22 November 2026 (Bahasa Nias)

TATA IBADAH BAHASA NIAS

22 NOVEMBER 2026

[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]

FANGOWAI BA FOGAONI

Liturgos : Ya’ami banua Zo’aya. Ma’ökhö andre no tarugi ba Gangohorita Ndröfi Niha Keriso. Ya sowuawua tödö ita ba we’amöi föna Keriso ba wanötöna fa’auri si lö aetu. Ma’owai ami ba döi Zo’aya ya’ita Yesus Keriso, Ya’ahowu!

Jemaat : Ya'ahowu!

Liturgos : Yafao-fao khömi Lowalangi!

Jemaat : Ya fao khöu Geheha-Nia!

Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 427

2. Fefu zomasi ita tasöndra ba da’ö.
   Fa’auri si lö aetu, fa’ohahau dödö.
   Lö ae mamalömalö wa’omuso dödö.
   Me khö Yesu fao ita, Razo Wa’atulö.
3. Ma’ifu lö falukha, galangua dödö.
   Me khö Yesu fao ita, ba lakhömi andrö.
   No fa’omasi Nama, fa’ebua dödö.
   Zangu’uni ya’ita, lö tebulöbulö.
4. No fa’auri Zo’aya, gumbu wa’aurida.
   Fa’auri soroi Nama ba wemöna-Nia.
   Lö fa’aekhu gölöda, na so wamatida.
   Me ba lakhömi Nama, tefonaha ita.
5. Lö khamötö si sökhi, baero naha Nama.
   Me fa’omuso dödö, a’oi so khö-Nia.
   Ya so wehulu dödö khöda zamösana.
   Ba wogamö nahia, ni’asiwai Nama.
6. Sondrugi naha Nama, oi ohahau dödö.
   Ba lasuno Zo’aya, Yehowa ngahönö.
   Oi maulu wanunöra, lö mamalömalö.
   Hozana khö Zo’aya, Razo Wa’atulö.

FANGA’ARO’Ö WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö!

Jemaat : Yaduhu!

Liturgos : Si manö zi möna andrö, nifonukha nukha safusi, ba lö’ö manö sa’ae Ubunu döinia ba zura wa’auri andrö, ba U’ombakha’ö döinia, ba zi so Amagu, ba ba zi so mala’ika andrö khö-Nia!HALELUYA!

Liturgos : "He So’aya ya’aga Yesu Keriso, Lowalangi sauri ba sangorifi. He matörö mbawa danö si göna lumö wa’amate, ba lö khöma fa’ata’u, me no Ya’ugö Gubaloma, sondrorogö ya’aga. Tebai i’alani ndra’aga fa’amate, me no Ya’ugö zangorifi ya’aga. Möiga khö-U ba wanou’ö boto awö nosoma, me no Ya’ugö zokhö ba samatörö fa’auri ba fa’amatema. He Ama ma’andrö khö-U, rorogö ba fatöröga ba zomasi Ndra’ugö irugi gamozua, famakhamö nahia ba zi so Ya’ugö. Si lö mamalömalö nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö. Yaduhu!" Mudadao Zato

Liturgos : Manunö ita moroi ba Mbuku Zinunö Nomero 422

2. He na asese tosasa, he oya zi möi akaola, sagötö fekolida.
   Da’ö wondrara dödöda, fangabölöda ba lala, niwa’ö Yesu khöda.
   I’osi fefu dania, dawa hörö ba höröda.
3. Yesu no Ifahowu’ö ha zolofo fa’atulö awö zowökhi tödö.
   Ya’ira ni’abusoi’ö, khöra mubönökhi manö, oi so wondrara dödö.
   Böi taböhöi Zangatulö, umbu wa’ohahau dödö.
4. Fefu oi Ifahowu’ö, zokhö fa’atulö dödö, sangomasi’ö awö.
   He göi si numana tödö, nigohi zafökhö tödö, I’omusoi’ö dödö.
   Okhögö wanaha tödö, ba böi famalö wangandrö.
5. Ato ndra talifusöda, sangomasi’ö si taya, lö lafonaha haga.
   He boto, he göi tödöra, okhöta fao era’era lö möi sumange Nama.
   Ba wa’abe’e dödöra, lö te’orifi nosora.
6. Tatötöna watolosa, Geheha si’oroi Nama, ba wanörö lalada.
   Sangabölö’ö ya’ita, sanga’aro’ö tödöda, afu anau gölöda.
   Ha sambalö wa tatema, wa’auri so’ahonoa.

