[Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi]
FANGOWAI BA FOGAONI
FANGOWAI
Liturgos : Ya’ami banua niha Keriso, Ya’ahowu ami ba döi Zo’aya, (I Kor 16:22). Maranata!!!
Jemaat : Maranata!!!
Liturgos : Yafao-fao khõmi Lowalangi!
Jemaat : Ya fao khõu Geheha-Nia!
-
(Möi ba meza Altar Zangai Huhuo Sebua, ba imane): “Ma’ökhö andre migu Adefe si Sara khöda. Eluaha Adefe si Sara andre ya’ia da’ö: “Fa’aro Wanötöna ba wombaloi Fa’atohare Zo’aya ba luo safuri” (Aefa da’ö, itunu Lili molo’õ migu Adefe)
-
(Möi ba meza Altar Zangai Huhuo Sebua, ba imane): “Ma’ökhö andre migu Adefe si Dua khöda. Eluaha Adefe si Dua andre ya’ia da’ö: “Fogaoni ba wamalalini Era’era ba wamaondragö Fa’atohare Zo’aya” (Aefa da’ö, itunu Lili molo’õ migu Adefe)
-
(Möi ba meza Altar Zangai Huhuo Sebua, ba imane): “Ma’ökhö andre migu Adefe si Tölu khöda. Eluaha Adefe si Tölu andre ya’ia da’ö: “Fa’atohare Mesia ba gulidanö, ba wama’ele’ö fa’atohare Mbanua Lowalangi” (Aefa da’ö, itunu Lili molo’õ migu Adefe)
-
(Möi ba meza Altar Zangai Huhuo Sebua, ba imane): “Ma’ökhö andre migu Adefe si öfa khöda. Eluaha Adefe si öfa andre ya’ia da’ö: “Fa’owuawua dödö me no ahatö wa’atohare Zo’aya” (Aefa da’ö, itunu Lili molo’õ migu Adefe)
FOGAONI
Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No.
33
- He Yehowa Lowalangi Ama, ha Ya’ugö nidönadönama.
Sangefa’ö ba danga gafökha Ya’ugö zangorifi ya’aga.
Me lö samolala tödöma, ba horöma si no fahöna,
Öfatenge Yesu So’aya samè fangefa.
- Saohagölö-U he Yesu So’aya, me möi’Ö tou ba gulidanöma.
Ba wamalua oroisa Nama, wa möi’Ö wangöhöli ya’aga.
Na ma’era’era tödöma, wa Ötehe tobali niha.
Börö wa’omasi-U ndra’aga, Ö’orifiga.
- Da ma’andrö ehaogö dödöma, ba wamaondragö Yesu So’aya.
Ma’ila wa si tebai ndra’aga, na lö Ötolo sifao Eheha.
Ena’ö monahia Zo’aya, we’amöi bakha ba dödöma.
Tödöma amaedola luha, nahia Zo’aya.
FANGA’ARO’Õ WA’OWULO (VOTUM)
Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato.
No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!
Jemaat : Yaduhu!
Liturgos : Hiza, möi yomo ba mbanua khömi razomi, razo satulö ba sabölö (Zakharia 9:9b). MARANATA
Liturgos : Mangandrõ ita, "He Yehowa Lowalangima, somböi banua si yawa awö danö. No fa’ebua dödö-U khöma wa no tola marugi mböröta ndröfi ba wa’aniha Keriso. Abölö’ö ndra’aga Eheha-Mö andrö Ni’amoni’ö, ena’ö so khöma mbuabua wamalalini era’era, ba ena’ö soŵa’a, sanöi ba sowua ndra’aga ba wamati ba wamaondragö fa’atohare Zo’aya ya’aga Yesu Keriso. Be’e khöma wehi’a dödö, fangosindruhugö ba fa lö faröi ba wango’aurifagö taroma Li-Mö, ena’ö samonga’eu fa’omasi, fa’atulö, fangefa, ba fa’ohahau dödö ndra’aga fefu irugi we’aso-Mö andrö si mendrua, Yaduhu!" Mudadao Zato
Liturgos : Manunõ ita moroi ba Mbuku Zinunõ No.
236
- He Yesu sahakhö tödö, möido föna-Mö.
Usao’ö ngawalö horö, Ösasai do-Mö.
Reff : Yesu, Yesu, rongo we’aogu...
- Da’ö wangaro dödögu, nitaögö-U Yesu.
Tödögu si no ta’unö tobali bohou.
Reff : Yesu, Yesu, rongo we’aogu...
- Ha Yesu zondrara tödö, sindruhundruhu.
Me si lö faröiröi Ia, ba wa’aurigu.
Reff : Yesu, Yesu, rongo we’aogu...
FOMBASO TAROMALI LOWALANGI (AMABU'ULA LI SIFÕFÕNA)
Liturgos : Da tafondrondrongo daroma Li Lowalangi, tehalõ moroi ba zura
Sinunö 89 : 1-9
1 Famahaõ khõ Getano, ma’uwu Zera.
2 Da’usuno wa’ebua dõdõ Yehowa andrõ, irugi zi lõ aetu, gõtõgõtõ wa’ara u’ombakha’õ bewegu andre, wa si lõ farõi ndra’ugõ.
