25 Desember 2023 (Malam Kudus)

Download Tata Ibadah (DOC)

Download Tata Ibadah (PDF)

Minggu, 25 Desember 2023 (Malam Kudus/Bongi Ni'amoni'õ) FAMÕRÕGÕ [Tedõni dorosi, barisan prosesi mõi bakha ba gosali] Petugas Prosesi : SNK. Ama Jeri Halawa (Salib) SNK. Ina Vander Harefa (Alkitab) SNK. Ama Alex Ndruru (Lilin) Sondrõnia'õ [SNK Ama Chandra Ndraha] : Ira Ama, Ina ba talifusȍ ni’omasi’ȍ ba khȍ Zo’aya ya’ita Yesu Keriso, databȍrȍgȍ khȍda kebaktian “Bongi Ni’amoni’ȍ”, ma’andrȍ muzizio ita fefu... Manunȍ ita moroi ba Mbuku Zinunȍ No. 60: 1 – 4 “MITABU SAMATI” Hewa’ae ba luha, yawa no tefagaya. Razo, Ono Wondrege Zalawa. Ba lö tebulö molakhömi Ia, ya si’oroi dödöda, ta’angaröfi lida, Lowalangi, Yehowa, Razoda. Da tasuno Yesu, Ono Lowalangida, si no tobali fangatulöda. Fama’ele’ö lakhömi Yehowa, da mangalulu ita, tafolakhömi Ia, Lowalangi, Yehowa, Razoda. Ha Yesu So’aya zi no möi dumaduma, ba wangoroma’ö fa’omasi. Fo’atumbukha ba dödöma fefu, wa’omasi sindruhu, mane idanö gumbu, irugi zi lö aetu. Yaduhu. Sondrõnia'õ : Dumadao Zato! FANGOWAI Liturgos [Pdt. Vivi Yuni Roh Yanti Zega, S.Th]: Ira Ama, Ina ba Talifusö, Ma’owai ami fefu ba döi Zo’aya ya’ita Yesus Keriso, nitörö tödöda Fa’atumbu ba Mbongi Ni’amoni’ö bongi andre. Ya’ahowu Mbongi Ni’amoni’õ! Jemaat : Ya’ahowu Mbongi Ni’amoni’õ! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’ö dödöda we’amöi mangondrasi si tumbu andrö, data’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö numero : 56:1-2 Ya dozi ita, humi’a dödö, ba wangondrasi Mesia. Me sangefa’ö, ba sangatulö, afu oi ono Nama ita. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. "No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!" Jemaat : Yaduhu! Liturgos : Tumbu dania khõda nono, tebe’e khõda nono matua; tebe’e ba galisi-Nia wamatõrõ ba tebe’e tõi-Nia Zahõlihõli dõdõ ba Samolala tõdõ ba Lowalangi sabõlõ, ba Ama zi lõ aetu ba Salawa wa’atulõ. (Yesaya 9:6) HALELUYA!!! Liturgos : Mangandrõ ita, "He Lowalangi Ama khöma, si so ba zorugo! Masuno Ndra’ugö ba ma’andrö saohagölö-U, me no Öfatenge khöma Nono-U Yesu Keriso, si no tobali ösi niha, ba wangorifi ya’aga. Ma’andrö khö-U, be’e ohahau dödöma iada’a ba wanörö tödö fa’atumbu-Nia, ba be’e aboto ba dödöma, wa khöma sibai manandrösa halöẅö-Nia. Ondrasiga göi bongi, si mane me Öfatenge mala’ika sangondrasi ira kubalo luo no; foloi ba dödöma zogömigömi, ba angali’ö haga-Mö andrö, afu tola ma’omasi’ö era’erama zomasi dödö-U, he ba nirongoma, he ba ni’ila höröma, ena’ö tobali fondrou’ö wangaro’ö famatima khö-U, ba ba khö Nono-U, Yesu Keriso. He So’aya! Tolo dozi sangomasi’ö fa’ato’ele-Mö, awö dozi sihulu tödö ba wombalombaloi inõtõ we’aso-Mõ ba luo safuria, ena’ö falukha ira wondrara dödö. Ondrasi göi zofökhö si tebai mangondrasi omo-Mö, ba rara dödö zi numana, sangaröngarö, si göna abula dödö, si tosasa, awö zi so ba gurunga, mendrua manö nifakao gafökha. Tologa Eheha-Mö andrö, ena’ö oi te’orifi ndra’aga fefu ba gamozua. Yaduhu! Mudadao Zato FANUNU LILI Liturgos : Iada’e tefalua wanunu lili, si no tandra wa’atohare haga ba gulidanö, ya’ia Yesu Keriso, sohagaini õsi gulidanö. Faosumange khȍ ndra ama, ina nikaonima tȍi dania, ena’ȍ lahalȍ nahiara tanȍ fȍna andre... Tiang Lilin I (Altar) Pdt. Desmakna Zendratõ, S.Th Praeses 44 BNKP Ketua BPMJ Seluruh SNK Lingkungan 1-39 Ketua Komisi Bapak