31 Agustus 2025 (Bahasa Nias)

Download Tata Ibadah (DOC)

Download Tata Ibadah (PDF)

31 Agustus 2025 [Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tödö ba sowuawua tödö ami ba we’amöi föna Keriso ma’ökhö andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khömi Lowalangi! Jemaat : Ya fao khöu Geheha-Nia! FOGAONI Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö No. 9 No töra moroi khö nina, wendroro ononia, Wamaeri Yesu So’aya, ya’o tana khö-Nia. Me omasi Lowalangi, na auri göi ndra’odo. Andrö wa no Ikaoni, afu u’o’ö Keriso. Lö faröi sa Zo’aya, he adudu danöda. Ifatenge Nono-Nia, Ama, Lowalangigu. Itehe nibunu Ia, si möi fangorifigu. He tödögu, lau anunö, böi olifu ndra’ugö. Angalulu khö Yesu, me sangorifi ya’ugö. Lö faröi sa Zo’aya, he adudu danöda. No Ibè Geheha-Nia, samatörö tödögu. Awö daroma li-Nia, wamohaga lalagu. Sangaro’ö famatigu, sondrou’ö fanötöna. Solawa emaligu, ba ginötö watelesa. Lö faröi sa Zo’aya, he adudu danöda. Irorogö sa ndra’odo, Ibönökhi zoguna. He na mofökhö ndra’odo, lö Iröido So’aya. Ba wofanö Ilumö’ö, fa lö göna te’ala. Ifasugi ba dödö, wanunonuno Ya’ia. Lö faröi sa Zo’aya, he adudu danöda. He So’aya, amölido, wanörö ulidanö. Fa lö te’ala ndra’odo, me oya wanandraigö. Böi famalö amenesi, ndra’odo na elungu. Efa’ödo ba horö, si no emali dödögu. Rorogödo, So’aya, irugi gamozua. FANGA’ARO’Ö WA’OWULO (VOTUM) Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anönö gosali ahe mbaru-Nia. Serafi föna-Nia, önö gafi zamösa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khö nawöra: Ni’amoni’ö, Ni’amoni’ö, Ni’amoni’ö Yehowa ngahönö andrö; no anönö lakhömi-Nia guli danö ma’asagörö. (Yesaya 6:1b, 2-3) HALELUYA! Liturgos : Mangandrö ita, "He Yehowa Lowalangi Ama, Ono ba Eheha Ni’amoni’ö. Möiga mangalulu ba wangandrö saohagölö me no örorogö, ö’orifi, ba öbohouniga fa’omasi-Mö andrö. Ma’andrö khö-U, tohugö wa’ebua dödö-U khöma, rorogöga ba ngawalö de’ala, efa’öga ba wanandraigö, rara dödö ba ngawalö gabula dödö, tundreheni fa böi alau ndra’aga. Fatöröga ba zomasi Ndra’ugö irugi gamozua, fa makhamö nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö, Yaduhu!" Mudadao Zato Liturgos : Manunö ita moroi ba Mbuku Zinunö No. 272 Omasido, omasido, Yesu, si möi mangatulö. Ha khö-Nia so wangefa, me sahakhö tödö Ia, na so wangesa dödö. Da fao ita, da fao ita, tabu ta’ondrasi Yesu. Me Ya’ia khöda lala, fa’auri ba fa’aduhu irugi zi lö aetu. FOMBASO TAROMALI LOWALANGI (AMABU'ULA LI SIFöFöNA) Liturgos : Da tafondrondrongo daroma Li Lowalangi, tehalö moroi ba zura Amaedola 25 : 2-6 2 Ba Lowalangi, ba fangebua duriania, na ibini’õ hadia ia, ba ba razo niha, ba fangebua duria, na la’alui sibai, na so hadia ia. 3 Si mane fa’alawa mbanua si yawa ba si mane fa’abakha danõ si tou, si manõ gõi dõdõ razo, wa tebai tesõndra. 4 Na laheta gakhozila ba wirõ, ba mofozu gamagama nifazõkhi duka gana’a. 5 Nifofanõ ba ngai razo zolau si lõ sõkhi, ba mõi fangaro dadaomania wa’atulõ. 6 Bõi mohokha ndra’ugõ fõna razo, ba bõi bali’õ nahau naha zebua. Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1 FANGANDRö FANGEFA HORö Liturgos : Ya’ami ira talifusö, Na taŵa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato. Mangandrö ita, "He Yehowa Lowalangi, si lö ambö fa’abölö, ba si no fahöna fa’omasi. Mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dodo-U, ena’ö ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba zi so fönama si faudu ba zomasi Ndra’ugö. Hakhösi dödö-U khöma Ama, ba be’e aefa khöma horöma andrö ma’afefu, Yaduhu!" Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen) Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! “NA UBINI’Ö HORÖGU KHÖ YESU” Jemaat : Manunö moroi ba Mbuku Zinunö No. 224 : 1 Liturgos : Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö” (Yesaya 44:22) Lakhömi khö Lowalangi si yawa! Jemaat : Manunö moroi ba Mbuku Zinunö No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalö moroi ba zura Mataio 23 : 1-11 1 Ba humede Yesu ba niha sato ba khõ ndra nifahaõnia, imane: 2 Ba dadaoma Moze dumadao zangila amakhoita andrõ ba farizaio. 3 Ba fefu hadia ia, niwa’õra khõmi, ba mi’o’õ, bõi misawõ, ba bõi mi’o’õ ba mbuabuara; lawa’õwa’õ sa, ba lõ latõrõ. 