23 Juni 2024 (Bahasa Nias)

Download Tata Ibadah (DOC)

Download Tata Ibadah (PDF)

Sehubungan pada hari ini Minggu, 23 Juni 2024 bertepatan dengan pelaksanaan Ibadah United Evangelical Mission di BNKP Padang, maka kami menyediakan 2 versi Tata Ibadah yang dapat digunakan untuk Ibadah Siang (Bahasa Nias).

• Bagi yang menggunakan Tata Ibadah United Evangelical Mission (UEM), silahkan pilih Nomor 1.
• Bagi yang menggunakan Tata Ibadah biasa, silahkan pilih Nomor 2.

TATA IBADAH UNITED EVANGELICAL MISSION (UEM)

Minggu, 23 Juni 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ira talifusӧ ni’omasi’ӧ ba khӧ Keriso, ma’ӧkhӧ no owulo ita ndrotondroto UEM ba wa’owulo ba wanӧrӧtӧdӧ migu UEM. Matema’ӧ ami fefu ba wasumangeta khӧ Lowalangi, ma owai ami, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! Liturgos : Ba u’andrӧ khӧmi, ya’o nikuru andre, ba khӧ Zo’aya, ena’ӧ mi tӧrӧ zi nangea lala nikaoni andrӧ me no mukaoni ami. Ya a’oi so wa lӧ fayawa ami, awӧ wa’asӧkhi dӧdӧ, awӧ wa’ebolo dӧdӧ, mibologӧ dӧdӧmi khӧ nawӧmi, mi’omasi’ӧ ia; mi’oigӧ dӧdӧmi, ena’ӧ lӧ tebulӧ wa ha sara dӧdӧ, ena’ӧ fabӧbӧ ami, famabӧbӧ fa’atulӧ andrӧ. Ha sambua mboto, ba ha sambua dӧdӧ, si mane fagaoni ya’ami gӧi, ba zi ha sara fanӧtӧna, ba nikaoni ya’ami. Ha samӧsa Zo’aya, ha sambua wamati, ha sambua wamayagӧ idanӧ, ha sambua Lowalangi ba Amara fefu, yawara fefu, ba sanӧrӧ ya’ira fefu, ba ba dӧdӧra fefu. Ba dozi ita, ba no mube’e wa’ebua dӧdӧ andrӧ, dali ndrohundrohu mbuala Keriso andrӧ. Da tahonogӧ dӧdӧda... He Ama Lowalangi ba zorugo sebua fa’omasi ba sahakhӧ tӧdӧ, no’owulo ndra’aga tanӧfӧnau ma’ӧkhӧ ngaluo ni fahowu’ӧu. Mӧiga ma’ondrasi ndraugӧ sifao fangandrӧ saohagӧlӧ ba fa owuawua dӧdӧ ba fanӧtӧna. Ma’andrӧ saohagӧlӧ ginӧtӧ nitehegӧu khӧma wamalua fasumangeta ba wa hasambua ba khӧ Lowalangi ma faduhu’ӧ wa’oi, faehu-faehu ndra’aga ba nomo Mӧ andre ba no bualau khӧma da’ӧ, he fa’atua tua, lala wa’auri, awӧ mbuabua ba sambua-sambua banua, ba no te’osambua’ӧ ndra’aga bӧrӧ wamati ba khӧ Yesu Keriso sangorifi ba sangӧhӧli ya’aga. Tolo ndra’aga ba wondrorogӧ fahasambua sifao faomuso dӧdӧ, fangidengide’ӧ, ma ila wa moroi khӧU te fabӧbӧ ndra’aga tobali sifatalifusӧ. Ma’ӧkhӧ ta erӧnusi Tuho: “HASAMBUA BA KHӦ KERISO, BA WANGOTOMOSI DELA, BA BA WODUDUGӦ BA’ABA’A” mangotomosi dela, la dudugӧ mba’amba’a, ma’andrӧ menemene ba fa’atuatua si otarai khӧ-Mӧ be’e khӧma wa lӧ aiwӧ ena’ӧ faoma ma’oro’ӧ dangamaba wamalua fa’omasi, si tobali dela ba mbaho famabali, ba wo dudugӧ mba’amba’a so mba’agӧ fa hasambua khӧma ena’ӧ Eheha Ni’amoni’ӧ za me’e fa’abӧlӧ ba wa nitimba si oto’oto, fangerangera ba si nahӧ dӧdӧ, ena’ӧ alua wahasara dӧdӧ, fa o’hauhau ba fa’atulӧ. He So’aya mangandrӧga salahi gosali ba zi sagӧrӧ ulidanӧ, ena’ӧ tobali dumaduma ndra’aga ba wa hasambua mohaga ba gotalua zi no fabӧ’ӧbӧ’ӧ ma’oroma’ӧ wa’omasi ba gulidanӧ si no fabalibali fa’aboto. Abӧlӧ’ӧ ndra’aga So’aya ena’ӧ aro ndra’aga ba wamati, ba wamalua fa’omasi ba fangefa horӧ ba famadӧhӧ gofu he za nahia te sӧndra wa’aboto ba fa’atekiko ba fa’atobali dӧdӧ. Yaduhu! