25 Agustus 2024 (Bahasa Nias)

Download Tata Ibadah (DOC)

Download Tata Ibadah (PDF)

Minggu, 25 Agustus 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tõdõ ba sowuawua tõdõ ami ba we’amõi fõna Keriso ma’õkhõ andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 27 Yehowa wa’abölögu, me umbu wa’omasi. Ibe’e khögu Zangefa, Yesu simöi salahi. Da’ö zomuso dödögu, fa’ebua dödö-Nia, usuno Lowalangi. Yehowa we’ewe’eda, me kubalo sindruhu. Ba no Ama Ia khöda, börö Keriso Yesu. Da talulu wa’aurida, wanunonuno Yehowa, irugi zi lö aetu. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 324 Era’era si tohöna awö wangisö nösi. Fatiusa ba fayawasa, ba fangosiwawöi. Da’ö zamabali ya’o wangomasi’ö Keriso, tolo ndra’odo Yesu. Soroi sibai ba dödögu, u’ogorofi horö. Uröi fefu zi lö faudu, u’o’ö zomasi’Ö. Fatenge khögu Geheha-U, sangabölö’ö ya’odo, tolo ndra’odo Yesu. Yesu, botokhi ba dödö li-Mö si no Öwa’ö. ”Mi’aine khö-Gu sonoro awö zerege tödö. Mihare’ö kalombagi töngöni nilau-Gu khömi, ufolombase dödö. Andrö u’ohe khö-U Yesu, wakaosa fangalulu. Me lö Ötimba zi möi khö-U, lö Ötehe tehuku. Ubè dödögu khö-U, Yesu, fa böi aefa ndra’odo khö-U, tema ndra’o, he Yesu. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 34 : 16-23 16 Itõngõ Yehowa zamazõkhi si lõ sokhi, ba wangohori tõira ba guli danõ. 17 Ba ihõrõhõrõgõ Yehowa zatulõ tõdõ ba ibe’e mbõrõ dalingania ba we’aora. 18 Mu’ao ira, ba irongo Yehowa ba i’efa’õ ira ba wa’abu dõdõra fefu. 19 Ahatõ Yehowa ba zi no arasa tõdõ ba itolo zi no atata era’era. 20 Oya ngawalõ wamakao ba zatulõ, ba i’efa’õ ia Yehowa ba da’õ fefu. 21 Irorogõ dõlania fefu, fa bõi afatõ zara. 22 Sebua horõ andrõ ibunu buabua si lõ sõkhi; ba si fatiu tõdõ ba zatulõ tõdõ, ba gõna huku dania. 23 I’orifi noso genoninia Yehowa, ba dozi sanõtõna khõnia, ba lõ gõna huku. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Yehowa Lowalangi, si lõ ambõ fa’abõlõ, ba si no fahõna fa’omasi. Mafaduhu’õ wa tenga sinangea ndra’aga tanõ fõna-Mõ, me no fahõna horõ si no mafalua i’otarai iraono ndra’aga, he ba wehedema, era’era dõdõma, awõ gamuatama si lõ faudu ba daroma Li-Mõ. Andrõ mõiga khõ-U ba wangandrõ fa’ahakhõ dodo-U, ena’õ Õ’efa’õ khõma horõma andrõ, si no mafalua, irege sohahau tõdõ ndra’aga wanohugõ fekolima ba zi so fõnama si faudu ba zomasi Ndra’ugõ. Hakhõsi dõdõ-U khõma Ama, ba be’e aefa khõma horõma andrõ ma’afefu, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Luka 10 : 17-20 17 Ba mangawuli zi fitu ngafulu no mege, omuso dõdõra, lamane: He Tua, bekhu gõi, no la’o’õ lima, ba dõimõ andrõ. 18 Ba imane khõra: No u’ila Zatana andrõ, saekhu tou moroi ba mbanua si yawa, hulõ gari mbanua. 19 Hiza no utehe khõmi mihundragõ gulõ ba tongo ba milawa wa’abõlõ nemali andrõ fefu, ba lõ’õ manõ te’ala ami. 20 Ba bõi da’õ mibe’e fa’omuso dõdõmi, wa no la’o’õ limi bekhu andrõ; da’õ mibe’e fa’omuso dõdõmi, wa no mutanõ dõimi ba zura, ba zorugo. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Efeso 6 : 10-20 10 Ba hadia baero õ, ba mi’abõlõ’õ ami, ba khõ Zo’aya, ba ba wa’abõlõ wa’abe’enia andrõ. 11 Mi’a’aro’õ ami, fangaro andrõ, khõ Lowalangi, ena’õ abe’e ami, ba wa’onekhe Gafõkha andrõ. 12 Tenga sa fasõndrata ba niha wasõndratada, no fasõndrata ba zamatõrõ andrõ, ba zalawa andrõ, ba zokhõ uli danõ andre, ba zogõmigõmi andre, fasõndrata ba mbekhu si lõ sõkhi andrõ, ba mbanua si yawa. 13 Andrõ mihalõ wangaró andrõ khõ Lowalangi, ena’õ tola milawa, na bawa si lõ sõkhi, ba ena’õ tola mi’asiwai fefu hadia ia, ba ena’õ mõna ami. 14 Ba mi’abe’e’õ ami, bõbõ lõwilõwimi zi duhu, ba õrõbami wa’atulõ dõdõ, 15 badagahe ba gahemi wa no mifa’anõ ami, ba wangombakha turia somuso dõdõ andrõ, ba wa’atulõ. 16 Ba awõ da’õ fefu, ba mihalõ mbaluse famati andrõ, si tola mibe’e fangokafu nono wana Gafõkha andrõ, so’alitõ; 17 ba mihalõ detenaulu fangorifi andrõ, awõ wõda Geheha andrõ taroma li Lowalangi. 18 Fefu hadia ia ngawalõ wangandrõ, awõ ngawalõ wakaosa, milau, bõi mifamalõmalõ, soroi ba Geheha ba bõi mifõrõfõrõ ba da’õ, ya’a’oi so wa’anau gõlõ, awõ wangandrõ, salahi ni’amoni’õ andrõ fefu, 19 ba salahigu, ena’õ tebe’e khõgu hadia niwa’õ, na fahuhuo ndra’odo, ena’õ lõ aiwõ ndra’o, wangombakha si no tobini andrõ, turia somuso dõdõ andrõ, 20 ba nibe’e sinenge ya’odo, ba rate andre, ena’õ lõ alawõlawõdo ba da’õ, ena’õ si nangea huhuo huhuogu andrõ. Famotokhi Taromali Lowalangi Sinanõ ba dõdõ tehalõ moroi ba zura Efeso 6 : 10 Ba hadia baero õ, ba mi’abõlõ’õ ami, ba khõ Zo’aya, ba ba wa’abõlõ wa’abe’enia andrõ. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 153 Fonaha ba dödöma, fefu zi no marongo. Sangabölö ya’aga, ba lala ba zorugo. Ya humaga dödöma, bè howuhowu khöma. Eheha-Mö zoguna, sangehaogö tödöma. He Yesu, Sangefa’ö, efa’ö khöma horö. No oya sibai lalö, tebai madunödunö. Ya sumange-U ndra’aga, ba fefu zi so khöma. Li-Mö niwa’ö-U khöma, mabe’e ba dödöma. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 328 Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***