29 November 2026 (Bahasa Nias)

TATA IBADAH BAHASA NIAS

29 NOVEMBER 2026

[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]

FANGOWAI BA FOGAONI

Liturgos : Ya’ami banua niha Keriso, Ya’ahowu ami ba döi Zo’aya, Maranata!

Jemaat : Maranata!

Liturgos : Yafao-fao khömi Lowalangi!

Jemaat : Ya fao khöu Geheha-Nia!

1. (Möi ba meza Altar Zangai Huhuo Sebua, ba imane): “Ma’ökhö andre migu Adefe si Sara khöda. Eluaha Adefe si Sara andre ya’ia da’ö: “Fa’aro Wanötöna ba wombaloi Fa’atohare Zo’aya ba luo safuri” (Aefa da’ö, itunu Lili molo’ö migu Adefe)
2. (Möi ba meza Altar Zangai Huhuo Sebua, ba imane): “Ma’ökhö andre migu Adefe si Dua khöda. Eluaha Adefe si Dua andre ya’ia da’ö: “Fogaoni ba wamalalini Era’era ba wamaondragö Fa’atohare Zo’aya” (Aefa da’ö, itunu Lili molo’ö migu Adefe)
3. (Möi ba meza Altar Zangai Huhuo Sebua, ba imane): “Ma’ökhö andre migu Adefe si Tölu khöda. Eluaha Adefe si Tölu andre ya’ia da’ö: “Fa’atohare Mesia ba gulidanö, ba wama’ele’ö fa’atohare Mbanua Lowalangi” (Aefa da’ö, itunu Lili molo’ö migu Adefe)
4. (Möi ba meza Altar Zangai Huhuo Sebua, ba imane): “Ma’ökhö andre migu Adefe si öfa khöda. Eluaha Adefe si öfa andre ya’ia da’ö: “Fa’owuawua dödö me no ahatö wa’atohare Zo’aya” (Aefa da’ö, itunu Lili molo’ö migu Adefe)

Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 31

2. No fa’omasi Yehowa we’amöi Yesu ba khöda.
   Iröi lakhömi sebua ba fa’asalawa-Nia.
   Itehe tobali niha, ba wangöhöli ya’ita.
   Omuso dödöda, wanema Ya’ia.
3. Si lö ikhamö tödöda nilau Lowalangi Ama.
   Ba wangorifi ya’ita, si no elungu, no taya.
   Da talulu wa’aurida, tabè nihaogö Zo’aya.
   Omusodödöda, wanema Ya’ia.
4. He Yesu matehe khö-Mö, tödöma halö naha-Mö
   Mabè amatöröwa-Mö, fatörö ba zomasi’Ö
   Afu marugi, makhamö ba naha sahono dödö.
   Masuno Ndra’ugö Razo Sangatulö.

FANGA’ARO’Ö WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si ya?a awö danö!

Jemaat : Yaduhu!

Liturgos : Hiza, möi yomo ba mbanua khömi razomi, razo satulö ba sabölö (Zakharia 9:9b). MARANATA

Liturgos : Mangandrö ita, "He Yehowa Lowalangima, somböi banua si yawa awö danö. No fa’ebua dödö-U khöma wa no tola marugi mböröta ndröfi ba wa’aniha Keriso. Abölö’ö ndra’aga Eheha-Mö andrö Ni’amoni’ö, ena’ö so khöma mbuabua wamalalini era’era, ba ena’ö soŵa’a, sanöi ba sowua ndra’aga ba wamati ba wamaondragö fa’atohare Zo’aya ya’aga Yesu Keriso. Be’e khöma wehi’a dödö, fangosindruhugö ba fa lö faröi ba wango’aurifagö taroma Li-Mö, ena’ö samonga’eu fa’omasi, fa’atulö, fangefa, ba fa’ohahau dödö ndra’aga fefu irugi we’aso-Mö andrö si mendrua, Yaduhu!" Mudadao Zato

Liturgos : Manunö ita moroi ba Mbuku Zinunö Numero 33

2. He Yehowa Lowalangi Ama, ha Ya’ugö nidönadönama.
   Sangefa’ö ba danga gafökha Ya’ugö zangorifi ya’aga.
   Me lö samolala tödöma, ba horöma si no fahöna,
   Öfatenge Yesu So’aya samè fangefa.
3. Saohagölö-U he Yesu So’aya, me möi’Ö tou ba gulidanöma.
   Ba wamalua oroisa Nama, wa möi’Ö wangöhöli ya’aga.
   Na ma’era’era tödöma, wa Ötehe tobali niha.
   Börö wa’omasi-U ndra’aga, Ö’orifiga.
4. Da ma’andrö ehaogö dödöma, ba wamaondragö Yesu So’aya.
   Ma’ila wa si tebai ndra’aga, na lö Ötolo sifao Eheha.
   Ena’ö monahia Zo’aya, we’amöi bakha ba dödöma.
   Tödöma amaedola luha, nahia Zo’aya.

