15 Juni 2025 (Bahasa Nias)

Download Tata Ibadah (DOC)

Download Tata Ibadah (PDF)

15 Juni 2025 [Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tödö ba sowuawua tödö ami ba we’amöi föna Keriso ma’ökhö andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khömi Lowalangi! Jemaat : Ya fao khöu Geheha-Nia! FOGAONI Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö No. 12 Lasuno banua yawa, zi no fondrege yawa. Ba ulidanö ölia, fao awö nösinia. Lasunosuno Zabölö, Somböi ya’ira, ba Sokhö, andrö tasuno Ia. Niwöwöi Lowalangida, Ifaigi, Irorogö. Ilumö’ö tanga-Nia, ba wa’omasi-Nia. Dozi solo’ö li-Nia, la’omasi’ö nawöra, andrö tasuno Ia. Ta’angaröfi li Ia, me lö lala dödöda. Tafati wa Ifolala, Ibe wangorifida. Sabölö ba Samatörö, So’aya, Sangomasi’ö, andrö tasuno Ia. Lö faröi Lowalangida, faofao sa Ia khöda. Ya’ia lembalembada, ba lala wekolida. Tödö nama dödö-Nia, no Ifa’ele’ö khöda, andrö tasuno Ia. Sagötö fa’auri andre, tafosumange Ia. Ya lö tebato wanunö, ndra wondrondrongo niha. He iya’e, he dania, ba lö awu’a li-Nia, andrö tasuno Ia. FANGA’ARO’Ö WA’OWULO (VOTUM) Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anönö gosali ahe mbaru-Nia. Serafi föna-Nia, önö gafi zamösa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khö nawöra: Ni’amoni’ö, Ni’amoni’ö, Ni’amoni’ö Yehowa ngahönö andrö; no anönö lakhömi-Nia guli danö ma’asagörö. (Yesaya 6:1b, 2-3) HALELUYA! Liturgos : Mangandrö ita, "He Yehowa Lowalangi Ama, Ono ba Eheha Ni’amoni’ö. Möiga mangalulu ba wangandrö saohagölö me no örorogö, ö’orifi, ba öbohouniga fa’omasi-Mö andrö. Ma’andrö khö-U, tohugö wa’ebua dödö-U khöma, rorogöga ba ngawalö de’ala, efa’öga ba wanandraigö, rara dödö ba ngawalö gabula dödö, tundreheni fa böi alau ndra’aga. Fatöröga ba zomasi Ndra’ugö irugi gamozua, fa makhamö nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö, Yaduhu!" Mudadao Zato Liturgos : Manunö ita moroi ba Mbuku Zinunö No. 230 Ya’odo niha si lö sökhi, ba no omasi’Ö Yesu. Horögu fefu Öbè aefa, Öbohounido Eheha-U. Börö wemöna-Mö, Yesu, zanga’aro’ö tödögu, ba wogamö sawatögu. Mo’ömödo ba wama’ema, uturiaigö ba niha. Fefu zifalukha ndra’odo, nitemagu khö Zo’aya. He Ama abölö’ö na, ndra’odo ba wangombakha, turia röfa Zo’aya. Tebai manö sa olifudo, wa’ebuadödö Nama. Ba zi sandrohu fa’aurigu, fa’omasi-U no utema. He tosasa, he numana, he göna fa’ate’ala, lö uböhöli Zo’aya. Ba matötöna khö-U he Ama, wa Örorogö ndra’aga. Börö Nono-U Yesu Keriso, OnoWondrege Zalawa. Taromali-U gaurifama, si lö tebulö he ara, irugi ba gamozua. FOMBASO TAROMALI LOWALANGI (AMABU'ULA LI SIFöFöNA) Liturgos : Da tafondrondrongo daroma Li Lowalangi, tehalö moroi ba zura III Moze 25 : 10-15 10 ba mi’amoni’õ ndrõfi si lima wulu andrõ, mifarongogõ ba da’õ wa’aefa, fa’aefa niha fefu ba danõ. Dõfi wa’owuawua dõdõ miw~a’õ, ba dozi ami, ba mangawuli khõmi gokhõtami, ba mangawuli ba niwara zamõsana. 11 Dõfi wa’owuawua dõdõ ia, miwa’õ, ndrõfi si lima wulu andrõ. Ba lõ tola manaru ami ba da’õ, ba lõ tola mibasi zowua manõ, ba he bua nagu andrõ, si lõ mugutiguti, ba lõ tola mi’ozaragõ. 