[Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi]
FANGOWAI BA FOGAONI
FANGOWAI
Liturgos : Ya’ami banua niha Keriso ni’omasi’ö Zo’aya ya’ita Yesu Keriso. No tarugi migu Wanõrõ tõdõ Famakao Yesu ma’õkhõ, ma’owai ami: Ya’ahowu ami fefu, ya faofao khömi Lowalangi!
Jemaat : Ya'ahowu! Ya fao khõu Geheha-Nia!
FOGAONI
Liturgos : Da ta honogö dödöda wangondrasi Yehowa, da ta’erönusi tödöda wamakao si no itaögö So’aya ya’ita Yesu Keriso, manunõ ita moroi ba Mbuku Zinunõ No.
272
FANGA’ARO’Õ WA’OWULO (VOTUM)
Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato.
No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!
Jemaat : Yaduhu!
Liturgos : Otahõgõ ndra’o ba ebua’õ dõdõ-U khõgu! noa sa aomõ’aomõ ndra’o ba si numana! (Sinunö 25:16) HALELUYA!
Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu!" Mudadao Zato
Liturgos : Manunõ ita moroi ba Mbuku Zinunõ No.
229
FOMBASO TAROMALI LOWALANGI (AMABU'ULA LI SIFÕFÕNA)
Liturgos : Da tafondrondrongo daroma Li Lowalangi, tehalõ moroi ba zura
II Moze 34:1-9
1 Ba imane Yehowa khõ Moze: Toto khõu gara wanura, dua gõrõ, si mane mege, ba usura ba gara andrõ goroisa andrõ, si so ba gara mege, nirasamõ.
2 Ba fa’anõ’õ, ba we’amõi ba hili yaw~a, mahemolu, si hulõ wongi, ba dõnadõna ndra’o ba da’õ, ba zuzu hili.
3 Ba lõ tola mõi awõu ha niha, ba we’amõi miyaw~a, ba lõ tola oroma niha ba gahe hili, fasui; ba he biribiri ba saw~i, ba lõ tola mangalui gõ heza, ba zahatõ ba hili andre.
4 Ba itoto gara wanura, dua gõrõ, si mane mege. Ba mahemolu õ, ba ihulõ wongi wemaoso Moze, mõi ia miyaw~a, ba hili Zina’i andrõ, i’o’õ niw~a’õ Yehowa khõnia, i’ohe gara andrõ, si dua gõrõ.
5 Ba mõi mitou Yehowa, ba lawuo, i’agõ ngainia ba itõtõi dõi Yehowa.
6 Ba me itõrõ fõnania Yehowa, ba imane: Yehowa, Lowalangi sahakhõ tõdõ Yehowa ba si no ebua tõdõ, ba sebolo tõdõ ba si no fahõna fa’abõwõ, awõ wa lõ farõi ia,
7 sebua tõdõ ba ngahõnõ nga’õtõ ba same’e aefa sala ba olalõw~a ba horõ, ba lõ’õ sa taw~a’õ, lõ’õ manõ fotu; lalõ ndra ama, ba ihuku ba ndraono ba ba ma’uwu, ikhamõ tõlu, irege õfa nga’õtõ.
8 Ba i’alio’õ Moze ifaõndrõ ia tou ba danõ, ifalõgu tou ia,
9 ba imane: He So’aya! na no atõ usõndra wa’ebua dõdõ khõu, ba iagõ hunõma ba wofanõma! Sabe’e bõrõ du’i sa ira, ba be’e aefa khõma lalõma, awõ horõma ba halõ tána khõu ndra’aga!
Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA
FANGANDRÕ FANGEFA HORÕ
Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato.
Mangandrõ ita, "He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma. Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma, Yaduhu!"
Jemaat : Manunõ moroi ba Mbuku Zinunõ No. 224 : 1
Liturgos : Si manõ sa wa’omasi Lowalangi nõsi gulidanõ, no Ibe’e Nono-Nia andrõ, si ha sambua, ena’õ lõ tekiko dozi samati khõ-Nia, ena’õ so khõra wa’auri si lõ aetu (Yohane 3:16) Lakhõmi khõ Lowalangi si yawa!
Jemaat : Manunõ moroi ba Mbuku Zinunõ No. 450
Liturgos : Dumadao Zato!
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalõ moroi ba zura
Yohane 4:20-26
20 Ba hili andrõ mangalulu ndra tuama fõna, ba ya’ami miwa’õ, ba Yeruzalema so naha wangalulu
21 Imane khõnia Yesu: Fati ligu, alawe, irugi bawa dania, ba tenga ba hili andrõ, ba tenga gõi ba Yeruzalema mangalulu ami khõ Nama.
22 Ba zi lõ mi’ila mangalulu ami; ya’aga, ma’ila, ha õkhõ mangalulu ndra’aga, me moroi ba niha Yehuda i’otarai fangorifi andrõ.