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 26 He iraono, he satua, da tasuno Zo’aya, Me da’ö zomasi Ia, na oi tasuno Ia. He na lö terongo lida, na mangandrö dödöda. No oi i’ila So’aya, Ibe’e ni’andröda. Böi mo’aetufa wangandrö, ba fanuno So’aya. He na bongi, he ma’ökhö, tödömö bè khö-Nia. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 237 He na tebai ndra’o Öbè wa’abölö. Ba no Öheta horögu bohou wa’aurigu. Reff: Möi ndra’odo khö-U So’aya Yesu... Ökaonido Yesu wangombakha khögu. Famati ba fanötöna he göi fa’omasi-U. Reff: Möi ndra’odo khö-U So’aya Yesu... Nifalua-U Yesu manandrösa khögu. Me Ötayaigö horögu Öbè howuhowu. Reff: Möi ndra’odo khö-U So’aya Yesu... He So’aya Yesu no sa Öfabu’u. Öbe wa’auri sindruhu ba zamati fefu. Reff: Möi ndra’odo khö-U So’aya Yesu... Nisuno Zo’aya solomasi khögu. Do-Nia Ni’amoni’ö möi fa’atulögu. Reff: Möi ndra’odo khö-U So’aya Yesu... FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura II Moze 15 : 22-25 22 Ba ifofanõ Ndraono Gizeraëli Moze, la’oroi nasi zukhu, ba lasawa danõ si mate Suri; tõlu ngalu ba tõlu mbongi latõrõ danõ si mate, ba lõ lasõndra nidanõ. 23 Awena larugi Mara; ba tebai labadu nidanõ andrõ, bõrõ wa’afetonia. Safeto sa ia, andrõ wa labe’e tõi naha andrõ Mara (Safeto). 24 Ba kumõkõkõkõ zato khõ Moze, lamane: Ha mabadu idanõ? 25 Ba i’angarõfi li Yehowa, ba i’oroma’õ khõnia geu Yehowa, da’õ itibo’õ ba nidanõ andrõ, ba ami sa’ae nidanõ. Ba da’õ ibe’e khõra gamakhõita ba huku ba ba da’õ itandraigõ ira. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He So’aya ma’ondrasi Ndraugӧ sifao fa ngidengide’ӧ ba wangandrӧ fa ngefa horӧma ba ma’andrӧ wa’ahakhӧ dӧdӧ-U efa’ӧ fefu horӧma ba ginӧtӧ arӧu ndra’aga Khӧ’u, fehedema awӧ gamuatama sogoro Ndra’ugӧ, ena’ӧ fa’omasimӧ andrӧ zamasui ndra’aga ero ma’ӧkhӧ, ena’ӧ hagamӧ andrӧ zanuturu lalama ba wanӧrӧ lalamӧ andrӧ, badӧi Yesu Keriso mangandrӧga, Yaduhu!" Mangandrö ba dödö zamösana föna Lowalangi. Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu. Jemaat : Manunõ moroi ba Mbuku Zinunõ No. 224 : 1 Liturgos : Ba khӧ Yesu tatema wa ngorifi, ba bӧrӧ ndro-Nia wa tasӧndra wangefa horӧ molo’ӧ fa’omasi Nia andrӧ si no fahӧna. Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mareko 4 : 35-41 35 Ba me luo da’õ, me tánõ owi, ba imane khõra: Mõi ita miyefo. 36 Ba me no lafofanõ niha sato, ba la’ohe manõ ia baowo; ba so zi fao khõnia lowo bõ’õ. 37 Ba ilabu bade sabe’e ba ihawui nowo dulu, tobali abuso sa’ae idanõ. 