FANGOWAI BA FOGAONI
[Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi]
FANGOWAI
Liturgos : Ya’ami banua niha Keriso, ba wondrugida migu Epifania andre, ma’owai ami fefu ba döi Zo’aya ya’ita Yesu Keriso, Ya'ahowu!
Jemaat : Ya'ahowu!
Liturgos : Yafao-fao khõmi Lowalangi!
Jemaat : Ya fao khõu Geheha-Nia!
FOGAONI
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunõ ita moroi ba Mbuku Zinunõ Numero 24:1-2
FANGA’ARO’Õ WA’OWULO (VOTUM)
Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato.
No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ!
Jemaat : Yaduhu!
Liturgos : He Yehowa, farongogö khögu lala ba wa’auri andrö: no fahöna wa’omuso dödö föna-U, ba ba gambölö-U so wa’ohahau dödö si lö mamalö. (Sinunö 16:11). HALELUYA!!!
Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi. Ma’andrö saohagölö me no Öheta ndra’aga moroi ba wa’abölö zogömigömi, no Ö’ohe ba haga, börö Zo’aya ya’aga Yesu Keriso. Ya Eheha-U Ni’amoni’ö zanuturu lala khöma, ena’ö si tedou ba saro ndra’aga ba wamati, ba si lö faröi ndra’aga ba wango’aurifagö fa’omasi irugi gamozua götö danö andre, Yaduhu! Mudadao Zato
Liturgos : Manunõ ita moroi ba Mbuku Zinunõ Numero 86:1-2
FOMBASO TAROMALI LOWALANGI (AMABU'ULA LI SIFÕFÕNA)
Liturgos : Da tafondrondrongo daroma Li Lowalangi, tehalõ moroi ba zura Sinunõ 27:1-6
1 Haga khõgu Yehowa ba fangorifi, ha niha zata’u ndra’o? ba’aba’a khõgu ba nosogu Yehowa, ha niha zi tokea ndra’o?
2 Na lahatõ’õ ira khõgu sanao horõ, ba wemanga õsigu — si fa’udu khõgu ba si fatiu tõdõ — ba manendre ira ba alau.
3 Na latarogõ ndra’o sanuwõ, ba lõ ata’u dõdõgu; na tesuwõ ndra’o, ba lõ abu dõdõgu.
4 Sambalõ u’andrõ khõ Yehowa, da’õ zihulu dodõgu: ena’õ monahia ndra’o ba nomo Yehowa andrõ, gõtõ wa’anau nosogu, ba wamaigi fa’asõkhi Yehowa andrõ ba ba wangomusoi’õ tõdõgu ba gosalinia.
5 Ifonaha sa’ae ndra’o baose, na bawa wamunu, ibini’õ ndra’o ba mbinimbini ba nosenia andrõ; i’alawa’õ yawa ndra’o ba dete gowe.
6 Ba tefaõga mbawagu yawa zi fa’udu khõgu, si tefasui ya’o, ba sumange nilau torofe ube’e ba nosenia, manunõ ndra’o khõ Yehowa ba ulau mbiola.
Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA
FANGANDRÕ FANGEFA HORÕ
Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato.
Mangandrõ ita, "Masuno ba ma’angaröfi li Ndra’ugö Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö ba wangalulu ba ba wangandrö saohagölö, ba howuhowu si no falukha ndra’aga. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima si faudu ba zomasi Ndra’ugö. Yaduhu!"
Jemaat : Manunõ moroi ba Mbuku Zinunõ No. 224 : 1
Liturgos : "Utayaigö golalöwamö, si mane lawuo, awö horöu, si mane sau. Tema fuli’ö khö-Gu, me no U’orifi ndra’ugö (Yesaya 44:22). Lakhõmi khõ Lowalangi si yawa!
Jemaat : Manunõ moroi ba Mbuku Zinunõ No. 450
Liturgos : Dumadao Zato!
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalõ moroi ba zura Yohane 1:29-42
29 Ba sara wongi aefa da’õ, ba i’ila Yesu, si mõi khõnia, ba imane: Hiza nono mbiribiri andrõ khõ Lowalangi, sangeheta horõ nõsi guli danõ.
30 Da’õ niwa’õgu: Furigu so dania niha, si no fõnagu, me no ofõna ia moroi khõgu.
31 Ba lõ aboto ba dõdõgu ia, ba ena’õ oroma ia ba Ndraono Gizeraëli, andrõ mõi ndra’o, mamayagõ idanõ.
32 Ba mamaduhu’õ Yohane, imane: No u’ila Geheha, si mõi tou, moroi ba zorugo, hulõ marafadi ia ba ahono ia khõnia.
33 Ba lõ aboto ba dõdõgu ia, ba samatenge ya’õ, ba wamayagõ idanõ, da’õ zanguma’õ khõgu: ni’ilau si mõi tou Eheha, ba ahono khõnia, da’õ zamayagõ Eheha ni’amoni’õ niha.
