27 Desember 2026 (Bahasa Indonesia)

TATA IBADAH BAHASA NIAS

27 DESEMBER 2026

[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]

FANGOWAI BA FOGAONI

Liturgos : Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba zi ma’ökhö andre. Ya'ahowu!

Jemaat : Ya'ahowu!

Liturgos : Yafao-fao khömi Lowalangi!

Jemaat : Ya fao khöu Geheha-Nia!

Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 400

2. Noa sa oföna Öbe’e khögu.
   Wa’omasi-U Yesu fangorifigu.
3. Andrö lö ubato wamaduhu’ö.
   Fa’omasi-U Yesu sahakhö tödö.
4. Andrö wa ululu ba danga-U Yesu.
   Fefu zi so khögu ba fa’aurigu.
5. Na so nemaligu lö ata’udo.
   Me aro dödögu lö Öröi ndra’o.
6. Fefu dalifusö samati khö-Mö.
   Abölö’ö ira wolawa horö.
7. He Yesu, ma’andrö, hakhösi tödö.
   Fefu dalifusö, sangaröngarö.
8. He gofu hadia, gabula dödö.
   Ya möi famahatö, dödöra khö-Mö.
9. Ma’andrö böi röiga bongi ma’ökhö.
   Ya lö Öfamalö howuhowu-Mö.
10. Fehulu dödöma bè Geheha-Mö.
    Wanörö lalama, ba zomasi’Ö.

FANGA’ARO’Ö WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si ya?a awö danö!

Jemaat : Yaduhu!

Liturgos : Tumbu dania khöda nono, tebe’e khöda nono matua; tebe’e ba galisi-Nia wamatörö ba tebe’e töi-Nia Zahölihöli dödö ba Samolala tödö ba Lowalangi sabölö, ba Ama zi lö aetu ba Salawa wa’atulö. (Yesaya 9:6) HALELUYA!

Liturgos : Mangandrö ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inötö we’aso-Mö ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu!" Mudadao Zato

Liturgos : Manunö ita moroi ba Mbuku Zinunö Numero 58

2. Ono Lowalangi Ama, si lö horö lö sala.
   Itörö wa’anumana, ha ba kandra monahia, Haleluya.
3. Ono Wondrege Zalawa, lafagaya ba luha.
   Toröi lakhömi sebua, nga’eu zawuyu Itema, Haleluya.
4. Ya’ia haga dödöda, nibè Lowalangida.
   Sangoroma’ö lalada, afu ono haga ita, Haleluya.
5. No möi Ia ba danöda, Nono Lowalangida.
   Ba wangobini sitaya, wamuli niha khö Nama, Haleluya.

FOMBASO TAROMALI LOWALANGI (AMABU'ULA LI SIFÖFÖNA)

Liturgos : Da tafondrondrongo daroma Li Lowalangi, tehalö moroi ba zura I Nga'ötö 16 : 7-18

7 Ba me luo da’õ, ba awena ibe’e li Dawido khõ Gasafo ba ba dalifusõnia, ba wolau ”Mi’andrõ saoha gõlõ khõ Yehowa” andrõ:
8 Mi’andrõ saoha gõlõ khõ Yehowa, mi’angarõfi li dõinia! Midunõdunõ ba niha baero wolaunia andrõ!
9 Mi’anunõ khõnia! Misuno ia! Ena’õ itõrõ limi zahõlihõli dõdõda andrõ khõnia, fefu.
10 Misuno ami ba dõinia andrõ, ni’amoni’õ. Ya’omuso dõdõ zangalui Yehowa.
11 Mizofuzofu Yehowa ba fa’abõlõnia andrõ. Bõi mifamalõmalõ wangalui bawania andro.
12 Mitõrõtõrõ tõdõmi zahõlihõli dõdõda andrõ khõnia, nilaunia, tandra andrõ khõnia ba fanguhukunia, taroma linia.
13 Ya’ami, nga’õtõ Gizeraëli, ya’ami enoninia, ma’uwu Yakobo, nitutuyunia!
14 Ya’ia, Yehowa, ba no Lowalangida; itõrõi guli danõ fanguhukunia andrõ.
15 Irugi zi lõ aetu bõi olifu ami wawu’usa li andrõ, khõnia, taroma li andrõ, niwa’onia, ba ngahõnõ nga’õtõ,
16 me fawu’u li ia khõ Gaberahamo, ba fahõlusania khõ Giza’aki.
17 Ba no ibe’e amakhoita khõ Yakobo, fawu’usa li si lõ tebulõ ba Ndraono Gizeraëli,
18 me imane: Khõu ube’e danõ Gana’ana andrõ, tána khõmi, ondrõita.

Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1

FANGANDRÖ FANGEFA HORÖ

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.

Mangandrö ita, "He Lowalangi sebuasi so ba zorugo yaẅa, aboto ba dödöma,wa no Öfatenge khöma Nono-U Yesu Keriso ba wangefa’ö horöma. Ma’andrö khö-U tologa, heta ba dödöma ngawalö zi lö sökhi, si no amaedola hili salaẅa, ba si no amaedola mbawa danö sabakha, ena’ö monahia ba dödöma Zangorifi andrö, ba wamahaö ya’aga wamalua somasi Ndra’ugö."

Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)

Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"

Jemaat : Manunö moroi ba Mbuku Zinunö No. 224 : 1

Liturgos : Böi mi’ata’ufi, hi za sa, uturiaigö khömi wa’omuso dodo sabölöbölö, sirugi niha fefu dania, me no tumbu khömi Zangorifi andrö bongi andre, Keriso So’aya, ba mbanua Dawido. Lakhömi khö Lowalangi si yawa!

Jemaat : Manunö moroi ba Mbuku Zinunö No. 450

Liturgos : Dumadao Zato!

FOMBASO TAROMA LI LOWALANGI (AMABU'ULA LI SIBOHOU)

Liturgos : Da tafondrondrongo daroma Li Lowalangi, tehalö moroi ba zura Efeso 1 : 15-21

15 Andrõ ya’odo gõi, me no urongo wamati andrõ, ba khõmi, khõ Zo’aya ya’ita, Yesu, ba fa’omasimi ni’amoni’õ andrõ fefu,
16 ba lõ ubato wangandrõ saoha gõlõ, ba khõmi andrõ, itõrõ ligu, ba wangandrõgu,
17 ena’õ ibe’e khõmi Geheha ba wa’atuatua andrõ Lowalangi Zo’aya ya’ita andrõ, Yesu Keriso, Ama lakhõmi andrõ, Eheha ba wama’ele’õ, ba wa’aboto ba dõdõmi ia.
18 Ena’õ tefehaga hõrõ dõdõmi, fa mi’ila hadia dõtõnafõ, ba wogaoninia andrõ, ba he wisa, wa no a’oi so lakhõmi gondrõitania andrõ, ba ni’amoni’õ andrõ,
19 ba he wisa ginõtõ wa’abõlõnia andrõ, si no fahõna, ba khõda, samati, dali wolaunia ba wa’abe’e wa’abõlõnia andrõ.
20 Da’õ zi no i’oroma’õ ba khõ Keriso, me isusugi moroi ba ngai zi mate, ba me ifedadao ba gambõlõnia, ba zorugo,
21 alawa yawa zamatõrõ andrõ fefu, ba yawa zalawa andrõ, ba yawa zabõlõ, ba yawa zo’aya andrõ, ba yawa zi so tõi fefu, nitõtõi, tenga ha ba gõtõ danõ da’e, ba gõtõ dania gõi.

Ya’ahowu zamondrongo taroma Li Lowalangi ba same’e ba dödö (Luka 11:28)

Jemaat : Yaduhu!