38 Ba no so ia ba gi’õ, mõrõ, no manandraya ia. Ba lasusugi ia, lamane khõnia: He samahaõ! hadia, lõ ba dõdõu, na tekiko ita? 39 Ba maoso ia ba itenawa nangi ba imane ba ndrulu: Bõi hedehede sa’ae, honogõ’õ! Ba tebato nangi, ba tobali ahono sibai. 40 Ba imane khõra: Hadia wa ada’uda’u ami si manõ? Hana wa lõ famati khõmi? 41 Ba ata’u sibai ira, ba faoma lamane khõ nawõra: Ha niha da’õ, wa lafondrondrongo gõi linia angi ba dulu? Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Sinunö 107 : 23-32 23 Soloyo andrõ ba nasi, si mõi ba nasi sebua maniaga, 24 ba la’ila nilau Yehowa andrõ ba sahõlihõli dõdõ, ba namõ. 25 Muhede ia, tesao nangi sabe’e ibe’e, famaoso ndrulu, sebua sibai. 26 Lasawa miyawa mbanua ba numalõ mitou ba gohokoho, ariri dõdõra wa’afõkhõ andrõ. 27 Manawuyu ira ba humeu, hulõ zi mabu, ba tobali faya wa’onekhera fefu. 28 Ba la’angarõfi li Yehowa, ba wa’abu dõdõra andrõ, ba i’efa’õ ira ba wa’atosasara andrõ. 29 Ibali’õ oho mbade andrõ, ba tebato ndrulu. 30 Ba omuso dõdõra, me ahono; ba i’ohe ira ba labua, somasi ira. 31 Ndramu’andrõ saoha gõlõkhõ Yehowa wa’asõkhi dõdõnia andrõ ba sahõlihõli dõdõ andrõ, nilaunia ba nono niha! 32 Ndramudou’õ duriania, ba zowulo zato, ba ndramusuno ia ba walukhata zatua. Famotokhi Taromali Lowalangi Sinanõ ba dõdõ tehalõ moroi ba zura Sinunö 107 : 28 Ba la’angarõfi li Yehowa, ba wa’abu dõdõra andrõ, ba i’efa’õ ira ba wa’atosasara andrõ. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 197 Fondrondrongo li Zo’aya, samokai, samolala. Sama’ema fangorifi, ba zedöna manema. Ibè buala-Nia, gondröita si lö taya. Fondrondrongo li Zo’aya, si no mo’ahonoa. No Ifatenge zanolo, Eheha soroi Nama. Samasao ba wa’auri, si fahöna lakhömi. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu... Pengkhotbah : So’aya safӧnu fa’omasi zogaoni ya’ita tobali ha sambua ba khӧ Keriso. Jemaat : Fondrondrongo wangandrӧma ba fatӧrӧ ndra’aga ba wangehaogӧ dela ba wo dudugӧ somba’agӧ. Pengkhotbah : Mangandrӧga salahi zondrӧniai’ӧ ya’aga ba gosali ena’ӧ mo fa’abӧlӧ ira si otarai Geheha ba wondrou’ӧ fa’aboto ba dӧdӧ ba falulu fohalӧwӧ dozi samati gofu hadia ngasira. Jemaat : Fondrondrongo wangandrӧma ba be’e khӧra wa’atuatua awӧ wa’atulӧ. Pengkhotbah : Mangandrӧga salahi mbanua Niha Keriso ba zi sagӧrӧ ulidanӧ ena’ӧ tola la tema nawӧma he wa’ae no faehu-faehu wetaro zamӧsana, ena’ӧ alua wa lulusa fo halӧwӧ si sӧkhi. Jemaat : Fondrondrongo wangandrӧma ba osabua’ӧ ndra’aga ba wa’omasi. Pengkhotbah : Mangandrӧga salahi gangowuloa niha si no terasa todӧ, tefakao bӧrӧ wa udusa awӧ wanahӧ dӧdӧ ena’ӧ fa’ohahau dӧdӧ siotarai Yesu da’ӧ zamatӧrӧ ya’aga. Jemaat : Fondrondrongo wangandrӧma ba be’e wamadӧhӧ ba fahasara dӧdӧ. Pengkhotbah : Mangandrӧga salahi si tefakao, ni bӧbӧzi bӧrӧ wa matira ena’ӧ lasӧndra wa abӧlӧ ba fanolo ndratalifusӧ ba khӧ Keriso. Jemaat : Fondrondrongo wangandrӧma ba be’e khӧra wa’lӧ aiwӧ ba fanӧtӧna. Pengkhotbah : Mangandrӧga ena’ӧ tobali ndra’ga dela wa’ohahau dӧdӧ si otarai Ndra’ugӧ ba wongambatӧ, ba gosali ba ba nono wa banuasa. Jemaat : Fondrondrongo wangandrӧma tolo ndra’aga ba wangaurifagӧ fa’omasi Keriso. Pengkhotbah : He Lowalangi mafasao ba ma’ohe tanӧfӧnau wa lӧ atulӧ wamofӧ’ӧ lala wangalui ba soi Sri Lanka ena’ӧ fa atuatua si otarai Lowalangi zanuturu lala awӧ wangerangera za matӧrӧ ba wanoloni ono wa banuasa, lӧ famaehuni ba gotalua nono mbanua, ba ena’ӧ lӧ fa’ambӧ zoguna khӧra bongi ma’ӧkhӧ, amualagӧ khӧra wa’amanӧi, tedou domosa soi Sri Lanka, tӧratӧra zi so banua sideide sinumana. Ena’ӧ fa'atuatua si otarai Lowalangi zamatӧrӧ zondrӧnia’ӧ ba wamareta ba wamohouni fa’auri nono wa banuasa. Jemaat : Fondrondrongo wangandrӧma ena’ӧ fa’atulӧ si otarai Lowalangi zamohouni ena’ӧ sӧkhi zi no tekiko ba wa lӧ atulӧ zamatӧrӧ ba Sri Lanka. Pengkhotbah : He Ama mangandrӧga, ena’ӧ tebohouni zi sagӧrӧ ulidanӧ ena’ӧ alua wa hasara dӧdӧ ba gotalua zi no fabali, si no aboto ba gangowuloa. Amualagӧ khӧra Geheha fangomasi’ӧ ba fa’ahakhӧ dӧdӧ-Mӧ ba niha fefu, ena’ӧ masӧndra wa’atulӧ ba fahasambua, ba tenga fa’aboto ba fa'udusa, be khӧma wa’abӧlӧ ba fa’atuatua ba wolohe ba lala satulӧ khӧma si no fabӧ’ӧ fangerangera, ena’ӧ alua walulusa fohalӧwӧ, faoma mafosumange nawӧma ba wamalua si sӧkhi, ena’ӧ fa’abӧlӧ wamadӧhӧ si'otarai khӧ-Mӧ tebohouni zi no terasa ba tefalua wahasara dӧdӧ ba zisagӧrӧ ulidanӧ. Jemaat : Fondrondrongo wangandrӧma tolo ndra’aga ba wangomasi’ӧ ba fa’aboto ba dӧdӧma niha fefu. Pengkhotbah : He So’aya, ma ohe fӧnau gangowuloa UEM ba wangandrӧ ena’ӧ fondrorogӧ ba fokubaloi si'otarai Lowalangi zifao ba gangowuloa UEM andre ena’ӧ sitedou ba wamati ba ba wahasambua. Fahowu’ӧ ndra’aga ba osambua’aӧ ndra’aga, faoma latundreheni ba fa’aboto ba dӧdӧ taroma Li Mӧ, be’e khӧma ginӧtӧ ba wangai halӧwӧ ba wama’ema fa’omasi-Mӧ ba niha bӧ’ӧ. Aro’ӧ wa hasambua gangowuloama ba abӧlӧ’ӧ ndra’aga ena’ӧ tobali ndra’aga haga ba zi fasuima. Ena’ӧ angowuloa si hasambua andre tobali famolakӧmi Lowalangi. Jemaat : Fondrondrongo wangandrӧma ba tolo ndra’aga ena’ӧ ha sambua fefu niha ba wa’omasi Keriso Pengkhotbah : He So’aya ma’ondrasi Ndraugӧ sifao fa’abu dӧdӧ, mangandrӧga salahi sifasuwӧsuwӧ, Papua, Kongo awӧ soi sifasuwӧsuwӧ irugi ia da’a, ma’andrӧ ena’ӧ fa’abӧlӧ danga Lowalangi ba fa ohahau dӧdӧ za matӧrӧ ba sifasuwӧsuwӧ, fadӧhӧ zokho bӧrӧ wasuwӧsa, ohe ira ba wa’atulӧ ba fa’aboto ba dӧdӧ ba gotalua niha. Amualagӧ wa’atulӧ-Mӧ ba zondrӧnia’ӧ ba ba niha fefu, tuturu khӧra lala saekhu ba zi sӧkhi ba fa’atulӧ, kubaloi mbanuau fa’omasimӧ zo alani fa’afӧkhӧ dӧdӧ, fa’afabali dӧdӧ, fa’udusa. Faduhu