Ketua Komisi Perempuan Ketua PPHBG Ama Antonius Zega Ama Irga Hia Ama Eva Harefa Ina Zi Nof Nazara Utusan Pemuda Utusan SM Tiang Lilin II (Teras) Pdt. Limesius Gowasa, S.Th Pdt. Fona’aro Halawa, S.Th Seluruh SNK Lingkungan 40-77 Ketua Komisi Pelayanan Anak Ketua Komisi Remaja dan Pemuda Ketua Komisi Pembinaan dan Pendidikan Ketua Komisi Ibadah dan Evangelisasi Ketua Komisi Diakonia Ketua BPPJ Ketua Panitia Pembangunan Ketua Panitia Pengadaan Lahan Pekuburan Ketua Panitia Pemeliharaan Liturgos : Musindro ita fefu... Pengkhotbah : I’otarai aekhu niha ba horö, no tobalu sogõmigõmi danõ ba si bongi zombalugõ soi niha. Ba hiza, börö wa’omasi Lowalangi, wa no möi ba khöda haga andrö, ya’ia Yesu Keriso. Imane Yesu, "Ya’odo haga nõsi guli danõ andrõ. Solo’õ Ya’o, ba lõ mowaõwaõ ba zogõmigõmi, so sa’ae khõnia haga ba wa’auri andrõ." Yaduhu! Liturgos : Manunö ita moroi ba Mbuku Zinunö numero 53 Liturgos : Dumadao zato! FOMBASO WAÕWAÕ WA'ATUMBU YESU Liturgos : Da ta fondrondrongo wombaso waõwaõ wa'atumbu Yesu. Manunõ ita moroi ba Mbuku Zinunõ numero 54:1 (Möi föna zombaso waöwaö wa'atumbu Yesu) Luka 2 : 1-7 [SNK. Ina Roni Zalukhu] Luka 2 : 8-14 [A. Felis Harefa] Luka 2 : 15-20 [SNK. Ina Riel Telaumbanua] Liturgos : Manunõ ita moroi ba Mbuku Zinunõ numero 54:2 FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo daroma Li Lowalangi me imane: "Ba möi yomo ndra Ere, ba hiza Nono awö nina-Nia, ba labalöduhini tou danö, mangalulu khö-Nia ba labokai naha gana’ara, mamuala ira khö-Nia, balaki ba kumöyö ba emuri." (fahela Matai’o 2:11) Da tafa’ema wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ ba aefa da'õ ifa'ema wasõmbata khõ Pengkhotbah. Awai da'õ mangawuli ba nahia zamõsana] Liturgos : Dumadao zato! KOOR/VOCAL GROUP[SNK. Ina Billy Mendröfa] Liturgos : Da tafaogõ dõdõda ba wamondrondrongo Fanuno Lowalangi ni’olohesi Koor ba Vocal Group. ....... ....... dst..... Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Yaduhu! Fombaso Taroma Li Lowalangi Fanuriaigõ Nitanõ ba dõdõ Fangandrõ Fanga'aro'õ huhuo Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... Endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. Liturgos : Da tatohugȍ ba wanuno Lowalangi faoma Sinunö Koor ba Vokal Group. ....... ....... dst..... FEHEDE FANEMA’Õ BA FOKUBALOI Liturgos : Da tafondrondrongo wehede fanema’ö awö wokubaloi: Sosalahini Majelis Jemaat oleh Ketua Majelis Jemaat Fehede fanema’ȍ moroi khȍ bapak Ketua BPMJ BNKP Padang sekaligus wama’ema fehede ni’oroi’ȍ moroi khȍ ndra satuada BPHMS BNKP oleh SNK. Ama Herlin Zebua ANGOMBAKHATA BA MBANUA NIHA KERISO Liturgos : Da tafondrondrongo gangombakhata... DOA SYAFAAT Liturgos : Manunõ ita moroi ba Mbuku Zinunõ No: 49:1 Doa syafaat: SNK. Ama Ovil Marundruri (Bangsa dan Negara) SNK. Ina Givan Gea (Gereja dan Para Pelayan) Liturgos : Manunõ ita moroi ba Mbuku Zinunõ No: 71:2 Somuso dödöda Ibe’e khöda. Sindruhu wa möi fangorifi niha. Fondrege zi sökhi zitumbu andrö. Me lö si fabaya ngawalö horö. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 69:1-2 Ha kubalo ba mbenua zi oföna, mangila. Me luo tumbu Zo’aya Ono Lowalangida. Glo...................ria, tasuno Zo’aya. Glo...................ria, tasuno Zo’aya. Pengkhotbah : Ya’ahowu Mbongi Ni’amoni’õ ba Ya’ahowu wamaondragõ Dõfi Sibohou!!! Jemaat : Ya'ahowu!!! *** IBADAH SELESAI ***