26 Desember 2026 - Natal Kedua (Bahasa Nias)

TATA IBADAH BAHASA NIAS

26 DESEMBER 2026

[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]

FANGOWAI BA FOGAONI

Liturgos : Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba zi ma’ökhö andre. Ya'ahowu!

Jemaat : Ya'ahowu!

Liturgos : Yafao-fao khömi Lowalangi!

Jemaat : Ya fao khöu Geheha-Nia!

Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö Numero 48

Mohon Maaf, audio untuk lagu ini belum tersedia...!

2. Bongi da’a tumbu Nono, ono alawe zadono.
   Ono Wondrege Zalawa, sangomusoi’ö tödöda.
3. Mitöngöni dandra andrö, ba luha yawa telölö.
   Ono andrö zamatörö, fefu nösi gulidanö.
4. Da’ö Keriso So’aya, Ono Lowalangi Ama.
   Sangorifi, Sangefa’ö, Sangeheta fefu horö.
5. Same’e khöda fa’auri, si’otarai Lowalangi.
   Afu dozi te’orifi, zi lö faröi ba wamati.
6. Ya somuso tödö ita, sowulo ba mbongi da’a.
   Simane ira kubalo, sangalulu khö Keriso.
7. Tasuno Lowalangida, samè Ono-Nia khöda.
   Tandra wa’omuso dödö, tafao, ta’oigö wanunö.

FANGA’ARO’Ö WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si ya?a awö danö!

Jemaat : Yaduhu!

Liturgos : Tumbu dania khöda nono, tebe’e khöda nono matua; tebe’e ba galisi-Nia wamatörö ba tebe’e töi-Nia Zahölihöli dödö ba Samolala tödö ba Lowalangi sabölö, ba Ama zi lö aetu ba Salawa wa’atulö. (Yesaya 9:6) HALELUYA!

Liturgos : Mangandrö ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inötö we’aso-Mö ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu!" Mudadao Zato

Liturgos : Manunö ita moroi ba Mbuku Zinunö Numero 51

2. Amaedola lewiö, ma’uwu Giza’i.
   Da’ö Nono situmbu, amabu’ula li.
   Ya’ia Zo’aya, soroi khö Lowalangi, si möi mangöhöli.
3. Amaedola lewiö, niwa’ö Yesaya.
   Si no mu’adonogö, tumbu khö Maria.
   Ya’ia zangalui, ya’ita si no taya, afu te’orifi.
4. Amaedola lewiö, ba li Zakharia.
   No umbu wangorifi, soroi khö Yehowa.
   Molakhömi Ia me Ono Lowalangi Fondrege Zalawa.
5. Tasuno Lowalangi, umbu wa’omasi.
   Me Ifatenge Yesu lala ba wa’auri.
   Fefu wa’aurida, tabè sumange-Nia, soroi ba wamati.
6. Khö-U, Yesu, mabè dödö, awö wa’aurima.
   Ya lö faröi ndra’aga, ba wolu’i röfa.
   Fehi’a dödöma, aro’ö wanötöna, götö wekolima.

FOMBASO TAROMALI LOWALANGI (AMABU'ULA LI SIFÖFÖNA)

Liturgos : Da tafondrondrongo daroma Li Lowalangi, tehalö moroi ba zura Ngenungenu Yeremia 3 : 21-26

21 Da’ö utanö ba dödögu, ba andrö udönadöna:
22 Lö’ö sa atö saetu na wa’ebua dödö Yehowa, lö sahori na wa’ahakhö dödönia; ero mahemolu,
23 ba ifuli bohou, abölö wa lö faröi ndra’ugö!
24 Tána khögu Yehowa, iwa’ö tödögu, andrö wa khönia udönadöna.
25 Sebua tödö Yehowa ba zanötöna khönia, ba niha sangalui ya’ia.
26 Si sökhinia, tadönadöna wangorifi andrö khö Yehowa, lö hedehede.

Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1

FANGANDRÖ FANGEFA HORÖ

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.

Mangandrö ita, "He Lowalangi sebuasi so ba zorugo yaẅa, aboto ba dödöma,wa no Öfatenge khöma Nono-U Yesu Keriso ba wangefa’ö horöma. Ma’andrö khö-U tologa, heta ba dödöma ngawalö zi lö sökhi, si no amaedola hili salaẅa, ba si no amaedola mbawa danö sabakha, ena’ö monahia ba dödöma Zangorifi andrö, ba wamahaö ya’aga wamalua somasi Ndra’ugö."

Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen)

Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI’Ö HORÖGU KHÖ YESU"

Jemaat : Manunö moroi ba Mbuku Zinunö No. 224 : 1

Liturgos : Böi mi’ata’ufi, hi za sa, uturiaigö khömi wa’omuso dodo sabölöbölö, sirugi niha fefu dania, me no tumbu khömi Zangorifi andrö bongi andre, Keriso So’aya, ba mbanua Dawido. Lakhömi khö Lowalangi si yawa!

Jemaat : Manunö moroi ba Mbuku Zinunö No. 450

Liturgos : Dumadao Zato!

