11 Agustus 2024 (Bahasa Nias)

Download Tata Ibadah (DOC)

Download Tata Ibadah (PDF)

Minggu, 11 Agustus 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tõdõ ba sowuawua tõdõ ami ba we’amõi fõna Keriso ma’õkhõ andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 22 Ae dönisi göi dödögu, wanöngöni nilau-Mö. Ba bokai hörö dödögu, fa u’ila dödö-Mö. No fahöna wa’omasi, fatolosa, fangorifi. Fa’ahakhö dödö-Mö, fefu mbörö ba da’ö. He abu sibai dödögu, na gönado fotu-Mö. Ba wangoroma’ö khögu, fa’omasi-Mö andrö. Da’ö lala ba wogaoni, ya’odo ba wangorifi. Lö omasi Ndra’ugö, na te’ala ndra’odo. Fondrorogö nama ono, wondrorogö-Mö ya’o. Hulö ae ba gafi moyo, wolohe-Mö ya’odo. Na so mbaho fama’ala, Ötaya fa böi te’ala. Na so hili wamakao, Ö’onoro, Öfasao. No fahöna howuhowu, ha wa’oya mbuala-U. No Ötandrösaigö khögu, wangorifi mbanua-U. Ha khö-U u’ohe zinunö, ba fangandrö saohagölö. Ya sumange-Mö ndra’o, khö-U ululu ndra’odo. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 271 Lö nasa ya’ita ba gulidanö. Me Itehe mate ba röfa andrö. Na ta’angeragö zi no Itaögö. Ha börö horöda soya ngawalö. Da ta’ogorofi ngawalö horö. Da tasawa Yesu, sahakhö tödö. Da taröi sa fefu zi lö atulö. Ya so wamatida si fao folo’ö. Taromali-Nia ta’oguna’ö. Ba lala wekoli ba gulidanö. Ibe’e Geheha si möi manolo. Fa tola so khöda wamati saro. Khö Nama ta’andrö zoguna khöda. Lö zi lö tatema börö Zo’aya. Ha Yesu So’aya gumbu aurifa. Solomasi khöda götö wa’ara. Lö manö mangiwa sa’ae dödögu. Moroi ba dödögu u’o’ö Yesu. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 34 : 1-8 1 Khõ Dawido, me i’osowõhõ ia, khõ Gabimelekhi, me ifofanõ ia da’õ ba me iheta ia. 2 Usuno Yehowa, si lõ mamalõmalõ, bõi ya tebulõ ba mbewegu wanuno ya’ia. 3 Yamusuno ia tõdõgu, ba khõ Yehowa, ya larongo si numana, ba ya omuso dõdõra. 4 Mifolakhõmi Yehowa, awõgu; datafaoma ta’ebua’õ dõinia! 5 Ha me uga u’alui Yehowa, ba ifondrondrongo khõgu, ba no i’efa’õ ndra’o ba wa’atosasagu fefu. 6 Ba zamaõga hõrõra khõnia mohaga mbawa, ba alakha lõ afusi mbawara. 7 No mu’ao zi numana andre, ba no irongo Yehowa, ba no i’efa’õ ba wa’atosasania fefu. 8 Ifasui mala’ika Yehowa zangata’ufi ya’ia ba i’efa’õ ira. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Yehowa Lowalangi, si lõ ambõ fa’abõlõ, ba si no fahõna fa’omasi. Mafaduhu’õ wa tenga sinangea ndra’aga tanõ fõna-Mõ, me no fahõna horõ si no mafalua i’otarai iraono ndra’aga, he ba wehedema, era’era dõdõma, awõ gamuatama si lõ faudu ba daroma Li-Mõ. Andrõ mõiga khõ-U ba wangandrõ fa’ahakhõ dodo-U, ena’õ Õ’efa’õ khõma horõma andrõ, si no mafalua, irege sohahau tõdõ ndra’aga wanohugõ fekolima ba zi so fõnama si faudu ba zomasi Ndra’ugõ. Hakhõsi dõdõ-U khõma Ama, ba be’e aefa khõma horõma andrõ ma’afefu, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Yohane 15 : 9-17 9 Si mane fa’omasi Nama ndra’o, si manõ gõi wa’omasigu ami. Mi’iagõ wa’omasigu andrõ. 