[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
Liturgos : Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba zi ma’ökhö andre. Ya'ahowu!
Jemaat : Ya'ahowu!
Liturgos : Yafao-fao khömi Lowalangi!
Jemaat : Ya fao khöu Geheha-Nia!
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 61
- Hewa’ae ha ba kandra, to’ele’Ö föna.
Ba no sa solakhömi, si’otarai Nama.
Yesu, Yesu, si’otarai Nama. - Ba dozi sangondrasi, simöi mangalulu.
Fefu oi mo’urakha, tobali tana khö-U.
Yesu, Yesu, tobali tana khö-U. - Andrö Öröi lakhömi, we’amöi ba khöma.
Folo’ö-Mö li Nama, tobali hölima.
Yesu, Yesu, tobali hölima. - Fondrege wa’asökhi, we’aso Zo’aya.
Solohe fangorifi, ba niha fefu sa.
Duhu, duhu, ba niha fefu sa. - Lö uröi’Ö Keriso, ba u’o’ö li-Mö.
He auri, he matedo, Ya’ugö zawatö.
Duhu, duhu, Ya’ugö zawatö.
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si ya?a awö danö!
Jemaat : Yaduhu!
Liturgos : Tumbu dania khöda nono, tebe’e khöda nono matua; tebe’e ba galisi-Nia wamatörö ba tebe’e töi-Nia Zahölihöli dödö ba Samolala tödö ba Lowalangi sabölö, ba Ama zi lö aetu ba Salawa wa’atulö. (Yesaya 9:6) HALELUYA!
Liturgos : Mangandrö ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inötö we’aso-Mö ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu!" Mudadao Zato
Liturgos : Manunö ita moroi ba Mbuku Zinunö Numero 59
- Humulu dödöda, wanema Ya’ia.
Solohe fangefa, ba huku horöda.
Simate ita fefu, na lö Yesu khöda.
Tatema’ö Ia, fangorifida. - Böi aombö dödöda, Lowalangi Ama.
Ibè Nono-Nia, sanolo ya’ita.
Sangabölö tödöda, wolau fasöndrata.
Ta’ondrasi Ia, ondrasi Ia. - Omusola dödö, Yesu zamobörö.
Oi tatema wöfö, tou ba gulidanö.
Duhu mo’ahonoa, furi na takhamö.
Da ta’oigö dödö, wogamö da’ö.
Liturgos : Da tafondrondrongo daroma Li Lowalangi, tehalö moroi ba zura Mikha 5 : 1-14
2 Andrö wa ilulu ira, irugi luo no madono zo’ono andrö, ba irugi mangawuli niwania si tosai andrö, awö Ndraono Gizeraëli.
3 Ba da’ö dania so ia, ba ikubaloi dania ira, fa’abölö Yehowa wa’abölönia, ba ba döi Lowalanginia Yehowa, si no ebua sibai; ba tobali sahono ira; sebua sa dania ia, irugi ba wondrege danö [wa’asalawania].
4 Ba ya’ia dania wa’atulö! Na lasawa danöda Dawa Asiria, na möi ba khöda, ba dafitu tabe’e sanimba ya’ira kubalo mbiribiri, ba dawalu zalawa.
5 Da’ö dania zamatörö si’öli ba zi so ba danö Ndrawa Asiria, ba föda si no musobi lafatörö ba danö Nimerodi, ba tobali i’orifi ita, lö ibe’e ba danga Ndrawa Asiria itá, na lasawa danöda, na möi ba khöda.
6 Ba si tosai ma’uwu Yakobo, ba niha baero, sizaewe ba niha bö’ö, soya misa, ba tobali timba namo mbanua, timba dawa deu, satoru ba mbulu zinanö, si lö manötöna ba niha, si lö mombaloi fa’aso nihá.
7 Si tosai ma’uwu Yakobo andrö, ba niha baero, sizaewe ba niha bö’ö soya misa, ba tobali timba zingo ba gutu ndru’u, ba timba nono zingo ba ngawawá mbiribiri, si hundrahundra ba sanasawi na itörö, lö sangorifi.
8 Sabölö dania ndra’ugö, ba ölawa zamakao ya’ugö, ba ahori dania nemaliu fefu!
9 Ba na luo da’ö, iwa’ö Yehowa, ba uhori kudo khöu, ba uheta gureta,
10 banua andrö ba danöu, ba uhori, ba hati andrö khöu, ba ahori ududugö.
11 Ba elemu andrö, ba uhori ba dangau, ba sanoto, ba lö’ö sa’ae ba khömi.
12 Adu nifofoë andrö khöu ba famaedo hadia ia, ba uhori ba khömi, ba lö’ö sa’ae mangalulu ndra’ugö ba nifazökhi dangau.
13 Aseramö andrö, ba udeha khöu, ba adumö, ba ufufu.
14 Ba ulau mbalö ba niha baero andrö, si lö mamondrongo ligu, mofönudo khöra ba abao dödögu.
Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1
Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "He Lowalangi sebuasi so ba zorugo yaẅa, aboto ba dödöma,wa no Öfatenge khöma Nono-U Yesu Keriso ba wangefa’ö horöma. Ma’andrö khö-U tologa, heta ba dödöma ngawalö zi lö sökhi, si no amaedola hili salaẅa, ba si no amaedola mbawa danö sabakha, ena’ö monahia ba dödöma Zangorifi andrö, ba wamahaö ya’aga wamalua somasi Ndra’ugö."
Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)
Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"
Jemaat : Manunö moroi ba Mbuku Zinunö No. 224 : 1
Liturgos : Böi mi’ata’ufi, hi za sa, uturiaigö khömi wa’omuso dodo sabölöbölö, sirugi niha fefu dania, me no tumbu khömi Zangorifi andrö bongi andre, Keriso So’aya, ba mbanua Dawido. Lakhömi khö Lowalangi si yawa!
Jemaat : Manunö moroi ba Mbuku Zinunö No. 450
Liturgos : Dumadao Zato!
Liturgos : Da tafondrondrongo daroma Li Lowalangi, tehalö moroi ba zura Fama'ele'ö 15 : 1-4
2 Ba u’ila, ba hulö mbawa nidanö sörömi, si faruka alitö, ba ba zinga mbawa sörömi andrö so zi no molawa saliwaliwa ba danö andrö ba famaedonia ba fangerai töinia andrö, so khöra mbiola Lowalangi.
3 Ba manunö ira, sinunö genoni Lowalangi andrö, Moze, ba sinunö Nono mbiribiri andrö, lamane: ”No ebua wolaumö andrö ba sahölihöli dödö, ya’ugö So’aya, Lowalangi, samatörö fefu, hadia ia; satulö ba si ndruhu lalamö andrö, ya’ugö, razo soi niha andrö.
4 Ha niha zi lö ata’u, ya’ugö So’aya, ba ha niha zi lö manuno töimö andrö? Me ha ya’ugö ni’amoni’ö, me möi dania soi niha fefu, ba wangalulu khöu, me no mufa’ele’ö huku andrö khöu.”
Ya’ahowu zamondrongo taroma Li Lowalangi ba same’e ba dödö (Luka 11:28)
Jemaat : Yaduhu!
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)
Tafa’ema föna wasömbata khö Lowalangi, ba manunö ita moroi ba Mbuku Zinunö No. 261
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163
[Pengkhotbah Möi ba Mimbar]
Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.
- Fombaso Taroma Li Lowalangi moroi ba zura Mataio 2 : 1-12
1 Ba me no tumbu Yesu ba Mbetilekhema, ba Yudaia, me luo razo Herode andrö, ba hiza gere, moroi ba danö ba gatumbukha, si möi ba Yeruzalema.
2 Lamane: Hezo razo Niha Yehuda andrö, sawena tumbu? No oroma khöma ndröfinia ba danö ba gatumbukha, ba möiga mangalulu khönia
3 Ba me irongo da’ö razo andrö, Herode, ba tobali dödönia ba samba banua manö Yeruzalema, awönia.
4 Ba ifalukha’ö gere sebua fefu, awö zangila amakhoita ba niha Yehuda, ba izofuzofu khöra, hadia niwa’ö, heza tumbu Keriso.
5 Ba lamane khönia da’ö: Ba Mbetilekhema ba Yudaia, si mané sa ba zura zama’ele’ö:
6 ”Ba ya’ugö, Betilekhema, ba danö mado Yuda, ma’ifu tenga fondrege zide’ide ndra’ugö bazolohe mado Yuda andrö, me ba khöu i’otarai dania solohe andrö, sokubaloi banuagu andrö Iraono Gizeraëli”.
7 Awena ifakaoni’ö gere no mege Herode, ibini’ö wamakaoni’ö, ba izofuzofu sibai khöra, ha mega oroma ndröfi andrö
8 Ba ifatenge ira ba Mbetilekhema, imane: Mi’ae’e, mi’alualui sibai, heza so nono andrö, ba na no misöndra, ba mi’ombakha’ö khögu, ena’ö möido göi mangalulu khönia.
9 Ba me no larongo niwa’ö razo andrö, ba möi ira, ba hiza ndröfi andrö, ni’ilara ba danö ba gatumbukha, mowaöwaö fönara, irugi tebato ia faudu zi so ono andrö.
10 Ba me la’ila ndröfi andrö ba omuso sibai dödöra.
11 Ba möi ira yomo ba da’ö, ba hiza nono, awö ninania Maria, ba labalöduhini tou danö, mangalulu khönia ba labokai naha gana’ara, mamuala ira khönia, balaki ba kumöyö ba emuri.
12 Ba iwa’ö khöra Lowalangi, ba wangifi, böi lafuli ira khö Herode; ba latörö lala bö’ö, wangawuli ba danöra. - Famotokhi Taromali Lowalangi
- Sinanö ba dödö tehalö moroi ba zura Fama'ele'ö 15 : 3b
No ebua wolaumö andrö ba sahölihöli dödö, ya’ugö So’aya, Lowalangi, samatörö fefu, hadia ia; satulö ba si ndruhu lalamö andrö, ya’ugö, razo soi niha andrö.
- Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si ya?a awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunö ita moroi ba Mbuku Zinunö Numero 71
- Yesu Razo Sangefa’ö, si möi mangatulö.
Fefu nösi gulidanö, suno böi mamalö,
suno böi mamalö, suno, suno böi mamalö. - Fa’omasi Nama khöda Ibè Nono-Nia.
Wangorifi dozi niha, samati khö-Nia,
samati khö-Nia, dozi samati khö-Nia.
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat :
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö Numero 71 : 4
- Razo Fondrege Zalawa solakhömi Ia.
Turiaigö gofu heza, suno Haleluya,
suno Haleluya, suno, suno Haleluya.
Pengkhotbah : Ya'ahowu!!!
Jemaat : Ya'ahowu!!!
Tidak ada komentar:
Posting Komentar