[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
Liturgos : Ya’ami banua Zo’aya, Ya somuso tödö ba sowuawua tödö ami ba we’amöi föna Keriso ma’ökhö andre, ma’owai ami fefu, Ya’ahowu!
Jemaat : Ya'ahowu!
Liturgos : Yafao-fao khömi Lowalangi!
Jemaat : Ya fao khöu Geheha-Nia!
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 30
- Ba na ufaigi madala sihaga, na urongo weugu mbanua.
Ba lö aetu wa’ahöli dödögu wangi’ila niwöwöi Yehowa.Lowalangi Fondrege Zebua, suno Ia Haleluya.
Lowalangi Fondrege Zebua, suno Ia Haleluya. - He So’aya na u’erönu tödö mbuala-Mö wangefa’ö horö.
Tokea ndra’o me khögu tetöfaigö nibè Yesu do ni’amoni’ö.Lowalangi Fondrege Zebua, suno Ia Haleluya.
Lowalangi Fondrege Zebua, suno Ia Haleluya. - Na Ikaoni ndra’o dania So’aya, fondrege wa’omuso dödögu.
Me fefu ni’andrögu no utema, wangi’ila lakhömi-Mö Yesu.Lowalangi Fondrege Zebua, suno Ia Haleluya.
Lowalangi Fondrege Zebua, suno Ia Haleluya.
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö!
Jemaat : Yaduhu!
Liturgos : Ba u’ila Zo’aya, sidadao ba dadaoma sebua, si no alawa: anönö gosali ahe mbaru-Nia. Serafi föna-Nia, önö gafi zamösa. Dua mbalubalu mbawa ba dua mbalubalu gahe ba dua ba wehomBO. Ba faoma lamanemane we’ao khö nawöra: Ni’amoni’ö, Ni’amoni’ö, Ni’amoni’ö Yehowa ngahönö andrö; no anönö lakhömi-Nia guli danö ma’asagörö. (Yesaya 6:1b, 2-3) HALELUYA!
Liturgos : Mangandrö ita, "He Yehowa Lowalangi Ama, Ono ba Eheha Ni’amoni’ö. Möiga mangalulu ba wangandrö saohagölö me no örorogö, ö’orifi, ba öbohouniga fa’omasi-Mö andrö. Ma’andrö khö-U, tohugö wa’ebua dödö-U khöma, rorogöga ba ngawalö de’ala, efa’öga ba wanandraigö, rara dödö ba ngawalö gabula dödö, tundreheni fa böi alau ndra’aga. Fatöröga ba zomasi Ndra’ugö irugi gamozua, fa makhamö nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö, Yaduhu!" Mudadao Zato
Liturgos : Manunö ita moroi ba Mbuku Zinunö Nomero 216
- U’andrö khö-U, So’aya, bohouni dödögu.
Do-Mö si no aduwa, fanasa horögu.
Fa lö sa’ae u’o’ö, zomasi dödögu.
Simöi börö wangala, götö wekoligu. - He Yesu, böi famalö, sekhegö dödögu.
Be’e khögu Geheha, haga ba lalagu.
Aro’ö wamatigu, ba waböbösa khö-U.
Fa lö sa’ae faröido, wolo’ö niwa’ö-U.
Liturgos : Da tafondrondrongo daroma Li Lowalangi, tehalö moroi ba zura Danieli 6 : 1-6
2 Ba omasi Dario andrö, 120 ifataro kumandru, ba gamatöröwania ma’asagörö, ifosasi.
3 Ba datölu ibe’e högöra tua sebua, samösa Daniëli, ena’ö la’ombakha’ö ba da’ö kumandru andrö, he wisa, fa böi manö te’ala razo.
4 Ba högö zui Daniëli, högö dua sebua andrö, ba högö gumandru fefu, me no so khönia Geheha sebua; ba tödö razo sa’ae: ibe’e barö mbawa Daniëli gamatöröwania ma’asagörö.
5 Ba la’alui sibai ira tua sebua andrö, awö gumandru, nibe’e esuanö Daniëli ba halöwönia famatörö andrö. Ba lö lasöndra hadia ia gesuanö, ba he hadia ia zi lö sökhi, me no lö falimosa khö Daniëli, ba he fa’areu ba he bö’önia si lö sökhi, ba lö lasöndra khönia.
6 Ba lamane niha andrö: Lö tasöndra mbörö khö Daniëli andrö, na tenga ba wolo’önia oroisa Lowalangira.
Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1
Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "He Yehowa Lowalangi, si lö ambö fa’abölö, ba si no fahöna fa’omasi. Mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dodo-U, ena’ö ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba zi so fönama si faudu ba zomasi Ndra’ugö."
Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)
Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"
Jemaat : Manunö moroi ba Mbuku Zinunö No. 224 : 1
Liturgos : Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö” (Yesaya 44:22) Lakhömi khö Lowalangi si yawa!
Jemaat : Manunö moroi ba Mbuku Zinunö No. 450
Liturgos : Dumadao Zato!
Liturgos : Da tafondrondrongo daroma Li Lowalangi, tehalö moroi ba zura I Timoteo 1 : 12-17
13 ya’odo andre, sanandrawa föna ba solohi ba sangosiwawöi; ba no falukhado wa’ahakhö dödö, me lö’ö na u’ila watahögö, me ulau da’ö, me lö faduhu dödögu na.
14 Bo no fahöna wa’ebua dödö Zo’aya ya’ita andrö, awö wamati ba awö wa’omasi andrö, ba khö Keriso Yesu.
15 Si ndruhu daroma li andrö ba si nangea tafonaha manö, wa no möi ba guli danö Keriso Yesu, ba wangorifi si so horö; sebuara ndra’odo.