10 Na mi’o’õ goroisagu, ba da’õ mi’iagõ wa’omasigu, si mane folo’õgu oroisa Namagu, be u’iagõ wa’omasinia. 11 Da’õ niwa’õgu khõmi, ena’õ so ba dõdõmi wa’omuso dõdõ andrõ khõgu, ba ena’õ a’oi so wa’omuso dõdõmi. 12 Da’õ goroisagu, ena’õ faoma mi’omasi’õ nawõmi, si mane fa’omasigu ami. 13 Fondrege wa’ebua wangomasi’õ awõ, na ibelegõ nosonia niha fõna zi fahuwu khõnia. 14 Si no fahuwu khõgu ami, na mi’o’õ hadia niwa’õgu khõmi. 15 Lõ’õ sa’ae ube’e tõimi genoni, enoni, ba lõ i’ila, hadia nifazõkhi zokhõ ya’ia; ba no ube’e tõimi zi fahuwu, noa sa u’ombakha’õ khõmi fefu nirongogu khõ Namagu. 16 Tenga ya’ami zanuyu ya’o, ya’o sa zanutuyu ya’ami, ba no ufataro ami, ena’õ mõi ami mowua, ba ena’õ lõ tebulõ mbuami, ena’õ ibe’e khõmi Ama hadia ni’andrõmi khõnia ba dõigu. 17 Da’õ goroisagu khõmi, ena’õ faoma mi’omasi’õ nawõmi. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Efeso 4 : 25-32 25 Andrõ mibõhõli waya, faoma si duhu milau khõ nawõmi, me no faoma ndrotondroto ita. 26 Na mofõnu, ba bõi mifazõkhi horõ; bõi mi’ekhugõ luo ba wõnumi. 27 Ba bõi mifonaha Gafõkha. 28 si no managõnagõ, ba bõi yamanagõnagõ sa’ae, ba yamohalõwõ, yamufazõkhi zi sõkhi, tangania, ena’õ so khõnia, ba wame’e ba zi numana. 29 Bõi alua ba mbewemi wehede si lõ sõkhi, he ha sambua li; hadia zonahia, ba wanga’azõkhi, na moguna, ena’õ omasi zamondrongo. 30 Ba bõi mibusi dõdõ Geheha ni’amoni’õ andrõ, fangaromi, ba luo wangorifi andrõ. 31 Fefu ngawalõ wotõtõisa, ba fa’abao dõdõ, ba fõnu ba faguaguasa, ba fanandrawa, ba yatebato khõmi, awõ fefu, hadia ia zi lõ sõkhi. 32 Ba faoma mihaogohaogõ khõ nawõmi, faoma mihakhõsi tõdõ, faoma mibe’e aefa zala nawõmi, si mane fangefa’õ Lowalangi khõmi gõi, ba khõ Keriso. Famotokhi Taromali Lowalangi Sinanõ ba dõdõ tehalõ moroi ba zura Efeso 4 : 23 Ba nibohouni ami, ba gera’era dõdõmi andrõ. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 157 Wa’asökhi aeli Yesu, si no mogaoni ya’o. Me no Ifabu’u khögu, wa lö Itimba ndra’o. Wa’asökhi aeli Yesu, sangomasi’ö ya’o. No fahöna howuhowu, si no falukha ndra’o. Omasido möi khö Yesu, simane Maria no. Ufonaha ba dödögu, li Zo’aya ya’odo. No sahakhö tödö Yesu, I’amenesi ndra’o. Afu lö tebulö khögu, wa’auri ba zorugo. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 459 Aine khö Yesu, tabu khö Yesu, no Ituturu lala sindruhu. Wogamö fozu fa’auri si lö aetu, ba naha nihönagö Yesu. Reff: Da taröi zi lö faudu... Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***