21 Januari 2023 (Bahasa Nias)

Download Tata Ibadah (DOC)

Download Tata Ibadah (PDF)

Minggu, 21 Januari 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua niha Keriso, ba wondrugida migu Epifania andre, ma’owai ami fefu ba döi Zo’aya ya’ita Yesu Keriso, Ya'ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 6 Khö-Nia wa’asalawa, ba hadia wa’ebua, oi khö-Nia so manö. He si yawa ba zorugo, he si so ba gulidanö, oi Ya’ia zokhö ö, oi Ya’ia zokhö ö. Wa’ö khögu döi sebua, töi wa’asalawa niha, simane töi-Nia sa. Ha Ya’ia zamatörö, sangorifi, sondrorogö; Ono Lowalangida,Ono Lowalangida. Sebua lakhömi Ia, lö manö famaedo-Nia, mane lakhömi Nama. Ha Ya’ia zamatörö, sangorifi, sondrorogö; Ono Lowalangida, Ono Lowalangida. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : He Yehowa, farongogö khögu lala ba wa’auri andrö: no fahöna wa’omuso dödö föna-U, ba ba gambölö-U so wa’ohahau dödö si lö mamalö. (Sinunö 16:11). HALELUYA! Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi. Ma’andrö saohagölö me no Öheta ndra’aga moroi ba wa’abölö zogömigömi, no Ö’ohe ba haga, börö Zo’aya ya’aga Yesu Keriso. Ya Eheha-U Ni’amoni’ö zanuturu lala khöma, ena’ö si tedou ba saro ndra’aga ba wamati, ba si lö faröi ndra’aga ba wango’aurifagö fa’omasi irugi gamozua götö danö andre, Yaduhu!" Mudadao Zato Liturgos : Manunõ ita moroi ba Mbuku Zinunõ No. 87 Hiza Yesu So’aya ya’ita, nifatenge Nama. No Ya’ia zindruhu lalada, wogamö aurifa. Khö-Nia so wangorifida, na mo’arota wamatida. Me no möna auri ita. No Ibe’e Geheha sanolo, sangehaogö tödö. Ibohouni dödö si ta’unö, nibalugö horö. I’a’aro’ö wanötöna, wa so wemaoso ba femöna. Ba zamati khö Zo’aya. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Yoeli 3 : 9 - 16 9 Hadia atõ ni’aluimi khõgu, ya’ami banua Diro ba banua Zidona, ba ya’ami fefu, ba danõ Ndrawa Wilisiti? Hadia, khõgu misulõni nilau khõmi, ba ma milau khõgu hadia ia? Da’u’aliogõ sibai ube’e mangandrauli ba hulumi nilaumi andrõ. 10 Noa sa mirabu wirõgu ba ana’agu, ba fondrege zi sõkhi nayagu, ba no mibe’e ba gosali khõmi. 11 Ba mado Yuda ba banua Yeruzalema, ba no mi’amawa ba Ndrawa Heleni, ba wangarõu’õ ya’ira, aefa ba mbanuara. 12 Ba hiza, ba ususugi ira, ba mbanua andrõ ba ni’amawami ya’ira, ba mangandrauli ba hulumi nilaumi ube’e. 13 U’amawa dania ba mado Yuda nonomi matua, fabaya onomi alawe, ba ya’ira ba la’amawa ba Ndrawa Zaba, soi ba zarõu sibai, me no Yehowa zanguma’õ! 14 Mifatenge zi’ao ba niha baero, mimane: Mifa’anõ ami ba wanuwõ ni’amoni’õ! Mifarou zabõlõ! Ndramufa’aso ira sanuwõ fefu, ndramõi manuwõ! (Yer. 6, 4). 15 Mibali’õ fõda wakumi ba rosõmi, ba mibali’õ toho. Samomó, ba yamuwa’õ: ”Sabõlõ ndra’odo!” 16 Mita’ita’i, mitabu, mi’owuloi ami, ya’ami soi si tefasui ya’aga! — Ba da’õ dania dada zabõlõ andrõ khõu, ya’ugõ Yehowa! Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "Masuno ba ma’angaröfi li Ndra’ugö Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö ba wangalulu ba ba wangandrö saohagölö, ba howuhowu si no falukha ndra’aga. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima si faudu ba zomasi Ndra’ugö. Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mareko 1 : 40 - 45 40 Ba i’ondrasi ia sobou auri, mangandrõ khõnia, ibalõduhini danõ, imane khõnia: Na edõna ndra’ugõ, ba õ’ila õfadõhõ wõkhõgu. 41 Ba ahakhõ dõdõnia, i’oro’õ dangania, itufa, imane: Edõna ndra’o, yadõhõ! 42 Ba i’anema’õ aheta mbou auri andrõ khõnia, dõhõ. 43 Ba ifeta’u, i’anema’õ ifofanõ, 44 imane khõnia: Faigi, fa bõi õ’ombakha’õ hadia ia, gofu ha õkhõ; ba ae’e sa, oroma’õ ndra’ugõ khõ gere ba be’e game’ela andrõ, ba wa’aheta wõkhõu andrõ, ni’oroi’õ Moze, famaduhu’õ khõra. 45 Ba me mõi ia baero, ba ibõrõtaigõ i’ombakha’õ, iforege, ifahõngõ duria andrõ. Tobali tebai sa’ae i’oroma’õ ia Yesu, we’amõi ba mbanua misa; baero, ba naha si lõ nihaniha, soso ia, ba la’ondrasi ia, moroi ba zi fasu fefu. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Sinunӧ 62 : 6 - 13 6 Ha khõ Lowalangi manõtõna dõdõgu, no ahonohono, khõnia sa’ae i’otarai fangorifigu. 7 Ha ya’ia we’ewe’e dõdõgu ba fangorifigu, hatigu saro; tebai manõ mangiwa ndra’o. 8 Khõ Lowalangi usõndra wangorifigu ba turiagu; danedane wa’abe’egu ba fanõtõnagu, ba khõ Lowalangi so. 9 Bõi ya mamalõmalõ wanõtõnami khõnia, ya’ami ono niha; mibokai dõdõmi khõnia; tõtõnafõda Lowalangi. 10 II. Fayafaya manõ nono niha, faya nono zalawa; na latulo, ba isawa yawa; dozi ira, ba no angi. 11 Bõi midõnadõna ba wemanga gana’a ba bõi mohokha ami ba nirabu; na misõndra gana’a, ba bõi molemba dõdõmi khõnia. 12 Samuza no muhede Lowalangi, no mendrua urongo da’õ, wa no khõ Lowalangi wa’abõlõ. 13 Ba khõu wa’ebua dõdõ, ya’ugõ So’aya: õsulõni sa ba zamõsana nilaunia. Famotokhi Taromali Lowalangi Sinanõ ba dõdõ tehalõ moroi ba zura Sinunӧ 62 : 8 "Khӧ Lowalangi usӧndra wangorifigu ba turiagu; danedane wa’abe’egu ba fanӧtӧnagu, ba khӧ Lowalangi so." Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 147 No möi’Ö ba wamé buala, khö ndra nifaha’ö-U föna. Andrö ondrasi göi ndra’aga, dozi sowulo ba da’a. Fazawa danga-Mö yawama, fa’ema howuhowu khöma. He Yesu, oroma’ö khöma, zifaudu göiba dödö-Mö. Afu oroma khöma horö, nilauma ero ma’ökhö. Be’e aefa fefu horöma, Ya’ugö khöma zangatulö. Me tana khö-U sa’ae ndra’aga, da mangandröga ba döi-Mö. Bokai dödöma ba wanema, taroma li soroi khö-Mö. Ya hasara fefu dödöma, ba wamalua somasi’Ö. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 330 Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***