16 Ba andrö tehakhösi tödö ndra’o, ena’ö ba khögu, ba zebua honö andrö, i’oigö wangoroma’ö fa’ebolo dödönia Yesu Keriso, dumaduma ba zamati khönia dania ba wanema fa’auri si lö aetu.
17 Ba razo zi lö aetu andrö, si lö tebulö, si lö oroma, Lowalangi si ha samösa andrö, ba nifosumange ba nisuno, irugi zi lö aetu. Yaduhu.
Ya’ahowu zamondrongo taroma Li Lowalangi ba same’e ba dödö (Luka 11:28)
Jemaat : Yaduhu!
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)
Tafa’ema föna wasömbata khö Lowalangi, ba manunö ita moroi ba Mbuku Zinunö No. 261
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163
[Pengkhotbah Möi ba Mimbar]
Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.
- Fombaso Taroma Li Lowalangi moroi ba zura Luka 19 : 11-27
11 Ba me no larongo da’ö, ba ilau na gamaedola, me no ahatö ia ba Yeruzalema, ba me lawai i’anema’ö to’ele mbanua Lowalangi andrö.
12 Imane sa’ae: So zofanö, salawa, isawa danö saröu, ena’ö tobali tuhe nöri ia ba da’ö, ba mangawuli.
13 Ba humede ia ba zawuyunia, dafulu, ibe’e khöra zi fulu balaki, ba imane khöra: Milau ba waniaga, irege mangawulido.
14 Ba no fatiu dödö mbanuania khönia, ba lafatenge zinenge, solo’ö ya’ia, lamane: Lö edönaga salawama da’ö.
15 Ba me mangawuli ia, me no tobali tohe nöri ia si yefo, ba ifakaoni’ö zawuyunia andrö, nibe’enia ana’a andrö, ena’ö irongo, he lawisa wolau.
16 Ba so zi föföna, imane: He Tua, fulu balaki hare zi samba fondruyu andrö khöu.
17 Ba imane khönia: Lau, sawuyu si sökhi! Me lö si faröi ndra’ugö ba zi lö oya’oya, ba yaso barö mbawau zi fulu banua.
18 Ba so wanete da’ö, imane: Si samba fondruyu andrö khöu, Tua, ba no mohare, lima balaki.
19 Ba imane göi ba da’ö: Ba ya’ugö göi, yaso barö mbawau zi lima banua.
20 Ba so zi samösa, imane: Ya’e zi samba fondruyu khöu, Tua, no u’irö’ö ba zaefu tanga.
21 Noa sa ata’udo ndra’ugö, me no sabe’e huku ndra’ugö, me öhalö zi tenga nibe’eu, ba me öbasi zi tenga nitarumö.
22 Imane khönia: Moroi ba mbeweu uhuku ndra’ugö, sawuyu si lö sökhi. Hadia, no ö’ila sabe’e huku ndra’odo, mangaido si tenga nibe’egu, ba mamasido si tenga nitarugu?
23 Ba hana wa lö öbe’e ba zamalali gana’agu andrö? Ba ya’o, na sodo, ba uhalö fabaya hare, ena’ö.
24 Ba imane ba zi so ba da’ö: Mihalö khönia zi samba fondruyu andrö, ba mibe’e ba zi so si fulu balaki.
25 Ba lamane khönia: He Tua, ba no fulu balaki khönia.
26 Uwa’ö khömi, dozi ba zi ho so, ba tebe’e, ba khö zi lö’ö, ba lahalö göi zi ho so khönia.
27 Ba si fatiu tödö andrö khögu, si lö edöna salawara ndra’odo, ba mi’ohe ba da’e, ba mibunu ira fönagu. - Famotokhi Taromali Lowalangi
- Sinanö ba dödö tehalö moroi ba zura Mataio 25 : 23a
Imane khönia sokhö ya’ia: Lau, sawuyu si sökhi, si lö faröi; lö si faröi ndra’ugö ba zi lö oya’oya, ba ube’e barö mbawau zoya.
- Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si ya?a awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunö ita moroi ba Mbuku Zinunö Numero 246
- Be’e daliu Zo’aya, wangai halöwömö.
Dönadöna khö-Nia, Ibe’e mo’ölö.
Ba na so zo’amböta, böi abusitödö.
Tou’ö bè föna-Nia, sao’ö ba wangandrö. - He Lowalangi Ama, umbu wa’omasi.
Si lö faröi Ndra’ugö, ba zi no mamati.
Fefu zoguna khöma, a’oi Öbönökhi.
Tebai lö Öfalua, zi no Öhonogöi. - Lö ambö sa khö-U lala, awö wa’abölö.
Wangila mamalua, somasi dödö-Mö.
Ahakhö dödö-U niha, sangidengide’ö.
Öbe’e gangandröwa, famahono dödö. - Fa’ebua dödö-Mö, ba khöma So’aya.
Lö Öbè ba’aba’a, ngawalö horöma.
He mangadu zatana, ba golalöwama.
So Keriso So’aya, si möi salahima.
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat :
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö Numero 246 : 5
- He Ama khö-U ma’andrö, wa’ahakhö dödö.
Aro’ö wamatima ba zi no Öwa’ö.
Wa Öfasao ndra’aga ba lala satulö.
Irege Ö’ohega ba zahono dödö.
Pengkhotbah : Ya'ahowu!!!
Jemaat : Ya'ahowu!!!
Tidak ada komentar:
Posting Komentar