[Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi]
FANGOWAI BA FOGAONI
FANGOWAI
Liturgos : Ya’ami banua niha Keriso ni’omasi’ö Zo’aya ya’ita Yesu Keriso. No tarugi migu Wanõrõ tõdõ Famakao Yesu ma’õkhõ, ma’owai ami: Ya’ahowu ami fefu, ya faofao khömi Lowalangi!
Jemaat : Ya'ahowu! Ya fao khõu Geheha-Nia!
FOGAONI
Liturgos : Da ta honogö dödöda wangondrasi Yehowa, da ta’erönusi tödöda wamakao si no itaögö So’aya ya’ita Yesu Keriso, manunõ ita moroi ba Mbuku Zinunõ No.
24
- Tasuno Lowalangi ba zorugo, same’e luo, bawa, ba döfi.
Samè sihombo ba dalumbanua, ba saliwa ba danö, ba nasi.
No te’asogö göi gurifö niha, fefu zoguna oi Ibönökhi.
Alai niha wa la’erogö Nama, me lawaioi fa’abölöra göi.
- Tasuno Lowalangi ba zorugo, me somböi niha famaedo-Nia.
Itehe wamatörö ulidanö, ba sihombo ba dalumbanua.
Ena’ö dozi sanuno Ya’ia, ba sangerönu oroisa-Nia.
Alai niha meoi lö fangenanö, oi la’o’ö li famaelungura.
- Tasuno Lowalangi ba zorugo, samatenge Yesu höli niha.
Solohe fangefa ba gulidanö, afu auri zamati khö-Nia.
Alai niha wa la’erogö Yesu, lö lafondrondrongo li Geheha.
Me no tobini khöra wa so huku, na mangawuli Yesu So’aya.
FANGA’ARO’Õ WA’OWULO (VOTUM)
Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato.
No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!
Jemaat : Yaduhu!
Liturgos : Otahõgõ ndra’o ba ebua’õ dõdõ-U khõgu! noa sa aomõ’aomõ ndra’o ba si numana! (Sinunö 25:16) HALELUYA!
Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu!" Mudadao Zato
Liturgos : Manunõ ita moroi ba Mbuku Zinunõ No.
219
- Ba böi so waminisa tödö, ba wangombakha horö.
Tunö, ba andrö wangatulö, khö Yesu, sangefa’ö.
Ba ogorofi horömö, falua wangesa dödö.
- Ya faduhu dödöu khö-Nia, sangorifi ya’ugö.
Ya ötöngöni nilau-Nia, sahölihöli dödö.
Ya manötöna dödömö, wa Ifemöna ndra’ugö.
FOMBASO TAROMALI LOWALANGI (AMABU'ULA LI SIFÕFÕNA)
Liturgos : Da tafondrondrongo daroma Li Lowalangi, tehalõ moroi ba zura
Yesaya 55 : 6-11
6 Mi’alui Yehowa, fatua i’oro’õ ia, mi’angarõfi li ia, fatua ahatõ ia.
7 Sebua horõ, ba yamurõi lalania andrõ, ba si lõ atulõ ba yamubõhõli nikhoi dõdõnia, yamufuli ia khõ Yehowa, ba ihakhõsi tõdõ; ba khõ Lowalangida, sangõhõna dania fame’e aefa horõnia.
8 Me no imane Yehowa: Bõ’õ gera’eragu ba bõ’õ gera’erami, bõ’õ lalami ba bõ’õ lalagu.
9 Fa’alawa mbanua si yawa yawa danõ wa’alawa lalagu moroi ba lalami, ba si manõ wa’alawa gera’eragu, moroi ba gera’erami.
10 Hulõ deu andrõ, si otarai mbanua si yawa ba si lõ mangawuli ba da’õ, — na lõ nibasõinia tanõ, fangatabõ zinanõ, na lõ nibe’enia auri zinanõ wangasogõ tanõmõ ba wanaru ba balazo, ni’a —,
11 si manõ daroma ligu andrõ, si otarai mbawagu: lõ mangawuli khõgu lõ boto, atõ na no mofozu zomasido ibe’e ba na no ifalua ba nifa’ohe’õgu ya’ia!
Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA
FANGANDRÕ FANGEFA HORÕ
Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato.
Mangandrõ ita, "He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma. Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma, Yaduhu!"
Jemaat : Manunõ moroi ba Mbuku Zinunõ No. 224 : 1
Liturgos : Si manõ sa wa’omasi Lowalangi nõsi gulidanõ, no Ibe’e Nono-Nia andrõ, si ha sambua, ena’õ lõ tekiko dozi samati khõ-Nia, ena’õ so khõra wa’auri si lõ aetu (Yohane 3:16) Lakhõmi khõ Lowalangi si yawa!
Jemaat : Manunõ moroi ba Mbuku Zinunõ No. 450
Liturgos : Dumadao Zato!
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalõ moroi ba zura
Heberaio 10 : 19-25
19 Ba me no so khõda wa lõ aiwõ, ya’ami ira talifusõ, ba we’amõi bakha ba ni’amoni’õ andrõ, bõrõ ndro Yesu andrõ,
20 ni’amoni’õnia khõda, lala si bohou, lala ba wa’auri, sanõrõ ba’aba’a andrõ, ya’ia nõsinia andrõ,
21 ba me no so khõda gere sebua, ba nomo Lowalangi andrõ,
22 ba data’ondrasi, ya si ndruhu dõdõda, ya’alõsu lõ mangiwa wamatida, ya’aefa dõdõ sanegu ya’ita, me no mutefe dõdõda,
23 ba ena’õ nisasai nõsida idanõ sohahau; bõi tabõhõli wamaduhu’õ tõtõnafõ andrõ, bõi mangiwa; lõ’õ sa farõi zamabu’u andrõ.
