangabölö ya’ita, sanganau’ö ölöda.
Ibè madala sihaga, fanötöna si lö taya.
Na no tarugi Nama, ba omuso dödöda. - Aro’ö wanötöna, famati, fa’omasi.
Fangönada wondrugi, naha si so fa’auri.
Ha ba lewatö irugi, fanötöna ba famati.
Sindruhu wa’omasi, zoguna he na furi.
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö!
Jemaat : Yaduhu!
Liturgos : Mi’andrö saohagölö khö Yehowa, me si sökhi tödö Ia; me no si lö aetu wa’ebua dödö-Nia andrö. Mi’andrö saohagölö khö Lowalangi andrö, me no si lö aetu wa’ebua dödö-Nia andrö. Mi’andrö saohagölö khö Zo’aya Sokhö andrö, me no si lö aetu wa’ebua dödö-Nia andrö (Sinunö 136:1-3). HALELUYA!
Liturgos : Mangandrö ita, "He Yehowa Lowalangima, si no umbu wa’omasi ba howuhowu. Möiga khö-U mangalulu ba wangandrö saohagölö me lö si faröi Ndra’ugö khöma ba zi döfi fa’ara, irege no marugi gangohorita ndröfi bongi andre. Lö mamalö matou’öga ba danga-U ba ndröfi mifönama. Ma’andrö khö-U, rorogöga ba wanohugö fekolima. Fatöröga ba lala andrö khö-U, ba fahaö ndra’aga ba wango’aurifagö fa’omasi, he ba wangomasi’öma Ya’ugö, ba si manö göi ba wangomasi’öma awöma niha awö niwöwöi fefu. Ya’ugö gubaloma samatörö ya’aga ba si lö faröi khöma. Yaduhu!" Mudadao Zato
Liturgos : Manunö ita moroi ba Mbuku Zinunö Nomero 322
- Yesu femöna ndra’o ba wolawa ngawalö horö famaelungugu.
Fefu zalagu si lö omasi’Ö, si möi ba’aba’a howuhowu.
U’andrö, bè Geheha ba dödögu, afu oroma ngawalö horögu. - Yesu femöna ndra’o ba wolawa isö’isö si möi fangalagu.
Fa böi utörö lala elungua ba zi sandrohu sa fa’aurigu.
Afu atulö lala nitörögu, ya Eheha-U zamatörö tödögu. - Yesu femöna ndra’o fa ube’e, amatöröwa-Mö wa’aurigu.
Fa uböhöli zomasimasido, afu ha khö-U ahono dödögu
Da uforöfa nösigu ba horö, fa lö tebulö ndra’odo tana khö-U - He Yesu Keriso, haogö ndra’odo, fonaha ba dödögu zi duhu.
Ya Eheha-U zamohouni ya’odo, ba wanayaigö falimosagu.
Aro’ö wamatigu khö-U Keriso, fa usöndra wa’auri si lö aetu. - Yesu femöna ndra’o ba wangandrö, fa böi so wa’atage dödögu.
No Ere Sebua Ndra’ugö khögu, samasao khö Nama fangandrögu.
Ba udönadöna khö-Mö he Yesu, wa öfo’ahonoa wa’aurigu. - Yesu femöna ndra’o ba wogamö, sawatö dödö so’ahonoa.
Usuno Ndra’ugö soroi ba dödö, ya sumange-U fefu wa’aurigu.
Be’e khögu wa’auri si lö aetu, ba si lö tebulöbulö, Yaduhu.
Liturgos : Da tafondrondrongo daroma Li Lowalangi, tehalö moroi ba zura Yesaya 35 : 1-4
2 Mobowo somasi ita ba owuawua dödö, owuawua dödö ba ma’iki. Tebe’e khönia lakhömi hili Libano, ba fa’asökhi hili Garemeli ba fa’asökhi ndraso andrö ba Zarona. I’ila dania lakhömi Yehowa andrö ba anehe ia wa’ebua Lowalangida andrö.
3 Mi’abölö’ö danga andrö si no atata ba mi’abe’e’ö mbalöduhi andrö, sangiwangiwa!
4 Mimane ba zi no tobali tödö: Mi’abe’e’ö dödömi, böi ata’u ami! Hiza Lowalangimi! So wolau balö, fanulöni khö Lowalangi. Ya’ia zi so, ba i’orifi ami.
Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1
Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "He Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö andre, Ya’ugö si maulu fa’ahakhö dödö, ba wangalulu ba ba wangandrö saohagölö-U howuhowu si no falukha ndra’aga zi döfi fa’ara, irege no tola makhamö gangohorita ndröfi andre. Mafaduhu’ö wa tenga si nangea ndra’aga tanö föna-Mö, me no fahöna zala olalöwa si no mafalua ba zi döfi fa’ara, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhödödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba ndröfi fönama si faudu ba zomasi Ndra’ugö."
Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)
Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"
Jemaat : Manunö moroi ba Mbuku Zinunö No. 224 : 1
Liturgos : Mitabu! Iwa’ö Yehowa, da talau fa’era! He no hulö gasumbo wa’oyo horömi, ba hulö muko safusi dania; ba he no hulö mbaru luo wa’oyo, ba hulö mbu mbiribiri dania. Lakhömi khö Lowalangi si yawa!
Jemaat : Manunö moroi ba Mbuku Zinunö No. 450
Liturgos : Dumadao Zato!
Liturgos : Da tafondrondrongo daroma Li Lowalangi, tehalö moroi ba zura Fama'ele'ö 3 : 7-13
8 No u’ila mbuabuau andrö; hiza, no ube’e fönau mbawandruhö si no teboka, si lö i’ila ikusi niha, ha niha ia; si lö aröuröu sa wa’abölöu, ba lö’ö sa niböhöliu taroma ligu andrö, ba lö ni’osilö’ögöu töigu.
9 Hiza, uhalö niha ba zekola Zatana andrö, sanguma’ö niha Yehuda ira, ba tenga sa ya’ia; sofaya ira. Hiza, möi ira ube’e, ba mangalulu ira, latuhi danö fönau. Ba aboto ba dödöra, wa no u’omasi’ö ndra’ugö.
10 Me no lö niböhöliu taroma li ba wa’anau gölö andrö, khögu, ba lö’ö göi uböhöli ndra’ugö, na bawa wanandraigö andrö, sondrugi dania uli danö ma’afefu, ba wanandraigö niha sowanua ba guli danö.
11 Alio sodo; böi böhöi zi ho so khöu, fa böi lahalö dakulamö andrö.
12 Ha niha zi möna, ba ube’e ehomo ba gosali Lowalangigu, ba lö’ö manö sa’ae aheta ia, ba usura ba detenia döi Lowalangigu andrö, ba töi mbanua Lowalangigu andrö, töi Yeruzalema si bohou, si möi mitou, moroi ba zorugo, moroi ba Lowalangigu, ba töigu, si bohou andrö.
13 Si so tögi dalinga, ba ya’mufondrondrongo hadia niwa’ö Geheha ba mbanua andrö!
Ya’ahowu zamondrongo taroma Li Lowalangi ba same’e ba dödö (Luka 11:28)
Jemaat : Yaduhu!
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)
Tafa’ema föna wasömbata khö Lowalangi, ba manunö ita moroi ba Mbuku Zinunö No. 261
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163
[Pengkhotbah Möi ba Mimbar]
Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.
- Fombaso Taroma Li Lowalangi moroi ba zura Yosua 1 : 7-9
7 Ha fa abölö ndra’ugö ba fa abe’e dödöu, ba wamaigi folo’ö oroisa andrö fefu, niwa’ö genonigu Moze andrö khöu. Böi hole’ö ndra’ugö, he ba gambölö ba he ba gahera, ena’ö mofozu wolaumö, gofu heza möi’ö.
8 Böi aefa’aefa ba mbaweu nösi zura goroisa andrö ba öfatoutou tödöu, bongi ma’ökhö, ena’ö ö’alui wolo’ö fefu hadia ia nitanö ba zura andrö, ba sökhi lualua wolaumö ba falukha’ö zalöfö.
9 Tenga no uwa’ö khöu: Ya’abölö ndra’ugö, ya’abe’e dödöu? Böi ata’u ndra’ugö ba böi mangiwa dödöu, me si faofao khöu Yehowa, Lowalangiu, gofu heza ösawa. - Famotokhi Taromali Lowalangi
- Sinanö ba dödö tehalö moroi ba zura Yosua 1 : 9b
Ya’abölö ndra’ugö, ya’abe’e dödöu. Böi ata’u ndra’ugö ba böi mangiwa dödöu, me si faofao khöu Yehowa, Lowalangiu, gofu heza ösawa.
- Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si ya?a awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunö ita moroi ba Mbuku Zinunö Numero 256
- Yesu So’aya zondrorogö, tanga-Nia zomba’agö.
Iföwö fefu nudumö, Yesu So’aya zondrorogö.
Reff. Ba wanörö ulidanö,... - Yesu So’aya sondrorogö, he falukha wanandraigö.
Ya’ia zondrara tödö, Yesu So’aya zondrorogö.
Reff. Ba wanörö ulidanö,...
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat :
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö Numero 256 : 4
- Yesu So’aya zondrorogö, ba wasöndrata ba horö.
Ifemöna sa ndra’ugö, Yesu So’aya zondrorogö.
Reff. Ba wanörö ulidanö, ha Yesu we'ewe'e dödö.
Ba wanörö ulidanö, Yesu So'aya zondrorogö.
Pengkhotbah : Ya'ahowu!!!
Jemaat : Ya'ahowu!!!
Tidak ada komentar:
Posting Komentar