FOMBASO TAROMALI LOWALANGI (AMABU'ULA LI SIFÖFÖNA)

Liturgos : Da tafondrondrongo daroma Li Lowalangi, tehalö moroi ba zura Yesaya 40 : 6-11

6 Fondrondrongo! lamane: Ao! Ba imane: Hadia niwa’ögu we’ao? — ”Du’u nösi niha fefu ba fefu wa’asökhinia, ba no hulö mbowo ndru’u ba mbenua.
7 Oköli ndru’u andrö, aleu mbowo no mege, me no itörö ia hanuhanu Yehowa andrö. Si ndruhu, du’u niha andrö!
8 Oköli ndru’u andrö, aleu mbowo no mege, ba si lö tebulö daroma li Lowalangida andrö, irugi zi lö aetu.”
9 Ae yawa ba hili salawa, ya’ugö banua Ziona, sangombakha turia somuso dödö! Ebua’ö liu, abölögö, ya’ugö banua Yeruzalema, sangombakha turia somuso dödö; ebua’ö li, böi ata’ufi; ömane ba mbanua Ndraono Yuda andrö: Hiza Lowalangimi!
10 Hiza, so Zo’aya, Yehowa sabölö ia, tangania zamolala hadia ia khönia, fao khönia luo andrö khönia, ba mowaöwaö fönania zulö andrö khönia!
11 Ikubaloi rorogöfönia, si mane kubalo; ihagi nono mbiribiri andrö, i’ohe, ba dotonia, ba ihaogöhaogö wamasao sigelo, samaenu ono.

Si manö daroma Li Lowalangi, da tatema’ö faoma sinunö moroi ba Mbuku Zinunö No. 3 : 2

FANGANDRÖ FANGEFA HORÖ

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.

Mangandrö ita, "He Ama Ni’amoni’ö, möiga ma’ondrasi dadaoma wa’ahakhö dödö-U ba wangandrö fangefa horö ba ngawalö nilauma si lö sökhi. Ma’andrö wa’ebolo dödö-U Ama ba wa’oya golalöwama, he nifaluama ba ndraonoma, khö ndra satuama, ba dalifusöma, ba ba niha fefu. Ma’andrö bologö dödö-U khöma me asese iböbö ndra’aga amuata fa’afökhö dödö, fayawasa, ba fönu ba lala wa’auri sero ma’ökhö. Ma’andrö hakhösi dödö-U khöma, sasai fefu horöma ba bohouni ndra’aga ba wamaondragö fa’atohare-Mö. Saohagölö Ama, ba döi Zo’aya ya’aga Yesu Keriso, ma’andrö ni’andröma.."

Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)

Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"

Jemaat : Manunö moroi ba Mbuku Zinunö No. 224 : 1

Liturgos : Faya wa no sauri Ndra’o, Iŵa’ö Yehowa na omasi-Do mate zebua horö; somasi Ndra’o na iröi lalania andrö sebua horö, na ifalalini gera’erania, ba na auri ia. Mifalalini gera’erami, miröi lalami andrö, si lö sökhi! Hana sa wa edöna mate ami, ya’ami ni’omasi’ö-Gu? Lakhömi khö Lowalangi si yawa!

Jemaat : Manunö moroi ba Mbuku Zinunö No. 450

Liturgos : Dumadao Zato!

FOMBASO TAROMA LI LOWALANGI (AMABU'ULA LI SIBOHOU)

Liturgos : Da tafondrondrongo daroma Li Lowalangi, tehalö moroi ba zura I Tesalonika 5 : 1-11

1 Ba ba mbawania, ba ba ginötönia andrö, ba lö moguna khömi lasura khömi hadia ia, ya’ami ira talifusö.
2 Ya’ami sa’ae zangila sibai hulö wa’aso zanagö, ba zi bongi, si manö wa’aso mbawa Zo’aya andrö dania.
3 Na lawa’ö sa’ae dania: No atulö, no ahono; awena dania i’ozumagö ikhamö ira fa’atekiko, hulö si mane fa’afökhö hulu ba zanabina, ba tebai moloi ira.
4 Ba ya’ami, ira talifusö, ba tenga si so ba zogömigömi, fa ikhamö ami bawa andrö hulö zanagö.
5 Ono haga sa ami fefu, ono zi ma’ökhö; tenga ba zi bongi so ita, ba tenga ba zogömigömi.
6 Ba böi mörömörö ita, si mane tánö bö’ö andrö, ena’ö si no maoso ita, si lö mabumabu.
7 Si mörö sa, ba ba zi bongi mörö, ba si mabu andrö, ba ba zi bongi mabu.
8 Ba ya’ita, me no ba zi ma’ökhö ita, ba böi mabumabu ita, ta’obaru göröba famati andrö, ba öröba fa’omasi, ba ta’otakula dakula andrö, fanötöna fangorifi.
9 Tenga sa ba wamatörö fönu khöda ihonogöi ita Lowalangi, ha ba wanöndra fangorifi, ba khö Zo’aya ya’ita, Yesu Keriso,
10 si no mate salahida, ena’ö auri ita, fao khönia, awönia, he si no maoso, ba he si mörö ita.
11 Andrö faoma mifaraou dödö nawömi, ba faoma mitolo nawömi, si mane folaumi sa’ae göi.