23 Ba irugi bawa dania ba no irugi iya’e, ba si ndruhu zangalulu, ba moroi ba Geheha ba moroi ba wa’aduhu mangalulu ira khõ Nama. I’alui sa gõi Ama zangalulu khõnia si manõ.
24 Eheha Lowalangi, ba da’õ zi nangea fangalulu, ba zangalulu khõnia, fangalulu moroi ba geheha ba fangalulu moroi ba wa’aduhu.
25 Imane khõnia ira alawe andrõ! U’ila, so dania Mesia andrõ, sotõi Keriso, na so da’õ, ba ya’ia zangombakha khõda fefu hadia ia.
26 Imane khõnia Yesu: Ya’odo da’õ, si fahuhuo khõu.
Ya’ahowu zamondrongo taroma Li Lowalangi ba same’e ba dõdõ (Luka 11:28)
Jemaat : Yaduhu!
FANGOWULOI FASÕMBATA
Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261
2. Ya’e zumange fasõmbata ma be’e soroi ba dõdõma.
3. Ya’e zumange fasõmbata buala si’otarai Nama.
4. Ya’e zumange fasõmbata, boto, noso, ba fa’aurima.
5. Ya’e zumange fasõmbata, lõ irugi zomasi dõdõ-U.
6. Ya’e zumange fasõmbata, ma’aohasi gõlõ Zo’aya.
Liturgos : Da tafasao wasõmbatada andre fõna Lowalangi, musindro ita fefu.
[Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)]
Liturgos : Mudadao Zato!
KOOR/VOCAL GROUP
Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163
[Pengkhotbah Mõi ba Mimbar]
HUHUO SEBUA
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin.
- Fombaso Taroma Li Lowalangi moroi ba zura
Sinunö 95:1-11
1 Talabu, ta’omusoi’õ dõdõda ba khõ Yehowa, talau ma’iki, bõrõ we’ewe’e dõdõda andrõ ba wangorifi!
2 Ta’ondrasi ia wangandrõ saoha gõlõ, ta’omusoi’õ dõdõda khõnia ba zinunõ.
3 Lowalangi sebua sa Yehowa, razo sebua, yawa Lowalangi bõ’õ fefu.
4 Si so ba danga hunõ danõ andrõ, sokhõ zuzu hili yawa.
5 Sokhõ asi andrõ; ya’ia zamazõkhi; ba tanõ sabe’e andrõ, ba no tangania zombõi.
6 Talabu, tafalõgu tou ita, mangalulu ita, tabalõduhini tou danõ, fõna Yehowa, sombõi ya’ita!
7 Me no Lowalangida ia, ba me no banuania ita, rorogõfõnia, nikubaloi dangania.
8 Ma’õkhõ andre, na mirongo linia, ba bõi mi’abe’e’õ dõdõmi, si mane ba Meriba no, si mane me luo wanandraigõ no, ba danõ si mate andrõ,
9 ba nitandraigõ ndra tuami ya’o, me lafaigi zu’agu, he wa’ae no la’ila wolaugu andrõ.
10 Õfa wulu fakhe wa’ara abu dõdõgu niha andrõ, ba umane: ”Niha selungu tõdõ ira.” Ba lõ aboto ba dõdõra lala andrõ khõgu.
11 Tobali fahõlu ndra’o, ba wõnugu andrõ, (umane): ”Bõi ya lakhamõ wolombase andrõ khõgu.”
- Famotokhi Taromali Lowalangi
- Sinanõ ba dõdõ tehalõ moroi ba zura
Sinunö 95:2
Ta’ondrasi ia wangandrõ saoha gõlõ, ta’omusoi’õ dõdõda khõnia ba zinunõ.
- Fangandrõ Fondruhõ Wamotokhi Taromali
Jemaat : Manunõ moroi ba Mbuku Zinunõ No. 154
TUHO WAMATI
Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida:
- Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ.
- Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate.
- Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu!
Liturgos : Mudadao Zato.
WARTA JEMAAT (Klik untuk membuka)
Liturgos : Manunõ ita moroi ba Mbuku Zinunõ No.
160
FANGANDRÕ SALAHI + FAMATENGE + HOWUHOWU
Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:"
Pengkhotbah + Jemaat :
He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu.
Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi:
- Ya mufahowu’õ ami Lowalangi, Ya murorogõ ami;
- Ya mufohaga mbawa-Nia khõmi, Ya mu’ebua’õ dõdõ-Nia khõmi;
- Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu!
Jemaat : Manunõ moroi ba
Mbuku Zinunõ No.
470
Pengkhotbah : Ya'ahowu!!!
Jemaat : Ya'ahowu!!!
*** IBADAH SELESAI ***
Tidak ada komentar:
Posting Komentar