FOMBASO TAROMA LI LOWALANGI (AMABU'ULA LI SIBOHOU)

Liturgos : Da tafondrondrongo daroma Li Lowalangi, tehalö moroi ba zura I Yohane 5 : 6-12

6 Da’ö ia, zi no möi, balazi nidanö, ba balazi ndro, Yesu Keriso; tenga ha idanö khönia, no idanö awö ndro; ba Eheha andrö zamaduhu’ö; me no si duhu Geheha andrö.
7 Tölu sa zamaduhu’ö,
8 Eheha andrö, ba idanö andrö, ba do andrö, ba ha sara zi tölu andrö.
9 Na faduhu dödöda ba wamaduhu’ö niha, ba no ebua na wamaduhu’ö Lowalangi; da’ö sa wamaduhu’ö Lowalangi andrö, famaduhu’önia Ononia.
10 Khö zamati khö Nono Lowalangi so wamaduhu’ö andrö, ba dödönia. Si lö mamati li Lowalangi, ba no ibali’ö sofaya Lowalangi, me lö nifatinia famaduhu’ö andrö, famaduhu’ö Lowalangi Ononia.
11 Ba da’ö wamaduhu’ö andrö: wa no ibe’e khöda Lowalangi wa’auri si lö aetu, awö wa ba khö Nononia so wa’auri andrö.
12 Khö zi so Ono andrö, khönia so wa’auri andrö; ba zi lö Ono Lowalangi andrö, ba khönia lö fa’auri andrö.

Ya’ahowu zamondrongo taroma Li Lowalangi ba same’e ba dödö (Luka 11:28)

Jemaat : Yaduhu!

FANGOWULOI FASÖMBATA

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7)

Tafa’ema föna wasömbata khö Lowalangi, ba manunö ita moroi ba Mbuku Zinunö No. 261

2. Ya’e zumange fasömbata ma be’e soroi ba dödöma.
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.

Liturgos : Da tafasao wasömbatada andre föna Lowalangi, musindro ita fefu.

[Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]

Liturgos : Mudadao Zato!

KOOR / VOCAL GROUP

Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163

[Pengkhotbah Möi ba Mimbar]

HUHUO SEBUA

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... [Fangadrö Famokai Huhuo Sebua] Amin.

1. Fombaso Taroma Li Lowalangi moroi ba zura Sinunö 107 : 1-9
   1 I. ”Mi’andrö saoha gölö khö Yehowa, me no si sökhi tödö ia ba me si lö aetu wa’ebua dödönia andrö!”
   2 Ya lamanö ni’orifi Yehowa andrö, ni’efa’önia ba danga zamakao ya’ira.
   3 Ni’ozaragönia ba danö zotanö misa, moroi ba gatumbukha ba moroi ba gaekhula, moroi yöu ba moroi ba mbewe nasi.
   4 No elungulungu ira ba danö si mate, ba danö si lö nihaniha, ba zi lö lala; banua sahono ira mena’ö, ba lö lasöndra.
   5 Solofo ira ba sowökhi tödö ba sata’u bakha dödöra.
   6 Ba la’angaröfi li Yehowa, ba wa’abu dödöra andrö, ba i’efa’ö ira ba wa’atosarara andrö.
   7 I’ohe ira ba zadölö lala, ba wogamö banua, sonahia ya’ira.
   8 Ndramu’andrö saoha gölö khö Yehowa wa’asökhi dödönia andrö ba sahölihöli dödö andrö, nilaunia ba nono niha!
   9 Me no i’okafui dödö zowökhi tödö ba me no ihöna zi sökhi ba zolofo andrö.
2. Famotokhi Taromali Lowalangi
3. Sinanö ba dödö tehalö moroi ba zura Sinunö 107 : 1
   Mi’andrö saoha gölö khö Yehowa, me no si sökhi tödö ia ba me si lö aetu wa’ebua dödönia andrö!
4. Fangandrö Fondruhö Wamotokhi Taromali

Jemaat : Manunö moroi ba Mbuku Zinunö No. 154

TUHO WAMATI

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:

• Ya’o mamati khö Lowalangi Ama si lö ambö fa’abölö, somböi banua si ya?a awö danö.
• Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
• Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!

Liturgos : Mudadao Zato.

WARTA JEMAAT (Klik untuk membuka)

Liturgos : Manunö ita moroi ba Mbuku Zinunö Numero 67

FANGANDRÖ SALAHI + FAMATENGE + HOWUHOWU

Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"

Pengkhotbah + Jemaat :

He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.

Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:

• Ya mufahowu’ö ami Lowalangi, Ya murorogö ami;
• Ya mufohaga mbawa-Nia khömi, Ya mu’ebua’ö dödö-Nia khömi;
• Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!

Jemaat : Manunö moroi ba Mbuku Zinunö Numero 67 : 2

2. Suno Yesu suno Yesu Sangöhöli, Sangatulö, Sangorifi.
   Me no möi Ia ba gulidanö ba wolohe khöda fangorifi.
   Suno Yesu sangöhöli, suno Yesu sangorifi
   Me no möi Ia ba gulidanö, no möi tou Ia ba gulidanö,
   ba wolohe, ba wolohe khöda fa’auri.
   Suno Ia, tasuno Ia me sangorifi.
   Suno Yesu, suno Yesu Sangöhöli, Sangatulö, Sangorifi.
   No möi tou Ia ba gulidanö, ba wolohe khöda fangorifi.
   Duhu, Yaduhu, duhu.

Pengkhotbah : Ya'ahowu!!!

Jemaat : Ya'ahowu!!!

*** IBADAH SELESAI ***