FOMBASO TAROMALI LOWALANGI (AMABU'ULA LI SIFÖFÖNA)

Liturgos : Da tafondrondrongo daroma Li Lowalangi, tehalö moroi ba zura I Samueli 2 : 7-10

7 Ifa’anumana niha Yehowa ba ifo’ana’a göi; ihöndrögö ba ibali’ö salawa göi.
8 Isöbi yawa moroi ba gawugawu tou zi no amomó, ba moroi ba dambu i’ohe yawa zi numana, ba ngai zalawa ifedadao, ituturu khöra naha nifosumange. Khö Yehowa sa gehomo danö, ba no ya’ia zame’e dayadaya danö ya’ia,
9 Ifaigifaigi gahe zatulö tödö andrö khönia, ba sebua horö, ba si tekiko ba zogömigömi. Tenga sa ba wa’abölönia möna niha:
10 Si fa’udu khö Yehowa, ba nirasa! Ife’ugu’ugu mbanua si yawa, yawara; Yehowa zanguhuku balö danö misa. Ibe’e wa’abölö ba zalawa andrö khönia, i’alawa’ö yawa dandru nibayoininia andrö!”

Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1

FANGANDRÖ FANGEFA HORÖ

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.

Mangandrö ita, "He Yehowa Lowalangi si so ba zorugo yawa. No sowuawua tödö ndra’aga, börö howuhowu-Mö si no Ö’amualagö ba wa’aurima irugi ma’ökhö andre. Aboto ba dödöma wa no Ya’ugö gumbu wa’auri, ba no Ya’ugö gamozua wa’aurima. Ba hiza mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba gera’era dödöma, fehedema awö gamuatama si lö faudu ba daroma Li-Mö. Asese ma’osiwawöi ginötö nibe’e-U khöma, ba ambö ndra’aga wangoguna’ö tödö satuatua ba wangerai bongima, ba no malulu wa’aurima nifatörö gisö’isö dödö wa’a’ösi niha. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba ginötöfönama si faudu ba zomasi Ndra’ugö."

Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)

Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"

Jemaat : Manunö moroi ba Mbuku Zinunö No. 224 : 1

Liturgos : Sahakhö tödö Yehowa ba sebua tödö; ebolo sibai dödö-Nia ba no oböwö sibai Ia. Lö nibe’e-Nia dali horöda ba lö nisulöni-Nia khöda olalöwada. Si mane fa’ahakhö dödö nama nononia, simanö wa’ahakhö dödö Yehowa zangata’ufi Ya’ia. Lakhömi khö Lowalangi si yawa!

Jemaat : Manunö moroi ba Mbuku Zinunö No. 450

Liturgos : Dumadao Zato!

FOMBASO TAROMA LI LOWALANGI (AMABU'ULA LI SIBOHOU)

Liturgos : Da tafondrondrongo daroma Li Lowalangi, tehalö moroi ba zura Famaele'o 14 : 12-13

12 Ba da’e so wa’anau gölö ni’amoni’ö andrö, solo’ö oroisa Lowalangi andrö, ba si lö mamulö’ö famati andrö khö Yesu.
13 Ba urongo li moroi ba mbanua si yawa, imane: Sura: Ya’ahowu zi no mate, si mate ba khö Zo’aya, i’otarai da’e. Si ndruhu, iwa’ö Eheha, ena’ö molombase ira me no aefa wa’erege dödöra andrö; i’o’ö sa ira buabuara.

Ya’ahowu zamondrongo taroma Li Lowalangi ba same’e ba dödö (Luka 11:28)

Jemaat : Yaduhu!

FANGOWULOI FASÖMBATA

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)

Tafa’ema föna wasömbata khö Lowalangi, ba manunö ita moroi ba Mbuku Zinunö No. 261

2. Ya’e zumange fasömbata ma be’e soroi ba dödöma.
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.

Liturgos : Da tafasao wasömbatada andre föna Lowalangi, musindro ita fefu.

[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]

Liturgos : Mudadao Zato!

KOOR / VOCAL GROUP

Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163

[Pengkhotbah Möi ba Mimbar]

HUHUO SEBUA

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua]

Pengkhotbah : Fatua lö tabaso mbörö huhuo da tafondrondrongo ha wa’ato zi tumbu awö zi no mate barö ndröfi andre.

• Situmbu:
  - Ira matua: 31 niha
  - Ira alawe : 27 niha
  Jumlah       : 58 niha
• Simate:
  - Satua   : 30 niha
  - Iraono : 4 niha
  Jumlah : 34 niha

Pengkhotbah : Musindro Zato... Manunö ita moroi ba Mbuku Zinunö No. 410:1

[Fombaso Taroma li, moroi ba Roma 14:7-9]

7 Lö’ö sa ba khöda sauri, ba khönia manö, ba lö si mate, ba khönia manö.
8 Na auri ita sa, ba khö Zo’aya wa’aurida, ba na mate ita, ba khö Zo’aya wa’amateda; tobali, he sauri ita, ba he si mate ita, ba khö Zo’aya ita.
9 Da’ö sa mbörö, wa mate Keriso, awö wa no ifuli auri, ena’ö ifatörö zi no mate, awö zauri.