24 Ba datafaoma tafaigi nawõda, ba wamarou tõdõ ba wa’omasi andrõ, ba ba mbuabua si sõkhi.
25 Ba bõi tabõhõli we’amõi ba migu khõda, si mane nifolaulau dánõ bõ’õ õsa, tafarou dõdõ nawõda, ba mendrua manõ, me itugu mi’ila, ahatõ mbawa andrõ.
Ya’ahowu zamondrongo taroma Li Lowalangi ba same’e ba dõdõ (Luka 11:28)
Jemaat : Yaduhu!
FANGOWULOI FASÕMBATA
Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261
2. Ya’e zumange fasõmbata ma be’e soroi ba dõdõma.
3. Ya’e zumange fasõmbata buala si’otarai Nama.
4. Ya’e zumange fasõmbata, boto, noso, ba fa’aurima.
5. Ya’e zumange fasõmbata, lõ irugi zomasi dõdõ-U.
6. Ya’e zumange fasõmbata, ma’aohasi gõlõ Zo’aya.
Liturgos : Da tafasao wasõmbatada andre fõna Lowalangi, musindro ita fefu.
[Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
KOOR/VOCAL GROUP
Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163
[Pengkhotbah Mõi ba Mimbar]
HUHUO SEBUA
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin.
- Fombaso Taroma Li Lowalangi moroi ba zura
I Nga'ötö 22 : 14-19
14 Hiza, lõ lai wamakaogu andrõ, ba no uhõna zoguna ba wolau osali Yehowa andrõ: 397,050,000 balaki gana’a ba 220,500,000 balaki wirõ, ba tõla ba si’õli, si lõ mutaha mu’erai, me no fahõna manõ. Ba he eu balo, ba he kara, ba no uhõna, ba õnõnõ na dania.
15 Ba he tuka — sanoto kara ba sama’anõ, ba sotomo, — ba no fahõna khõu, ba sonekhenekhe ba ngawalõ hadia ia,
16 ba ngawalõ halõwõ, ba gana’a ba ba wirõ ba ba dõla ba ba zi’õli, ato sibai ira. Ba labu, ba yamutolo’õ Yehowa!
17 Ba ibe’e li Dawido, ba zalawa ba Ndraono Gizeraëli fefu, ba wanolo ononia Selomo, [imane]:
18 Hadia, tenga no itolo ami Lowalangimi, Yehowa, ba tenga no ibe’e, lõ hadia ia khõmi fasui manõ? Noa sa ibe’e ba dangagu niha [si tohõna] ba danõ, ba lõ tola lõ mangalulu ira khõ Yehowa ba ba mbanuania.
19 Ba mibe’e dõdõmi, ba era’era, ba wangalui Lowalangimi, Yehowa. Milabu, milau nahia ni’amoni’õ andrõ khõ Lowalangimi, Yehowa, ena’õ ba da’õ bakha mibe’e dawõla goroisa Yehowa andrõ, fabaya fakake ni’amoni’õ andrõ khõ Lowalangi, ba gosali andrõ, nilau ba dõi Yehowa.
- Famotokhi Taromali Lowalangi
- Sinanõ ba dõdõ tehalõ moroi ba zura
I Nga'ötö 22 : 19a
Ba mibe’e dõdõmi, ba era’era, ba wangalui Lowalangimi, Yehowa.
- Fangandrõ Fondruhõ Wamotokhi Taromali
Jemaat : Manunõ moroi ba Mbuku Zinunõ No. 154
TUHO WAMATI
Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida:
- Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ.
- Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate.
- Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunõ ita moroi ba Mbuku Zinunõ No.
299
- Uforege wohalöwö ba wolo’ö li-Nia.
Ufaöga hörö dödögu ba wanuno Ya’ia.
Ha khö-U Yesu wa’aurigu sandrohu fekoligu.
Ha khö-U Yesu wa’aurigu sandrohu fekoligu.
- Me no sa u’o’ö Yesu uröi fefu horögu.
Ya’ia dötönafögu sangorifi nosogu.
Ha khö-U Yesu wa’aurigu sandrohu fekoligu.
Ha khö-U Yesu wa’aurigu sandrohu fekoligu.
FANGANDRÕ SALAHI + FAMATENGE + HOWUHOWU
Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:"
Pengkhotbah + Jemaat :
He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu.
Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi:
- Ya mufahowu’õ ami Lowalangi, Ya murorogõ ami;
- Ya mufohaga mbawa-Nia khõmi, Ya mu’ebua’õ dõdõ-Nia khõmi;
- Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu!
Jemaat : Manunõ moroi ba
Mbuku Zinunõ No.
299 : 4
- Sahölihöli dödögu, nifalua Zo’aya.
Ikaonido si fahuwu me rorogöfö-Nia.
Ha khö-U Yesu wa’aurigu sandrohu fekoligu.
Ha khö-U Yesu wa’aurigu sandrohu fekoligu.
Pengkhotbah : Ya'ahowu!!!
Jemaat : Ya'ahowu!!!
*** IBADAH SELESAI ***
Tidak ada komentar:
Posting Komentar