FANGOWULOI FASÖMBATA

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)

Tafa’ema föna wasömbata khö Lowalangi, ba manunö ita moroi ba Mbuku Zinunö No. 261

2. Ya’e zumange fasömbata ma be’e soroi ba dödöma.
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.

Liturgos : Da tafasao wasömbatada andre föna Lowalangi, musindro ita fefu.

[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]

Liturgos : Mudadao Zato!

KOOR / VOCAL GROUP

Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163

[Pengkhotbah Möi ba Mimbar]

HUHUO SEBUA

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.

1. Fombaso Taroma Li Lowalangi moroi ba zura Luka 2 : 25-32
   25 Ba hiza, so niha ba Yeruzalema Simeoni dõinia, ba satulõ tõdõ niha da’õ, sangata’ufi Lowalangi, no ibalobaloi wondrara dõdõ Ndraono Gizeraëli andrõ, ba so Geheha ni’amoni’õ ba dõdõnia.
   26 Ba no ibokai khõnia Eheha ni’amoni’õ andrõ, lõ tola i’ila wa’amate, na lõ ni’ilania ua Keriso Zo’aya andro.
   27 Ba mõi ia ba gosali, nifarou Geheha; ba me la’ohe bakha nonora Yesu ira inania, ba wanõrõ khõnia nifakhoi ba goroisa,
   28 ba ihahae gõi, isuno Lowalangi, imane:
   29 Awena ohahau dõdõ genoniu, na õ’efa’õ ia, So’aya, itõrõ niwa’õu,
   30 me no i’ila hõrõgu wangorifi andrõ khõu,
   31 si no õ’asogõ tánõ fõna niha fefu, gofu ha soi ira,
   32 haga ni’oroma’õ ba niha baero, ba lakhõmi mbanuau Iraono Gizeraëli.
2. Famotokhi Taromali Lowalangi
3. Sinanö ba dödö tehalö moroi ba zura Luka 2 : 30-32
   Me no i’ila hõrõgu wangorifi andrõ khõu, si no õ’asogõ tánõ fõna niha fefu, gofu ha soi ira.
4. Fangandrö Fondruhö Wamotokhi Taromali

Jemaat : Manunö moroi ba Mbuku Zinunö No. 154

TUHO WAMATI

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:

• Ya’o mamati khö Lowalangi Ama si lö ambö fa’abölö, somböi banua si ya?a awö danö.
• Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
• Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!

Liturgos : Mudadao Zato.

WARTA JEMAAT (Klik untuk membuka)

Liturgos : Manunö ita moroi ba Mbuku Zinunö Numero 72

2. Me möi tou mala’ika wangombakha khöra.
   Wa no tumbu Mesia ba Mbetilekhema.
   Reff. Ae töröi gulidanö ....
3. Duhu wa’anumana me tumbu Mesia.
   Ba luha lafagaya ha du’u wöröma.
   Reff. Ae töröi gulidanö ....
4. Hewa’ae ha ba kandra wa’atumbu-Nia.
   Ba lö tebulö Ia wa Razo Sebua.
   Reff. Ae töröi gulidanö ....
5. Ta’omusoi’ö tödö wanema Ya’ia.
   Me tasöndra wa’auri na mamati ita.
   Reff. Ae töröi gulidanö ....

FANGANDRÖ SALAHI + FAMATENGE + HOWUHOWU

Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"

Pengkhotbah + Jemaat :

He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.

Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:

• Ya mufahowu’ö ami Lowalangi, Ya murorogö ami;
• Ya mufohaga mbawa-Nia khömi, Ya mu’ebua’ö dödö-Nia khömi;
• Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!

Jemaat : Manunö moroi ba Mbuku Zinunö Numero 72 : 5

Reff. Ae töröi gulidanö ....


5. Ta’omusoi’ö tödö wanema Ya’ia.
   Me tasöndra wa’auri na mamati ita.
   Reff. Ae töröi gulidanö ....

Pengkhotbah : Ya'ahowu!!!

Jemaat : Ya'ahowu!!!

*** IBADAH SELESAI ***