13 Juli 2025 (Bahasa Nias)

Download Tata Ibadah (DOC)

Download Tata Ibadah (PDF)

13 Juli 2025 [Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tödö ba sowuawua tödö ami ba we’amöi föna Keriso ma’ökhö andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khömi Lowalangi! Jemaat : Ya fao khöu Geheha-Nia! FOGAONI Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö No. 29 Tasuno Wondrege Zalawa, ba samatörö ya’ita. Ebua wa’omasi-Nia, sahölihöli dödöda. Itehe mate ba röfa, Nono-Nia salahida. Ta’oigö dödöda wanuno, Lowalangida, So’aya. Samè famati ba dödöda, si lö’ö khöda meföna. Ta’omusoi’ö dödöda, me fa’aurida Zo’aya. Ya’e dödöma, Sangorifi, era’erama, boto göi. Si hulö nono mbiribiri, sumange nibe’ zamati. Ba wa’ebua dödö-Mö, aro’öga tana khö-Mö. FANGA’ARO’Ö WA’OWULO (VOTUM) Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anönö gosali ahe mbaru-Nia. Serafi föna-Nia, önö gafi zamösa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khö nawöra: Ni’amoni’ö, Ni’amoni’ö, Ni’amoni’ö Yehowa ngahönö andrö; no anönö lakhömi-Nia guli danö ma’asagörö. (Yesaya 6:1b, 2-3) HALELUYA! Liturgos : Mangandrö ita, "He Yehowa Lowalangi Ama, Ono ba Eheha Ni’amoni’ö. Möiga mangalulu ba wangandrö saohagölö me no örorogö, ö’orifi, ba öbohouniga fa’omasi-Mö andrö. Ma’andrö khö-U, tohugö wa’ebua dödö-U khöma, rorogöga ba ngawalö de’ala, efa’öga ba wanandraigö, rara dödö ba ngawalö gabula dödö, tundreheni fa böi alau ndra’aga. Fatöröga ba zomasi Ndra’ugö irugi gamozua, fa makhamö nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö, Yaduhu!" Mudadao Zato Liturgos : Manunö ita moroi ba Mbuku Zinunö No. 268 Alai wa awena u’ila, Ndra’ugö, Keriso Yesu. Si no manaögö fango’aya, wangöhöli niha fefu. Andrö mangesa dödögu, ba horö fefu nilaugu. Selungu ndra’odo ena’ö, na lö u’ila Ndra’ugö. Arörödo ba wayafaya, ba lakhömi gulidanö. Ohe ndra’o ba haga-Mö, wanörö lala satulö. Rorogö ndra’odo ba lala, me fahöna zanandraigö. Afu lö te’ala ndra’odo, fasaodo ero ma’ökhö. Tolo ndra’o, abölö’ö, Eheha Ni’amoni’ö. FOMBASO TAROMALI LOWALANGI (AMABU'ULA LI SIFöFöNA) Liturgos : Da tafondrondrongo daroma Li Lowalangi, tehalö moroi ba zura Sinunö 31 : 20-25 20 Ha lõ abõlõ wa’ebua dõdõu andrõ, nitenagõu ba zangata’ufi ya’ugõ; ni’oroma’õu, ba zanehe niha, ba zanõtõna khõu andrõ. 21 Õba’a ira ba’aba’a bawau andrõ, na aekhu niha, õbini’õ ira baose, ba wasosota lela andrõ. 22 Nisuno Yehowa, me no i’oroma’õ khõgu wa’ebua dõdõnia andrõ, sahõlihõli dõdõ, ba mbanua saro. 23 Ba ya’o, ba umane, ba wa’atobali dõdõgu andrõ: ”No toba’a ndra’o ba hõrõu.” Ba no õfondrondrongo zui li wangandrõgu andrõ, me mu’aodo khõu. 24 Mi’omasi’õ Yehowa, ya’ami, satulõ tõdõ andrõ khõnia, dozi! Irorogõ Yehowa zi lõ farõi andrõ ba lõ i’ambõsi zulõ ba zama’ua fayawasa. 25 Mirara dõdõmi ba mi’abe’e’õ, dozi ami, sanõtõna khõ Yehowa. Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1 FANGANDRö FANGEFA HORö Liturgos : Ya’ami ira talifusö, Na taŵa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato. Mangandrö ita, "He Yehowa Lowalangi, si lö ambö fa’abölö, ba si no fahöna fa’omasi. Mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dodo-U, ena’ö ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba zi so fönama si faudu ba zomasi Ndra’ugö. Hakhösi dödö-U khöma Ama, ba be’e aefa khöma horöma andrö ma’afefu, Yaduhu!" Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen) Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! “NA UBINI’Ö HORÖGU KHÖ YESU” Jemaat : Manunö moroi ba Mbuku Zinunö No. 224 : 1 Liturgos : Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö” (Yesaya 44:22) Lakhömi khö Lowalangi si yawa! Jemaat : Manunö moroi ba Mbuku Zinunö No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalö moroi ba zura Efeso 6 : 21-24 21 Ba ena’õ mi’ila gõi, he wisa khõgu, hadia nilaugu, ba i’ombakha’õ khõmi dania fefu hadia ia, Tikhiko andrõ, talifusõ ni’omasi’õ andrõ, enoni si lõ farõi ba khõ Zo’aya; 22 nifatengegu khõmi, ba da’õ, ena’õ mirongo, he wisa khõma, ba ena’õ irara dõdõmi. 