4 Ba labõbõ noro sabua ba lahare’õ ba galisi niha, ba ya’ira, ba sara turura lõ labe’e, ba wamaliwa ya’ia. 5 Afu’afura la’ila ira niha, andrõ lalau fefu nilaura andrõ. La’ebolo’õ sa zura wangerangera andrõ khõra, ba la’ebua’õ mbowobowo mbarura andrõ. 6 Ba no omasi ira naha tánõ si yawa ba gowuloa ba dadaoma tánõ si yawa ba zekola; 7 ba omasi ira na la’owai ira ba kade, ba na labe’e tõira zamahaõ niha tánõ bõ’õ. 8 Ba bõi ndramube’e tõimi zamahaõ, ha sa samõsa zamahaõ ya’ami, ba si fatalifusõ ami fefu. 9 Ba bõi fa’ama ami ba niha ba guli danõ, ha sa samõsa Namami, si so ba zorugo. 10 Ba bõi ndramaube’e tõimi zolohe, me ha samõsa zolohe ya’ami, Keriso. 11 Enonimi zebuami. Ya’ahowu zamondrongo taroma Li Lowalangi ba same’e ba dödö (Luka 11:28) Jemaat : Yaduhu! FANGOWULOI FASÖMBATA Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7) Tafa’ema föna wasömbata khö Lowalangi, ba manunö ita moroi ba Mbuku Zinunö No. 261 2. Ya’e zumange fasömbata ma be’e soroi ba dödöma. 3. Ya’e zumange fasömbata buala si’otarai Nama. 4. Ya’e zumange fasömbata, boto, noso, ba fa’aurima. 5. Ya’e zumange fasömbata, lö irugi zomasi dödö-U. 6. Ya’e zumange fasömbata, ma’aohasi gölö Zo’aya. Liturgos : Da tafasao wasömbatada andre föna Lowalangi, musindro ita fefu. [Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163 [Pengkhotbah Möi ba Mimbar] HUHUO SEBUA Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...[Fangadrö Famokai Huhuo Sebua] Amin. Fombaso Taroma Li Lowalangi moroi ba zura Heberaio 13 : 7-17 7 Mitõrõtõrõ tõdõmi zolohe ya’ami andrõ, si no mangombakha khõmi taroma li Lowalangi; aekhula lalara mitõngõni, ba mi’ohia’õ wamatira andrõ. 8 Yesu Keriso andrõ, ba ya’iya’ia manõ, he menewi, ba he ma’õkh?, ba he irugi zi lõ aetu. 9 Bõi mibe’e nidõnisi ami, ba wamahaõ si no oya ngawalõ, si no fabõ’õ; si sõkhi sa na moroi ba wa’ahakhõ dõdõ te’abe’e’õ dõdõ, bõi ba gõ, ba zi lõ hare zanõrõ da’õ. 10 No so khõda naha wame’e sumange, ba zi lõ tola manga zangai halõwõ andrõ, ba nose andrõ. 11 Baero golombasewa sa tetunu nõsi zaliwaliwa ba danõ andrõ, ni’ohe gere sebua do ba ni’amoni’õ andrõ fameta horõ. 12 Andrõ gõi baero mbawa gõli itaha wamakao Yesu, ena’õ i’amoni’õ mbanua, donia andrõ. 13 Ba me si manõ, ba damõi ita khõnia, baero golombasewa, ba datalu’i wango’aya ya’ia andrõ. 14 Lõ’õ sa khõda ba da’e banua si lõ tebulõ, ba si so dania ni’aluida. 15 Ba datafafa’ema’õ khõnia zumange fanuno, khõ Lowalangi, bõi mamalõmalõ; ya’ia mbuabua mbewe, sangombakha tõinia. 16 Bõi mi’olifugõ ami, ba wanolo si numana, ba ba dolotolo andrõ; somasi Lowalangi sa zumange si manõ. 17 Mifondrondrongo li zolohe ya’ami andrõ, ba mi’o’õ, ya’ira sa zanaro tõdõmi andrõ, khõra tezofuzofu li dania, ena’õ omuso dõdõra wangombakha, ba ena’õ bõi mangarõngarõ ira; tenga sa sohare ami da’õ. Famotokhi Taromali Lowalangi Sinanö ba dödö tehalö moroi ba zura Mataio 23 : 10 Ba böi ndramube'e töimi zolohe, me ha samösa zolohe ya'ami Keriso. Fangandrö Fondruhö Wamotokhi Taromali Jemaat : Manunö moroi ba Mbuku Zinunö No. 154 TUHO WAMATI Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida: Ya’o mamati khö Lowalangi Ama si lö ambö fa’abölö, somböi banua si yaẅa awö danö. Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunö ita moroi ba Mbuku Zinunö No. 247 He Yesu ha Ya’ugö zawatöma. Ba wogamö fa’auri ba khö Nama. No saekhu ölö fefu ae ndra’aga. Na tenga sa Ya’ugö, zi fao khöma. Ya Öhakhösi tödö na ndra’aga. Ya Örara dödöma ba Geheha. Me tana khö-U ndra’aga, he So’aya. Be’e khöma wamati si lö taya. FANGANDRÖ SALAHI + FAMATENGE + HOWUHOWU Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:" Pengkhotbah + Jemaat : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu. Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: Ya mufahowu’ö ami Lowalangi, Ya murorogö ami; Ya mufohaga mbawa-Nia khömi, Ya mu’ebua’ö dödö-Nia khömi; Ya mufalemba hörö-Nia khömi, Ya mubè’e wa’ohahau dödö khömi fefu. Yaduhu! Jemaat : Manunö moroi ba Mbuku Zinunö No. 247 : 4 Fa’omasi-Mö khöma lö mamalö. Dozi no Ötologa, Örorogö. Ma’andrö na khö-U Yesu, ae tohugö. Fasao ndra’aga fefu, ba zi so’Ö. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***