12 Me no dõfi wa’owuawua dõdõ, ba ni’amoni’õ ia, miwa’õ. Moroi ba danõ mi’a mbuania. 13 Da’õ ndrõfi wa’owuawua dõdõ andrõ, ba zangawuli ba zamõsana okhõtania. 14 Na so ni’amawau khõ nawõu, ba ma na õ’õli hadia ia khõ nawõu, ba faoma bõi mibe’e te’ala nawõmi. 15 Balazi ha me uga fakhe aefa ndrõfi wa’owuawua dõdõ, na õ’õli hadia ia khõ nawõu, ba balazi ha me uga fakhe mamasi na, na i’amawa khõu. Si manö daroma Li Lowalangi, da tatema’ö faoma sinunö moroi ba Mbuku Zinunö No. 20 : 1 FANGANDRö FANGEFA HORö Liturgos : Ya’ami ira talifusö, Na taŵa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato. Mangandrö ita, "He Yehowa Lowalangi, si lö ambö fa’abölö, ba si no fahöna fa’omasi. Mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dodo-U, ena’ö ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba zi so fönama si faudu ba zomasi Ndra’ugö. Hakhösi dödö-U khöma Ama, ba be’e aefa khöma horöma andrö ma’afefu, Yaduhu!" Liturgos : Mangandrö ba dödö zamösana föna Lowalangi… (Mangandrö zamösana sambil diiringi musik instrumen) Liturgos : Hakhösi dödö-U khöma Ama, ba be’e aefa khöma horöma andrö ma’afefu, Yaduhu! “NA UBINI’Ö HORÖGU KHÖ YESU” Jemaat : Manunö moroi ba Mbuku Zinunö No. 224 : 1 Liturgos : Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö” (Yesaya 44:22) Lakhömi khö Lowalangi si yawa! Jemaat : Manunö moroi ba Mbuku Zinunö No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalö moroi ba zura Roma 5 : 1-5 1 Ba me no satulõ tõdõ ita, iwa’õ Lowalangi, balazi ba wamati, ba no atulõ ita Lowalangi, bõrõ Zo’aya ya’ita, Yesu Keriso. 2 Moroi khõnia gõi, wa tola ta’ondrasi mege wa’ebua dõdõ andrõ, si lõ tebulõ, khõda, ba tasuno ita, me tadõnadõna lakhõmi Lowalangi andrõ. 3 Ba tenga ha da’õ, tasuno gõi ita ba wamakao andrõ, me no ta’ila, i’a’asogõ wanaha tõdõ famakao andrõ; 4 ba fanaha tõdõ andrõ, ba i’a’asogõ wa’abe’e, ba fa’abe’e andrõ, ba i’a’asogõ wanõtõna. 5 ba fanõtõna andrõ, ba tebai te’ala ita, ibe’e, me no mulau ba dõdõda wa’omasi Lowalangi andrõ, ba khõ Geheha ni’amoni’õ andrõ, nibe’e khõda. Ya’ahowu zamondrongo taroma Li Lowalangi ba same’e ba dödö (Luka 11:28) Jemaat : Yaduhu! FANGOWULOI FASÖMBATA Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si oföna ua da tafondrondrongo Li Lowalangi me imane: "Ba da’ö niwa’ögu: Na so zangatalisi tanömö, ba lö oya’oya ibasi, ba na so zi lö alimagö tanömö, ba oya göi ibasi dania. Ba balazi dödö zamösana; böi abu dödö, ba tenga niforege; si no aoha gölö fame’e, da’ö sa zomasi Lowalangi." (II Korindro 9:6-7) Tafa’ema föna wasömbata khö Lowalangi, ba manunö ita moroi ba Mbuku Zinunö No. 261 2. Ya’e zumange fasömbata ma be’e soroi ba dödöma. 3. Ya’e zumange fasömbata buala si’otarai Nama. 4. Ya’e zumange fasömbata, boto, noso, ba fa’aurima. 5. Ya’e zumange fasömbata, lö irugi zomasi dödö-U. 6. Ya’e zumange fasömbata, ma’aohasi gölö Zo’aya. Liturgos : Da tafasao wasömbatada andre föna Lowalangi, musindro ita fefu. [Koordinator Pelayan mangandrö. Na inötö wama'ema fasömbata Ni'ofulu, aefa wangandrö Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163 [Pengkhotbah Möi ba Mimbar] HUHUO SEBUA Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...