[Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi]
FANGOWAI BA FOGAONI
FANGOWAI
Liturgos : Ya’ami banua niha Keriso, ba wondrugida migu Epifania andre, ma’owai ami fefu ba döi Zo’aya ya’ita Yesu Keriso, Ya'ahowu!
Jemaat : Ya'ahowu!
Liturgos : Yafao-fao khõmi Lowalangi!
Jemaat : Ya fao khõu Geheha-Nia!
FOGAONI
Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No.
16
- Sahakhö tödö Zo’aya, khöda fefu sowanua, si so ba gulidanö.
Ya’ia zindruhu haga, ba wohagaini tödöda, ba wa’ebua dödö.
Duhu, duhu, Ihagaini, Ifoloi zogömigömi, ena’ö oi tebohouni.
- Ba me no tohare haga, ba zi sagörötanöda, da tasuno Yehowa.
Da’ö zomasi Zo’aya, ya ta’oguna’ö haga, fangoroma horöda.
Duhu, duhu, no omasi Lowalangi na oiauri, zamati si no Ihöli.
- Oi dozi te’ala niha, sondröi, sangerogö haga soroi Lowalangida.
Lö fao ira ba wogaoni, ba wogamö naha Nama, na luo safuria.
Sökhi, sökhi, na talulu wa’aurida dozi ita, amatöröwa Geheha.
FANGA’ARO’Õ WA’OWULO (VOTUM)
Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato.
No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!
Jemaat : Yaduhu!
Liturgos : He Yehowa, farongogö khögu lala ba wa’auri andrö: no fahöna wa’omuso dödö föna-U, ba ba gambölö-U so wa’ohahau dödö si lö mamalö. (Sinunö 16:11). HALELUYA!
Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi. Ma’andrö saohagölö me no Öheta ndra’aga moroi ba wa’abölö zogömigömi, no Ö’ohe ba haga, börö Zo’aya ya’aga Yesu Keriso. Ya Eheha-U Ni’amoni’ö zanuturu lala khöma, ena’ö si tedou ba saro ndra’aga ba wamati, ba si lö faröi ndra’aga ba wango’aurifagö fa’omasi irugi gamozua götö danö andre, Yaduhu!" Mudadao Zato
Liturgos : Manunõ ita moroi ba Mbuku Zinunõ No.
84
- Ato niha si lö haga, sogömigömi tödö na.
Lö khöra Yesu So’aya, me sarörö ba zitaya.
- Hakhösi dödö-U, So’aya, wogaoni si lö haga na.
Ya Eheha-U Öbè khöra, ba wohagaini tödöra.
- Fatenge göi genoni-Mö, wamazaewe turia-Mö.
Afu tedönisi dödö, fa tobali banua-Mö.
- Dou’ö wa’owölö’ölö, ba dödö ndra sohalöwö.
Nönö wa’atuatua, enà mo’ölö halöwö.
- He Yesu, dou’ö wamati, fanötöna, fa’omasi.
He oya zi möi fanaisi, tologa afu böi faröi.
FOMBASO TAROMALI LOWALANGI (AMABU'ULA LI SIFÕFÕNA)
Liturgos : Da tafondrondrongo daroma Li Lowalangi, tehalõ moroi ba zura
Sinunö 35 : 1 - 9
1 Lau fasõndra, Yehowa, ba zi fasõndra khõgu, suwõ zanuwõ ya’odo.
2 Tuyu mbaluse, awõ ndrange, ba faoso, tolo ndra’odo!
3 Halõ doho ba ba’a lala fõna zolohi ya’odo; õmane ba dõdõgu: ”Fangorifiu ndra’odo!”
4 Ena’õ aila zangalui nosogu, ena’õ tobali lõ fozu; ena’õ tofana furi ba ena’õ tehawu fa’aila zamakhai famunugu.
5 Ya hulõ guliho ba nangi ira, na itimba ira mala’ika Yehowa.
6 Ya ogõmigõmi lalara ba ya aelo, na igohi ira mala’ika Yehowa.
7 Noa sa lalau khõgu gu’õra, lõ bõrõ, nibini’õ, no lakharu lõsulõsu nosogu, lõ bõrõ.
8 Ya gõna ia famakiko, si lõ mudõnadõna, ba ya te’u’u ia ba gu’õnia andrõ, nilaunia, nibini’õ, ya alau ba wamakiko!
9 Ba owuawua dania dõdõgu, ba khõ Yehowa, omuso dõdõgu, ba wangorifinia andrõ.
Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA
FANGANDRÕ FANGEFA HORÕ
Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato.
Mangandrõ ita, "Masuno ba ma’angaröfi li Ndra’ugö Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö ba wangalulu ba ba wangandrö saohagölö, ba howuhowu si no falukha ndra’aga. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima si faudu ba zomasi Ndra’ugö. Yaduhu!"
Jemaat : Manunõ moroi ba Mbuku Zinunõ No. 224 : 1
Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa!
Jemaat : Manunõ moroi ba Mbuku Zinunõ No. 450
Liturgos : Dumadao Zato!
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalõ moroi ba zura
Halöwö Zinenge 10 : 34 - 43
34 Ba humede Wetero, imane: Awena si ndruhu aboto ba dõdõgu, lõ ifaigi mbawa niha Lowalangi,
35 dozi sa, ha soi ira, sangata’ufi ya ia, solau satulõ, da’õ zomasi ia.
36 Da’õ daroma li andrõ, nifa’ohe’õnia ba Ndraono Gizeraëli, wamaturiagõ’õ fa’ohahau dõdõ khõ Yesu Keriso, no da’õ Zo’aya niha fefu.
37 No mirongo duria andrõ, ba danõ Yudaia ma’asagõrõ, si bõrõgõ ba Galilaia, me no aefa wamayagõ idanõ andrõ, ni’ombakha’õ Yohane;
38 Yesu andrõ, banua Nazareta, fombayoini Lowalangi ya’ia, Eheha ni’amoni’õ ba fa’abõlõ, sanõrõi tanõ, wanolo niha ba famadõhõ fõkhõ nifakao Gafõkha fefu, me no itolo ia Lowalangi.
39 Ba ya’aga zi so ba mbõrõ ba nilaunia fefu, he ba danõ niha Yehuda, ba he ba Yeruzalema, ba no latawi ia ba dõla geu, no labunu.
40 Da’õ nisusugi Lowalangi, me no aefa zi dua wongi, ba no ibe’e oroma ia.
41 tenga ba niha sato, ha ba zamaduhu’õ andrõ, nihõnagõ Lowalangi wanutuyu ya’ira, khõma, si no orudu manga khõnia, zi no mamadu idanõ awõnia, me no aefa maoso ia moroi ba ngai zi mate.
42 Ba no iwa’õ khõma wangombakha ba niha andre ba famaduhu’õ, wa da’õ nihonogõi Lowalangi sanguhuku niha sauri awõ zi no mate.
43 Ya’ia nifaduhu’õ zama’ele’õ, fefu, wa ba dõinia lasõndra wameta horõ dozi si faduhu tõdõ khõnia.
Ya’ahowu zamondrongo taroma Li Lowalangi ba same’e ba dõdõ (Luka 11:28)
Jemaat : Yaduhu!
FANGOWULOI FASÕMBATA
Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261
2. Ya’e zumange fasõmbata ma be’e soroi ba dõdõma.
3. Ya’e zumange fasõmbata buala si’otarai Nama.
4. Ya’e zumange fasõmbata, boto, noso, ba fa’aurima.
5. Ya’e zumange fasõmbata, lõ irugi zomasi dõdõ-U.
6. Ya’e zumange fasõmbata, ma’aohasi gõlõ Zo’aya.
Liturgos : Da tafasao wasõmbatada andre fõna Lowalangi, musindro ita fefu.
[Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
KOOR/VOCAL GROUP
Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163
[Pengkhotbah Mõi ba Mimbar]
HUHUO SEBUA
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin.
- Fombaso Taroma Li Lowalangi moroi ba zura
Yesaya 42 : 1 - 9
1 Hiza genonigu andrõ, si lõ ubõhõli, nituyugu, somasi dõdõgu! No uhare’õ khõnia Gehehagu: i’ombakha’õ dania huku ba niha baero.
2 Tenga si’ao ia, tenga sebua li; lõ ifarongogõ linia baewali.
3 Sukhu si no mufatõ’õ, ba lõ ifalua ifatõ, ba fandru sanimbonimbo, ba lõ ifalua ibunu; si ndruhu lala itõrõ wangombakha huku.
4 Lõ erege dõdõnia, ba lõ atage ia, irege no ifodanedane huku ba guli danõ, ba ladõnadõna nifakhoinia si so ba hulo misa.
5 Da’õ niwa’õ Lowalangi, Yehowa, samazõkhi banua si yawa, samologõ ya’ia ba samologõ tanõ fabaya sauri yawa, samohanuhanu niha ba gulinia ba samonoso sowaõwaõ yawa, [imane]:
6 Ya’o, Yehowa zogaoni ya’ugõ, satulõ lala utõrõ, ba ura’u dangau ba urorogõ ndra’ugõ ba ube’e fawu’usa li ba mado Ndraono Gizeraëli ndra’ugõ ba ubali’õgõ haga ba niha baero.
7 Ba wamokai hõrõ zau’a, ba wangefa’õ ba gurunga nikuru, ba wolohe baero nikuru ba zõgõmigõmi.
8 Ya’o Yehowa — da’õ dõigu; lõ ube’e ba mbõ’õ zumangegu ba lõ ube’e ba nadu wa’ebua dõigu andrõ.
9 Hadia ia fõna, ba no itõrõ, ba u’ombakha’õ zi bohou; fatua lõ alua ufarongogõ khõmi.
- Famotokhi Taromali Lowalangi
- Sinanõ ba dõdõ tehalõ moroi ba zura
Yesaya 42 : 6a
Ya’o, Yehowa zogaoni ya’ugӧ, satulӧ lala Utӧrӧ, ba Ura’u dangau ba Urorogӧ ndra’ugӧ.
- Fangandrõ Fondruhõ Wamotokhi Taromali
Jemaat : Manunõ moroi ba Mbuku Zinunõ No. 154
TUHO WAMATI
Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida:
- Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ.
- Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate.
- Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunõ ita moroi ba Mbuku Zinunõ No.
211
- Ahono ae dödögu ba danga-Mö Yesu.
He na so wandraigö lö fa’ata’ugu.
Fefu gabula dödö, fa’aombö dödögu.
He göi fangaröngarö Itayaigö fefu.
Reff : Ahono ae dödögu, ba dangaMö Yesu
Börö wa'omasiMö, ohahau dödögu
FANGANDRÕ SALAHI + FAMATENGE + HOWUHOWU
Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:"
Pengkhotbah + Jemaat :
He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu.
Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi:
- Ya mufahowu’õ ami Lowalangi, Ya murorogõ ami;
- Ya mufohaga mbawa-Nia khõmi, Ya mu’ebua’õ dõdõ-Nia khõmi;
- Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu!
Jemaat : Manunõ moroi ba
Mbuku Zinunõ No.
211 : 3
- Yesu we’ewe’egu no möi salahigu.
Si lö tebulö Ia, aro wamatigu.
Ba wombaloi So’aya, utaha dödögu.
Na irugi inötö wangawuli Yesu.
Reff : Ahono ae dödögu, ba dangaMö Yesu
Börö wa'omasiMö, ohahau dödögu
Pengkhotbah : Ya'ahowu!!!
Jemaat : Ya'ahowu!!!
*** IBADAH SELESAI ***
Tidak ada komentar:
Posting Komentar