3 Noa sa õmane: ”Si lõ aetu wa’atedou wa’ebua dõdõ andrõ”; ba mbanua si yawa õ’aro’õ, wa lõ farõi ndra’ugõ.
4 ”No fawu’u li ndra’o khõ nituyugu andrõ, no fahõlu ndra’o khõ genonigu Dawido andrõ:
5 Irugi zi lõ aetu lõ ubulõ’õ madoumõ andrõ, irugi nga’õtõ mitou u’a’aro’õ dadaomamõ.”
6 Ba lasuno banua si yawa zahõlihõli dõdõ andrõ khõu, ya’ugõ Yehowa, ba fa lõ farõi ndra’ugõ ba walukhata niha ni’amoni’õ.
7 Ha niha atõ ba lawuo si yawa zi mane Yehowa? Ha niha zi mane Yehowa ba ndraono Lowalangi andrõ?
8 Sata’u ita Lowalangi ba walukhata sebua ba niha ni’amoni’õ ba sihokha mbu niha, fefu zi tefasui ya’ia.
9 He Yehowa, Lowalangi ngahõnõ, ha niha zi mane ya’ugõ, salawa sebua? ba no tefasui ndra’ugõ wa lõ farõi andrõ, khõu.
Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 3 : 2
FANGANDRÕ FANGEFA HORÕ
Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato.
Mangandrõ ita, "He Ama Ni’amoni’ö, möiga ma’ondrasi dadaoma wa’ahakhö dödö-U ba wangandrö fangefa horö ba ngawalö nilauma si lö sökhi. Ma’andrö wa’ebolo dödö-U Ama ba wa’oya golalöwama, he nifaluama ba ndraonoma, khö ndra satuama, ba dalifusöma, ba ba niha fefu. Ma’andrö bologö dödö-U khöma me asese iböbö ndra’aga amuata fa’afökhö dödö, fayawasa, ba fönu ba lala wa’auri sero ma’ökhö. Ma’andrö hakhösi dödö-U khöma, sasai fefu horöma ba bohouni ndra’aga ba wamaondragö fa’atohare-Mö. Saohagölö Ama, ba döi Zo’aya ya’aga Yesu Keriso, ma’andrö ni’andröma..."
Liturgos : Mangandrö ba dödö zamösana föna Lowalangi... 1 irugi 2 meniti.
Jemaat : Mangandrö ba dödö...
Liturgos : Hakhösi dödöU khöma, Ama, ba be’e aefa khöma horöma andrö ma’afefu....Yaduhu.
Jemaat : Manunõ moroi ba Mbuku Zinunõ No. 224 : 1
Liturgos : Faya wa no sauri Ndra’o, Iŵa’ö Yehowa na omasi-Do mate zebua horö; somasi Ndra’o na iröi lalania andrö sebua horö, na ifalalini gera’erania, ba na auri ia. Mifalalini gera’erami, miröi lalami andrö, si lö sökhi! Hana sa wa edöna mate ami, ya’ami ni’omasi’ö-Gu? Lakhõmi khõ Lowalangi si yawa!
Jemaat : Manunõ moroi ba Mbuku Zinunõ No. 450
Liturgos : Dumadao Zato!
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalõ moroi ba zura
Filifi 1 : 3-10
3 U’andrõ saoha gõlõ khõ Lowalangigu, ero na itõrõ tõdõgu ami,
4 lõ mamalõmalõ, ero mangandrõ ndra’o; omuso dõdõgu, ba wangandrõ andrõ, salahimi fefu;
5 bõrõ me no mitolo ba wangombakha turia somuso dõdõ andrõ, i’otarai mbõrõta, irugi da’e.
6 Ba da’õ moroi, wa faduhu dõdõgu, samõrõgõ mege halõwõ si sõkhi andrõ, ba dõdõmi, ba ifalua gõi, irugi luo Keriso Yesu andrõ.
7 Si manõ zi nangea dõdõgu khõmi, me no so ami ba dõdõgu; ba faoma, he ba rategu andre, ba he ba wamaduhu’õ turia somuso dõdõ, ba ba wanga’aro’õ ya’ia, ba mo’urakha ami fefu, ba wa’ebua dõdõ andrõ khõgu.
8 Lowalangi sa zamaduhu’õ khõgu, ha wa’abõlõ omasido falukha khõmi fefu, moroi ba dõdõ Keriso Yesu.
9 Ba da’õ ni’andrõgu, ena’õ itugu tedou na ba wa’omasimi andrõ wa’aboto ba dõdõ, awõ ngawalõ wangila fefu;
10 ena’õ mi’ila mitimba tõdõmi, hadia zi sõkhi, ena’õ ohauhau ami, ba ena’õ lõ manendre ami, irugi luo Keriso andrõ,
Ya’ahowu zamondrongo taroma Li Lowalangi ba same’e ba dõdõ (Luka 11:28)
Jemaat : Yaduhu!