dӧdӧma wa’abӧlӧ-Mӧ ba wolohe famohouni ba fa’atulӧ. Jemaat : Ena’ӧ tohare mbanua Lowalangi ba ya’alua zomasi’ӧ na inӧtӧ ma odӧdӧgӧ wondrugi wa hasambua ba khӧ Keriso, ma otomosi dela ba wa makiko somba’agӧ ba wamolakhӧmi tӧi-Mӧ. Pengkhotbah : He So’aya safӧnu fa’abӧlӧ, ba ginӧtӧ ma’asiwai wa’owuloma andre, ma’andrӧ saohagӧlӧ wa’omasi-Mӧ no ӧ’tehegӧ khӧma ginӧtӧ owulo ndra’aga ba dӧi-Mӧ Tuho Fahasambua ba khӧ Keriso ba wangotomosi dela ba wamakiko somba’agӧ, fa’atedou wahasambua mbanuau. Ena’ӧ Ehehau Ni’amoni’ӧ sangosambua’ӧ si no marasoi sifao khӧma torӧi Ia ba dӧdӧma sanuturu lala, samaha’ӧ tӧdӧma, era’erama, fehedema awӧ gamuatama. Be’e khӧma wa'abӧlӧ wanolo niha bӧ’ӧ wangotomosi dela tomosi wa’omasi awӧ wanudugӧ mba’amba’a somba’agӧ ya’aga zamӧsana. Ena’ӧ fa’omasi-Mӧ andrӧ mohaga wohagaini ya’aga, ba wolohe niha itugu ahatӧ khӧ Lowalangi. Ba ginӧtӧ marӧi nahia andre, ena’ӧ fa’atohare-Mӧ zi fao khӧma ba wangabӧlӧ’ӧ ya’aga ba wangaurifagӧ wa hasambua ba khӧ Keriso Yesu Lowalangima. Ba dӧi Zo’aya ya’aga Yesu Keriso, si no mamahaӧ ya’aga ba wangandrӧ mamane... Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 484 Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***

TATA IBADAH BAHASA NIAS

Minggu, 23 Juni 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tõdõ ba sowuawua tõdõ ami ba we’amõi fõna Keriso ma’õkhõ andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 26 He iraono, he satua, da tasuno Zo’aya, Me da’ö zomasi Ia, na oi tasuno Ia. He na lö terongo lida, na mangandrö dödöda. No oi i’ila So’aya, Ibe’e ni’andröda. Böi mo’aetufa wangandrö, ba fanuno So’aya. He na bongi, he ma’ökhö, tödömö bè khö-Nia. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 237 He na tebai ndra’o Öbè wa’abölö. Ba no Öheta horögu bohou wa’aurigu. Reff: Möi ndra’odo khö-U So’aya Yesu... Ökaonido Yesu wangombakha khögu. Famati ba fanötöna he göi fa’omasi-U. Reff: Möi ndra’odo khö-U So’aya Yesu... Nifalua-U Yesu manandrösa khögu. Me Ötayaigö horögu Öbè howuhowu. Reff: Möi ndra’odo khö-U So’aya Yesu... He So’aya Yesu no sa Öfabu’u. Öbe wa’auri sindruhu ba zamati fefu. Reff: Möi ndra’odo khö-U So’aya Yesu... Nisuno Zo’aya solomasi khögu. Do-Nia Ni’amoni’ö möi fa’atulögu. Reff: Möi ndra’odo khö-U So’aya Yesu... FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura II Moze 15 : 22-25 22 Ba ifofanõ Ndraono Gizeraëli Moze, la’oroi nasi zukhu, ba lasawa danõ si mate Suri; tõlu ngalu ba tõlu mbongi latõrõ danõ si mate, ba lõ lasõndra nidanõ. 23 Awena larugi Mara; ba tebai labadu nidanõ andrõ, bõrõ wa’afetonia. Safeto sa ia, andrõ wa labe’e tõi naha andrõ Mara (Safeto). 24 Ba kumõkõkõkõ zato khõ Moze, lamane: Ha mabadu idanõ? 