[Fangadrö Famokai Huhuo Sebua] Amin. Fombaso Taroma Li Lowalangi moroi ba zura Yesaya 61 : 1-9 1 No ahono khõgu Geheha Zo’aya andrõ, Eheha Yehowa, me no ibayoini ndra’o Yehowa, ba wama’ema turia somuso dõdõ ba zebua famakao; no ifatenge ndra’odo, ba wodaludaluni si no arasa tõdõ, ba ba wangombakha fangefa ba nikuru, ba famolala tõdõ ba nifobilagu; 2 ba wanuriagõ dõfi wa’omasi khõ Yehowa ba bawa wolau balõ khõ Lowalangida, ba wondrara tõdõ zabu tõdõ fefu. 3 Ba wama’ema ba zabu tõdõ andrõ, banua Ziona, aya salahi nawu ba fanikha fa’owuawua dõdõ, salahi wa’abu dõdõ, ba baru ba walõwa, salahi wa’ata’u dõdõ bakha; ba labe’e dania tõira ”Dõla geu wa’atulõ”, ”Sinanõ Yehowa”, lakhõminia. 4 Ba lafuli la’otomosi gadudula, si no ara sibai, lafuli la’a’azõkhi zadudu banua ndra tua, bohou labe’e mbanua nirõi fõna, adudula ba gõtõ fõna sa’ae. 5 So niha bõ’õ, ba wokubaloi urifõmi; niha bõ’õ gõi zonowi khõmi ba sohalõwõ ba kabu nagu khõmi. 6 Ba tõimi, ba ”Ere Yehowa;” ”Enoni Lowalangida” labe’e tõimi. Õmi dania mbalazo niha baero ba mikhamõ gana’ara. 7 Dua winaeta dania zalahi wango’aya andrõ mege, ba ma’iki dania ira, ndrohundrohu, salahi wa’aila mege. Andrõ wa dua winaeta dania khõra ba danõra: fa’omuso dõdõ si lõ aetu lasõndra. 8 Me no somasi satulõ ndra’odo, ya’o Yehowa, ba sogoro nirabu manõ, ba wa lõ atulõ; ube’e mbõli gõlõra, lõ falimodo, ba utehe khõra wawu’usa li, si lõ tebulõ. 9 Ba anehe dania niha baero ma’uwura, ba la’ila madoura soi bõ’õ: dozi sangila ya’ira, ba aboto ba dõdõ, wa no mado nifahowu’õ Yehowa ira. Famotokhi Taromali Lowalangi Sinanö ba dödö tehalö moroi ba zura Yesaya 61 : 1a No ahono khögu, Geheha Zo'aya andrö, Eheha Yehowa me no ibayoini ndra'o Yehowa, ba wama'ema turia somuso dödö ba zebua famakao. Fangandrö Fondruhö Wamotokhi Taromali Jemaat : Manunö moroi ba Mbuku Zinunö No. 154 TUHO WAMATI Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida: Ya’o mamati khö Lowalangi Ama si lö ambö fa’abölö, somböi banua si yaẅa awö danö. Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunö ita moroi ba Mbuku Zinunö No. 463 Tefangelama zamati, so gafökha si lö sökhi. Afunia tefabali, faröi niha ba wamati. Reff : Hare fondrege zi sökhi... So gafökha sondrönisi, samè lakhö fangalani. Ifaelungu, i’u’uni, ifesu zambö famati. Reff : Hare fondrege zi sökhi... Satage ba saösö faröi, so luora fangelifi. Aekhu ira ba zogömi, lö falukha wangorifi. Reff : Hare fondrege zi sökhi... FANGANDRÖ SALAHI + FAMATENGE + HOWUHOWU Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:" Pengkhotbah + Jemaat : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu. Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: Ya mufahowu’ö ami Lowalangi, Ya murorogö ami; Ya mufohaga mbawa-Nia khömi, Ya mu’ebua’ö dödö-Nia khömi; Ya mufalemba hörö-Nia khömi, Ya mubè’e wa’ohahau dödö khömi fefu. Yaduhu! Jemaat : Manunö moroi ba Mbuku Zinunö No. 463 : 5 Sanau ölö ba wamati, so luora fangorifi. Ni’asiwai Zangöhöli, fa’omasi Lowalangi. Reff : Hare fondrege zi sökhi... Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***