23 Ndrafalukha dalifusõ wa’ohahau dõdõ ba fa’omasi ba famati, khõ Lowalangi Ama, ba khõ Zo’aya ya’ita, Yesu Keriso, 24 Ndrafalukha wa’ebua dõdõ dozi sangomasi’õ So’aya ya’ita, Yesu Keriso, si lõ tebulõ. Ya’ahowu zamondrongo taroma Li Lowalangi ba same’e ba dödö (Luka 11:28) Jemaat : Yaduhu! FANGOWULOI FASÖMBATA Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7) Tafa’ema föna wasömbata khö Lowalangi, ba manunö ita moroi ba Mbuku Zinunö No. 261 2. Ya’e zumange fasömbata ma be’e soroi ba dödöma. 3. Ya’e zumange fasömbata buala si’otarai Nama. 4. Ya’e zumange fasömbata, boto, noso, ba fa’aurima. 5. Ya’e zumange fasömbata, lö irugi zomasi dödö-U. 6. Ya’e zumange fasömbata, ma’aohasi gölö Zo’aya. Liturgos : Da tafasao wasömbatada andre föna Lowalangi, musindro ita fefu. [Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163 [Pengkhotbah Möi ba Mimbar] HUHUO SEBUA Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...[Fangadrö Famokai Huhuo Sebua] Amin. Fombaso Taroma Li Lowalangi moroi ba zura V Moze 30 : 15-20 15 Hiza, no ufaedo khõu ma’õkhõ wa’auri, awõ wa’ohahau dõdõ, ba fa’amate, awõ wamakao. 16 Na õ’o’õ goroisa Lowalangiu, Yehowa, nifa’emagu khõu ma’õkhõ, wa õ’omasi’õ Lowalangiu, Yehowa, na õtõrõ lala andrõ khõnia, ba na õtõngõni goroisania, awõ nifakhoinia andrõ, awõ hukunia, ba auri ndra’ugõ ba ato ami dania, ba ifahowu’õ ndra’ugõ Lowalangiu, Yehowa, ba danõ andrõ, ba zi mõi’õ, ba wangokhõgõ ya’ia. 17 Ba na fa’ero dõdõu, na lõ õfondrondrongo li, na tobali õbe’e nifowõhõ ndra’ugõ, ba wangalulu ba Lowalangi bõ’õ, ba ba wamosumange da’õ, ba uwa’õ khõmi ma’õkhõ: 18 Lõ zi lõ tekiko ami; tenga sanau noso ami, ba danõ andrõ, ba zi mõi ami miyefo Yoridano, ba wangokhõgõ ya’ia. 19 Ukaoni si so ba mbõrõ ba khõmi andrõ ma’õkhõ mbanua si yawa, awõ danõ tou, wa no ufaedo ira khõu wa’auri wa’amate, ba howuhowu ba fangelifi, ba no ufaedo khõu; ba fa’auri sa’ae tuyu, ena’õ auri’õ, ya’ugõ andrõ, awõ nga’õtõmõ dania; 20 õmasi’õ Lowalangiu, Yehowa, ba fondrondrongo linia ba olemba, khõnia, da’õ sa wangorifiu ba fanganau nosou, ena’õ lõ tebulõ’õ ba danõ andrõ, nifabu’u Yehowa fame’e, khõ ndra tuau Aberahamo, Iza’aki, Yakobo, si no mõi ba hõlu ia khõra! Famotokhi Taromali Lowalangi Sinanö ba dödö tehalö moroi ba zura V Moze 30 : 16b Na ötörö lala andrö khö-Nia, ba na ötöngöni goroisa-Nia, awö nifakhoi-Nia andrö, awö huku-Nia, ba auri ndra'ugö. Fangandrö Fondruhö Wamotokhi Taromali Jemaat : Manunö moroi ba Mbuku Zinunö No. 154 TUHO WAMATI Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida: Ya’o mamati khö Lowalangi Ama si lö ambö fa’abölö, somböi banua si yaẅa awö danö. Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunö ita moroi ba Mbuku Zinunö No. 278 : 1-2 No fondrege wa’ebua, wa’omasi Nama khöda, dali zi no tatema. Me lö na si tumbu ita, no Ibe’e Nono-Nia, sangöhöli ya’ita. Sökhi, sökhi, me Idozigö Ibè khöda wa’auri, si lö aetu, si lö taya. FANGANDRÖ SALAHI + FAMATENGE + HOWUHOWU Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:" Pengkhotbah + Jemaat : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu. Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: Ya mufahowu’ö ami Lowalangi, Ya murorogö ami; Ya mufohaga mbawa-Nia khömi, Ya mu’ebua’ö dödö-Nia khömi; Ya mufalemba hörö-Nia khömi, Ya mubè’e wa’ohahau dödö khömi fefu. Yaduhu! Jemaat : Manunö moroi ba Mbuku Zinunö No. 278 : 3 Ha wa’omuso dödöda, na fa’aurida Zo’aya, irugi gamozua. Fa’ebua dödö-Nia, Ifaogö ita khö-Nia, ba wogamö femöna. Sökhi, sökhi, me tasöndra lala wefao khö Zo’aya, ba lakhömi, ba ngai Nama. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***