Ya’ahowu zamondrongo taroma Li Lowalangi ba same’e ba dödö (Luka 11:28)

Jemaat : Yaduhu!

FANGOWULOI FASÖMBATA

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)

Tafa’ema föna wasömbata khö Lowalangi, ba manunö ita moroi ba Mbuku Zinunö No. 261

2. Ya’e zumange fasömbata ma be’e soroi ba dödöma.
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.

Liturgos : Da tafasao wasömbatada andre föna Lowalangi, musindro ita fefu.

[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]

Liturgos : Mudadao Zato!

KOOR / VOCAL GROUP

Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163

[Pengkhotbah Möi ba Mimbar]

HUHUO SEBUA

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.

1. Fombaso Taroma Li Lowalangi moroi ba zura Mataio 24 : 37-44
   37 Ba hulö si mane me luo Noakhi, si manö göi wa’aso Nono Niha andrö dania.
   38 Hulö si mane ya’ira sa, me luo föna wa’anönö danö andrö, mangamanga ira ba mamadumadu hadia ia, mangowalu ba mame’e nihalö, irugi luo möi baowo Noakhi,
   39 ba lö aboto ba dödöra, irege so wa’anönö andrö ba irege ahori ira fefu, si manö göi dania wa’aso Nono Niha andrö.
   40 Darua dania zi so ba nowi; samösa nihalö ba si samösa, ba niröi.
   41 Darua ndra alawe sanutu fakhe ba lösu; samösa nihalö ba si samösa, ba niröi.
   42 Andrö, böi miförö, me lö mi’ila mbawa wa’aso Zo’aya ya’ami.
   43 Ba da’ö mibe’e ba dödömi: Na i’ila ena’ö sokhö omo, ha wa’alawa mbongi so zanagö, ba lö mörö ia ena’ö, ba itimba ena’ö zanagö, fa lö möi yomo khönia.
   44 Andrö ya’ami göi, mihönagö mifa’anö ami, me si lö midönadöna dania Nono Niha, na so ia.
2. Famotokhi Taromali Lowalangi
3. Sinanö ba dödö tehalö moroi ba zura Mataio 24 : 42
   Andrõ, bõi mifõrõ, me lõ mi’ila mbawa wa’aso Zo’aya ya’ami.
4. Fangandrö Fondruhö Wamotokhi Taromali

Jemaat : Manunö moroi ba Mbuku Zinunö No. 154

TUHO WAMATI

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:

• Ya’o mamati khö Lowalangi Ama si lö ambö fa’abölö, somböi banua si ya?a awö danö.
• Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
• Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!

Liturgos : Mudadao Zato.

WARTA JEMAAT (Klik untuk membuka)

Liturgos : Manunö ita moroi ba Mbuku Zinunö Numero 498

2. Fa’anö’ö, he tödö, fa’anö’ö, tödö, haogö ae ndra’ugö.
   Röi dödö si ta’unö, tödö si ta’unö, ba bohouni’ö.
   Reff: Omusomuso dödö... 2x
3. Lö sangila inötö, sangila inötö, mbaŵa wanguhuku.
   Hulö na so zanagö, fe’aso zanagö, lö mutötö’u.
   Reff: Omusomuso dödö... 2x
4. Ba böi ötö ginötö, böi ötö ginötö, lau wangesa dödö.
   Ae tutunö khö Zokhö, tutunö khö Zokhö, horö nilaumö.
   Reff: Omusomuso dödö... 2x

FANGANDRÖ SALAHI + FAMATENGE + HOWUHOWU

Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"

Pengkhotbah + Jemaat :

He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.

Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:

• Ya mufahowu’ö ami Lowalangi, Ya murorogö ami;
• Ya mufohaga mbawa-Nia khömi, Ya mu’ebua’ö dödö-Nia khömi;
• Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!

Jemaat : Manunö moroi ba Mbuku Zinunö Numero 498 : 5

5. Andrö khöu wa’abölö, famati folo’ö, böi mamalömalö.
   Höna khöu wa’atulö, fa’atulö dödö, bongi ma’ökhö.
   Reff: Omusomuso dödö... 2x

Pengkhotbah : Ya'ahowu!!!

Jemaat : Ya'ahowu!!!

*** IBADAH SELESAI ***