Pengkhotbah : Manunö ita moroi ba Mbuku Zinunö No. 410:2

[Fombaso Taroma li, moroi ba I Korindro 15:54b-57]

54b Ba awena itörö daroma li andrö, si so ba zura: ”No alömö wa’amate andrö ba wemöna.
55 Hezo wemönau, fa’amate? Hezo duomö, fa’amate?”
56 Ba tuo wa’amate andrö, ba ya’ia horö andrö, ba fa’abölö horö andrö, ba ya’ia goroisa.
57 Ba nisuno Lowalangi same’e khöda femöna andrö, moroi khö Zo’aya ya’ita andrö, Yesu Keriso.

Pengkhotbah : Manunö ita moroi ba Mbuku Zinunö No. 410:3

1. Fombaso Taroma Li Lowalangi moroi ba zura Maleakhi 3 : 13-18
   13 Milawa ndra’o fehedemi, iwa’ö Yehowa, ba misofu na: Hadia nifagölösima khöu?
   14 Mimane: Zayazaya gölö wamosumange Lowalangi, ba hadia hare, me tatörö nifakhoinia, ba me ta’onukha nukha ba wange’esi, börö Yehowa ngahönö?
   15 Ba tasuno sa’ae zi fayawa; tenga ha fa no mofozu zolau si lö atulö, noa na göi latandraigö Lowalangi, ba lö fotu.
   16 Ba fahuhuo zangata’ufi Yehowa, ba ihenegö Lowalangi ba irongo, ba tefazökhi zura fönania, sura famasugi ba dödö, börö zangata’ufi Yehowa andrö, samosumange töinia.
   17 Ba khögu ira, iwa’ö Yehowa ngahönö, na no irugi bawa andrö, ni’asogögu, ba u’orifi ira, si mane fangorifi niha ononia matua samosumange ya’ia.
   18 Ba ifuli dania mi’ila wa’afaehura zatulö zi lö atulö, ba fa’afaehura zamosumange Lowalangi zi lö mamosumange ya’ia.
2. Famotokhi Taromali Lowalangi
3. Sinanö ba dödö tehalö moroi ba zura Maleakhi 3 : 17
   Ba khöGu ira, iwa’ö Yehowa ngahönö, na no irugi bawa andrö, ni’asogögu, ba u’orifi ira, si mane fangorifi niha ononia matua samosumange ya’ia.
4. Fangandrö Fondruhö Wamotokhi Taromali

Jemaat : Manunö moroi ba Mbuku Zinunö No. 154

TUHO WAMATI

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:

• Ya’o mamati khö Lowalangi Ama si lö ambö fa’abölö, somböi banua si ya?a awö danö.
• Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
• Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!

Liturgos : Mudadao Zato.

WARTA JEMAAT (Klik untuk membuka)

Liturgos : Manunö ita moroi ba Mbuku Zinunö Numero 426

2. Keriso zawatögu me no sangatulö.
   We’ewe’e dödögu, samè fa’abölö.
   Andrö aro dödögu ba wanörö lalagu.
   Me lö Iröi ndra’o Itolo Ifasao.
3. He oya zamaelungu, he göi sanabigö.
   Ba lö fa’ata’ugu, Yesu zondrorogö.
   No faduhu dödögu, wa ukhamö zawatö.
   Naha si so Yesu, ba zohahau dödö.
4. He Yesu, si no möna, Razo Wa’atulö.
   Be’e khögu Geheha, sohagaini tödö.
   Tödögu onahia, böi röi bongi ma’ökhö.
   Be khögu wemöna, ba wolawa horö.

FANGANDRÖ SALAHI + FAMATENGE + HOWUHOWU

Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"

Pengkhotbah + Jemaat :

He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.

Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:

• Ya mufahowu’ö ami Lowalangi, Ya murorogö ami;
• Ya mufohaga mbawa-Nia khömi, Ya mu’ebua’ö dödö-Nia khömi;
• Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!

Jemaat : Manunö moroi ba Mbuku Zinunö Numero 426 : 5

5. He Yesu solomasi, Kubalo si sökhi.
   Aro’ö wamatigu, ba fanötöna göi.
   Afu mangurakhado, buala fangorifi.
   Khamötö dödögu, naha solakhömi.

Pengkhotbah : Ya'ahowu!!!

Jemaat : Ya'ahowu!!!

*** IBADAH SELESAI ***