FANGOWULOI FASÕMBATA
Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261
2. Ya’e zumange fasõmbata ma be’e soroi ba dõdõma.
3. Ya’e zumange fasõmbata buala si’otarai Nama.
4. Ya’e zumange fasõmbata, boto, noso, ba fa’aurima.
5. Ya’e zumange fasõmbata, lõ irugi zomasi dõdõ-U.
6. Ya’e zumange fasõmbata, ma’aohasi gõlõ Zo’aya.
Liturgos : Da tafasao wasõmbatada andre fõna Lowalangi, musindro ita fefu.
[Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
KOOR/VOCAL GROUP
Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163
[Pengkhotbah Mõi ba Mimbar]
HUHUO SEBUA
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin.
- Fombaso Taroma Li Lowalangi moroi ba zura
Luka 1 : 26-38
26 Ba arakha õnõ wawa, ba ifatenge mala’ika Gaberiëli andrõ Lowalangi ba mbanua Galilaia, sotõi Nazareta,
27 khõ nono alawe, sinandra ndra matua, sotõi Yosefo, ma’uwu Dawido; ba tõi nono alawe andrõ, ba Maria.
28 Ba mõi si bakha khõnia mala’ika andrõ, imane: Ya’ugõ, si no falukha fa’ebua dõdõ! Yamutolo’õ So’aya!
29 Ba tobali dõdõnia, ba niwa’õnia andrõ, imane dõdõnia: Hadia wangowai da’õ?
30 Ba imane mala’ika andrõ khõnia: Bõi ata’ufi Maria; noa sa falukha’õ wa’ebua dõdõ khõ Lowalangi;
31 ba hiza, manabina dania ndra’ugõ, ba mo’ono’õ ono matua, ba õbe’e tõinia Yesu.
32 Salawa dania da’õ, ba labe’e tõinia Nono Wondrege Zalawa, ba ibe’e khõnia Lowalangi So’aya dadaoma duania Dawido.
33 Ba samatõrõ ma’uwu Yakobo ia, gõtõgõtõ wa’ara, ba si lõ aetu wa’asalawania andrõ.
34 Ba imane Maria khõ mala’ika andrõ: He wisa lala da’õ, me lõ u’ila ndra matua?
35 Ba itema linia mala’ika, imane khõnia: So dania Geheha ni’amoni’õ, ba ilumõ’õ ndra’ugõ fa’abõlõ Wondrege Zalawa; andrõ gõi labe’e tõi ni’amoni’õ andrõ, si tumbu dania, Nono Lowalangi.
36 Ba hiza Gelizabe andrõ, sitengabõ’õmi, no manabina gõi, ono matua, ba wa’atuania, no arakha õnõ wawania iya’é, niwa’õ fõna, si lõ ono.
37 Lõ’õ sa hadia ia zi tebai ba Lowalangi.
38 Ba imane Maria: Hiza, enoni Zo’aya ndra’o, ya’itõrõ khõgu niwa’õu. Ba irõi ia mala’ika no mege.
- Famotokhi Taromali Lowalangi
- Sinanõ ba dõdõ tehalõ moroi ba zura
Luka 1 : 30
Ba imane mala’ika andrõ khõnia: Bõi ata’ufi Maria; noa sa falukha’õ wa’ebua dõdõ khõ Lowalangi;
- Fangandrõ Fondruhõ Wamotokhi Taromali
Jemaat : Manunõ moroi ba Mbuku Zinunõ No. 154
TUHO WAMATI
Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida:
- Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ.
- Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate.
- Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunõ ita moroi ba Mbuku Zinunõ No.
149
- Hede khöma, he So’aya, ha li-Mö gaurifama.
Me samohouni tödöma, sandrohu fekolima.
Hede khöma, hede khöma, aro’ö wanötöna.
- Hede khöma, he So’aya, bè khöma Geheha-Mö.
Sangabölö’ö ya’aga, wolo’ö somasi’Ö.
Hede khöma, hede khöma, da mahonogö dödö.
- Hede khöma, he So’aya, da matara lahe-Mö.
A’aro’ö wamatima, be’e wa’anau gölö.
Ena’ö tola marugi naha si so Ya’ugö.
FANGANDRÕ SALAHI + FAMATENGE + HOWUHOWU
Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:"
Pengkhotbah + Jemaat :
He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu.
Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi:
- Ya mufahowu’õ ami Lowalangi, Ya murorogõ ami;
- Ya mufohaga mbawa-Nia khõmi, Ya mu’ebua’õ dõdõ-Nia khõmi;
- Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu!
Jemaat : Manunõ moroi ba
Mbuku Zinunõ No.
44
- Hosiana, So’aya, ma’owai’Ö fanunöma.
Oi humulu dödöma, wanema Ya’ugö khöma.
Onahia dödöma, wamatörö ya’aga.
Pengkhotbah : Ya'ahowu!!!
Jemaat : Ya'ahowu!!!
*** IBADAH SELESAI ***
Tidak ada komentar:
Posting Komentar