25 Ba i’angarõfi li Yehowa, ba i’oroma’õ khõnia geu Yehowa, da’õ itibo’õ ba nidanõ andrõ, ba ami sa’ae nidanõ. Ba da’õ ibe’e khõra gamakhõita ba huku ba ba da’õ itandraigõ ira. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Yehowa Lowalangi, si lõ ambõ fa’abõlõ, ba si no fahõna fa’omasi. Mafaduhu’õ wa tenga sinangea ndra’aga tanõ fõna-Mõ, me no fahõna horõ si no mafalua i’otarai iraono ndra’aga, he ba wehedema, era’era dõdõma, awõ gamuatama si lõ faudu ba daroma Li-Mõ. Andrõ mõiga khõ-U ba wangandrõ fa’ahakhõ dodo-U, ena’õ Õ’efa’õ khõma horõma andrõ, si no mafalua, irege sohahau tõdõ ndra’aga wanohugõ fekolima ba zi so fõnama si faudu ba zomasi Ndra’ugõ. Hakhõsi dõdõ-U khõma Ama, ba be’e aefa khõma horõma andrõ ma’afefu, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mareko 4 : 35-41 35 Ba me luo da’õ, me tánõ owi, ba imane khõra: Mõi ita miyefo. 36 Ba me no lafofanõ niha sato, ba la’ohe manõ ia baowo; ba so zi fao khõnia lowo bõ’õ. 37 Ba ilabu bade sabe’e ba ihawui nowo dulu, tobali abuso sa’ae idanõ. 38 Ba no so ia ba gi’õ, mõrõ, no manandraya ia. Ba lasusugi ia, lamane khõnia: He samahaõ! hadia, lõ ba dõdõu, na tekiko ita? 39 Ba maoso ia ba itenawa nangi ba imane ba ndrulu: Bõi hedehede sa’ae, honogõ’õ! Ba tebato nangi, ba tobali ahono sibai. 40 Ba imane khõra: Hadia wa ada’uda’u ami si manõ? Hana wa lõ famati khõmi? 41 Ba ata’u sibai ira, ba faoma lamane khõ nawõra: Ha niha da’õ, wa lafondrondrongo gõi linia angi ba dulu? Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Sinunö 107 : 23-32 23 Soloyo andrõ ba nasi, si mõi ba nasi sebua maniaga, 24 ba la’ila nilau Yehowa andrõ ba sahõlihõli dõdõ, ba namõ. 25 Muhede ia, tesao nangi sabe’e ibe’e, famaoso ndrulu, sebua sibai. 26 Lasawa miyawa mbanua ba numalõ mitou ba gohokoho, ariri dõdõra wa’afõkhõ andrõ. 27 Manawuyu ira ba humeu, hulõ zi mabu, ba tobali faya wa’onekhera fefu. 28 Ba la’angarõfi li Yehowa, ba wa’abu dõdõra andrõ, ba i’efa’õ ira ba wa’atosasara andrõ. 29 Ibali’õ oho mbade andrõ, ba tebato ndrulu. 30 Ba omuso dõdõra, me ahono; ba i’ohe ira ba labua, somasi ira. 31 Ndramu’andrõ saoha gõlõkhõ Yehowa wa’asõkhi dõdõnia andrõ ba sahõlihõli dõdõ andrõ, nilaunia ba nono niha! 32 Ndramudou’õ duriania, ba zowulo zato, ba ndramusuno ia ba walukhata zatua. Famotokhi Taromali Lowalangi Sinanõ ba dõdõ tehalõ moroi ba zura Sinunö 107 : 28 Ba la’angarõfi li Yehowa, ba wa’abu dõdõra andrõ, ba i’efa’õ ira ba wa’atosasara andrõ. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 197 Fondrondrongo li Zo’aya, samokai, samolala. Sama’ema fangorifi, ba zedöna manema. Ibè buala-Nia, gondröita si lö taya. Fondrondrongo li Zo’aya, si no mo’ahonoa. No Ifatenge zanolo, Eheha soroi Nama. Samasao ba wa’auri, si fahöna lakhömi. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 484 Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***