22 September 2024 (Bahasa Nias)

Download Tata Ibadah (DOC)

Download Tata Ibadah (PDF)

Minggu, 22 September 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tõdõ ba sowuawua tõdõ ami ba we’amõi fõna Keriso ma’õkhõ andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 337 No tödö nama dödö Yehowa, no Ihönagö zoguna khöda, sangomusoi’ö fefu tödöda. Afu aro wamatida khö-Nia, fa lö tabato wanuno Ya’ia, ba fa’auri Ifabu’u khöda. Talau manunö tafosumange, Lowalangida somböi ya’ita, sangomusoi’ö fefu tödöda. Talulu ita awö zi so khöda, famosumange Yehowa So’aya, Ya’ia zamohaga tödöda. Lö mo’aetufa wanolo-Nia, ba halöwöda somasi Ia, Ibè mofozu, Ifahowu’ö. Itimba fefu zi möi fangalada, lakhömi-Nia zi haga yawada, me Ama sahakhö tödö khöda. He Lowalangi, ya’e dödöma, ba fa’aurima tema böi timba, mabè sumange-Mö zi so khöma. Tayaigö fefu ngawalö horöma, sasai ndra’aga do Yesu, So’aya, ena’ö oi tana khö-U ndra’aga. He Lowalangi, dou’ö wamati, ba fanötöna, ba fa’omasi, wanörö lalama ba wekoli. Fahaö ndra’aga ba wanaha tödö, he na tohare khöma zagafökhö, tologa Eheha-U ba wangandrö. He Lowalangi, tolo ndra’aga, ba wamöfögö ombayasöma, böi aefa haga-Mö ba lalama. Ya Eheha-U zamatörö tödöma, ena’ö oi sanau ölö ndra’aga, wogamö fa’auri si lö taya. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 266 Khö-U, Yesu ahonodo, kubaloi ndra’odo. Barö wondrorogö-Mö, ohahau sa dödö. Khö-U manö, ndra’odo, terara dödögu, me no so’Ö, Yesu. Fangelama dödögu, ba ngawalö horö. Somba’agö lalagu, ba wolo’ö li-U. Dou’ö na haga-Mö, bakha ba dödögu amölido Yesu. Khö-U falemba dödögu, umbu wa’omasi. Nönö na ba dödögu, Geheha wa’auri. Ena’ö si faudu ba zomasi Yesu, fefu halöwögu. Sowanua ba danö sambö fanötöna. Oi arörö dödöra, wolohi si taya. Hagaini dödöra, tuturu lalara, wolo’ö li-Nama. Ma’andrö khö-U, So’aya, faogö gera’era. Be’e khöma Geheha, samaogö tödöma. He Ama, tologa, osara’ö dödö, wanuno So’aya. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Yeremia 11 : 18-20 18 Ba no ifarongogõ khõgu Yehowa, ba no urongo: me luo da’õ õ’oroma’õ khõgu wolaura andrõ! 19 Ya’odo andre, ba no hulõ nono mbiribiri si mõimõi, ni’ohe ba wanaba ya’ia, ba lõ u’ila, wa so nifakhaira nilau khõgu: datafakiko dõla, fabaya bua, tadeha ia ba danõ zauri, fa bõi sa’ae itõrõ tõdõ niha dõinia! 20 Ba ya’ugõ Yehowa ngahõnõ, samatõrõ huku satulõ ba sanandraigõ tõdõ, fabaya bua, ba fa’ila’õ khõgu wolaumõ balõu khõra; noa sa ube’e balaziu huhuogu andrõ. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Yehowa Lowalangi, si lõ ambõ fa’abõlõ, ba si no fahõna fa’omasi. Mafaduhu’õ wa tenga sinangea ndra’aga tanõ fõna-Mõ, me no fahõna horõ si no mafalua i’otarai iraono ndra’aga, he ba wehedema, era’era dõdõma, awõ gamuatama si lõ faudu ba daroma Li-Mõ. Andrõ mõiga khõ-U ba wangandrõ fa’ahakhõ dodo-U, ena’õ Õ’efa’õ khõma horõma andrõ, si no mafalua, irege sohahau tõdõ ndra’aga wanohugõ fekolima ba zi so fõnama si faudu ba zomasi Ndra’ugõ. Hakhõsi dõdõ-U khõma Ama, ba be’e aefa khõma horõma andrõ ma’afefu, Yaduhu!" Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen) Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! “NA UBINI’Ö HORÖGU KHÖ YESU” Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mataio 6 : 19-24 19 Bõi mihõna khõmi girõgirõ ba guli danõ, nifakiko hama ba ni’a howu, nikharu zanagõ ba nitagõ. 20 Ba zorugo mihõna khõmi girõgirõ, ba zi lõ ifakiko hama, ba zi lõ i’a howu, ba zi lõ lakharu sanagõ, ba zi lõ latago. 21 Ba zi so girõgirõ khõu sa, ba da’õ gõi so dõdõu dania. 22 Haga mboto hõrõ; na si sõkhi hõrõu, ba mohaga mbotou ma’asambua. 23 Ba na no mofõkhõ hõrõu, ba ogõmigõmi mbotou ma’asambua. Andrõ, na no sogõmigõmi haga andrõ, si so ba dõdõu, ba ha wa’abõlõ wa’ogõmigõmi andrõ. 24 Tebai enoni zi darua nihá, ma fa’udu ia ba zi samõsa ba i’omasi’õ zi samõsa, ba ma zui molemba ia ba zi samõsa, ba i’ositengagõ zi samõsa. Tebai enoni Lowalangi ami ba enoni gana’a gõi. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Yakobo 4 : 1-10 1 He moroi wa lõ atulõ ba khõmi, ba he moroi waguaguasa andrõ? Tenga moroi ba wasõndrata wangisõmi andrõ, ba nõsimi? 2 Mangisõ ami, ba lõ manema ami; mange’e ami ba afõkho dõdõmi, ba tebai mikhamõ; fasõndra ami ba manuwõ ba lõ khomi, me lõ mangandrõ ami. 3 Mangandrõ ami, ba lõ mitema, me si lõ sõkhi wangandrõmi andrõ; ena’õ m’a ia, ba wangisõmi andrõ. 4 Ya’ami sohorõ, ira matua ba ira alawe, hadia lõ mi’ila wa no si fa’udu ba Lowalangi wahuwusa ba niha guli danõ? Tobali na so zomasi fahuwõe ba niha guli danõ, ba ibali’õ si fa’udu khõ Lowalangi ia. 5 Ma miwai fayafaya niwa’õ ba zura andrõ? Solohu Geheha andrõ, nifonahania ba dõdõda; 6 ba ebua sa at? na wa’ebua dõdõ andrõ, ni’a’asogõnia; andrõ imane: ”Itimba Lowalangi zi fayawa andrõ, ba i’ebua’õ dõdõnia ba zangide’ide’õ ya’ira”. 7 Ba mi’ae barõ mbawa Lowalangi. Mitimba Gafõkha, ba moloi ia, irõi ami. 8 Mi’ondrasi Lowalangi, ba i’ondrasi ami! Mihaogõ danga, ya’ami si so horõ! ba mi’ohauhau’õ dõdõ ya’ami si dua tõdõ! 9 Ya’afõkhõ khõmi wamakaomi, ba mi’abusi tõdõ ba mi’ege’ege! Yatobali fa’abu dõdõ wa’ikimi andrõ, ba yatobali fa’aila wa’omuso dõdõmi andrõ! 10 Mi’ide’ide’õ ami fõna Zo’aya, ba ibali’õ salawa ami. Famotokhi Taromali Lowalangi Sinanõ ba dõdõ tehalõ moroi ba zura Yakobo 4 : 8a Mi’ondrasi Lowalangi, ba i’ondrasi ami! Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 152 Da mangandröga khö-U, So’aya, faogö Geheha ba li-Mö. Fa oi aboto ba dödöma, halöwö daroma li-Mö. Ya möi fango’ou dödöma, ba wanga’i halöwö-Mö. Ato zi lö ba dödö haga, me lö khöra Eheha-Mö. Lö sangoroma khöra lala, ba wogamö fa’atulö. Hagaini dödöra, li-Mö, ba wa’ebua dödö-Mö. No te’ogömisi dödöma, ba lakhömi gulidanö. Bokai höröma ba wangila, wa möi fangalama da’ö. He Yesu, ma’andrö khö-Mö, bali’öga tana khö-Mö. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 251 Abula dödöma fefu wamakao. Tola sa mataögö me Ya’ugö fao. Faduhu dödömawa Ötologa. Lö faröi’Ö khöma Yesu So’aya. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***