34 Ba no u’ila ia ba no ufaduhu’õ, wa Ono Lowalangi da’õ.
35 Ba sara wongi aefa da’õ, ba so zui Yohane, awõ nifahaõnia, darua.
36 Ba inehegõ Yesu, sanõrõ, ba imane: Hiza nono Mbiribiri andrõ, khõ Lowalangi.
37 Larongo niwa’õnia nifahaõnia, si darua andrõ, ba la’o’õ Yesu.
38 Ba ibali’õ ia furi Yesu, ifaigi ira, solo’õ ba imane khõra: Hadia ni’aluimi?
39 Ba lamane khõnia: Hezo nahiau omo, Rabi? samahaõ geluahania.
40 Imane khõra: Mi’ae mifaigi. Mõi ira, lafaigi nahiania, ba la’iagõ khõnia si ma’õkhõ andrõ; so labõzi õfa.
41 Samõsa Gandrea, talifusõ Zimoni Fetero, samondrongo khõ Yohane, solo’õ Yesu.
42 Ba ofõna falukha da’õ khõ dalifusõnia Simoni andrõ, ba imane khõnia: No masõndra Mesia andrõ; nibayoini (Keriso) geluahania.
Ya’ahowu zamondrongo taroma Li Lowalangi ba same’e ba dõdõ (Luka 11:28)
Jemaat : Yaduhu!
FANGOWULOI FASÕMBATA
Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261
2. Ya’e zumange fasõmbata ma be’e soroi ba dõdõma.
3. Ya’e zumange fasõmbata buala si’otarai Nama.
4. Ya’e zumange fasõmbata, boto, noso, ba fa’aurima.
5. Ya’e zumange fasõmbata, lõ irugi zomasi dõdõ-U.
6. Ya’e zumange fasõmbata, ma’aohasi gõlõ Zo’aya.
Liturgos : Da tafasao wasõmbatada andre fõna Lowalangi, musindro ita fefu.
[Koordinator Pelayan mangandrõ ba aefa da'õ ifa'ema wasõmbata khõ Pengkhotbah. Awai da'õ mangawuli ba nahia zamõsana]
Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163
[Pengkhotbah Mõi ba Mimbar]
HUHUO SEBUA
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin.
- Fombaso Taroma Li Lowalangi moroi ba zura Yesaya 49:1-7
1 Mifondrongondrongo khõgu, ya’ami hulo, mibe’e mbõrõ dalingami, ya’ami soi niha ba zarõu! No ikaonido Yehowa, i’otarai me sodo ba dalu ninagu; i’otarai me tabina ndra’odo itõtõi dõigu.
2 Ba no ibali’õ si’õli satarõ mbewegu: ba lumõ dangania ubini’õ ndra’odo; no ibali’õ ono wana salõsõ ndra’odo: no ibini’õ ndra’o ba naha nono wana andrõ khõnia.
3 Ba no imane khõgu: Enonigu ndra’ugõ, ya’ugõ Iraono Gizeraëli, ba ni’oroma’õgu lakhõmigu andrõ.
4 Ba no umane: Zayazaya gõlõgu wa’erege dõdõgu andrõ, ba zi lõ boto, ba ba zi lõ guna uhori gõlõgu, ba dali Yehowa ba lala khõgu, ba khõ Lowalangigu mbalazi hadia luogu.
5 Ba iwa’õ sa’ae Yehowa, si no mamali’õ enoninia ya’odo, i’otarai dalu ninagu, ena’õ u’ohe mangawuli khõnia ma’uwu Yakobo ba ena’õ te’ozaragõ khõnia Ndraono Gizeraëli — ba nifosumange ndra’o, wamaigi Yehowa ba no tobali fangabõlõgu Lowalangigu andrõ. —
6 Ba no imane: Wa enonigu ndra’ugõ ba wanga’azõkhi mado ma’uwu Yakobo andrõ, ba no ambõ, awõ wa õ’ohe mangawuli ni’orifi andrõ, Iraono Gizeraëli; ba andrõ ubali’õ haga ba niha baero ndra’ugõ, ena’õ irugi ba wondrege danõ fangorifi andrõ khõgu.
7 Imane Yehowa, sangorifi Iraono Gizeraëli, Ni’amoni’õra andrõ, khõ zi lõ ba dõdõ niha bõ’õ fefu, ni’ogorofi niha bõ’õ si no tobali sawuyu zamatõrõ ya’ia: La’ila dania razo ba maoso — la’ila samatõrõ, ba latuhi danõ, bõrõ Yehowa, si lõ farõi andrõ, bõrõ Ni’amoni’õ Ndraono Gizeraëli andrõ, sanuyu ya’ugõ mege!
- Famotokhi Taromali Lowalangi
- Sinanõ ba dõdõ tehalõ moroi ba zura Yesaya 49:6b
ba andrõ ubali’õ haga ba niha baero ndra’ugõ, ena’õ irugi ba wondrege danõ fangorifi andrõ khõgu.
- Fangandrõ Fondruhõ Wamotokhi Taromali
Jemaat : Manunõ moroi ba Mbuku Zinunõ No. 154
TUHO WAMATI
Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida:
- Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ.
- Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate.
- Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu!
Mudadao Zato.
WARTA JEMAAT (Klik untuk membuka)
Liturgos : Manunö ita moroi ba Mbuku Zinunö No: 145
FANGANDRÕ SALAHI + FAMATENGE + HOWUHOWU
Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:"
Pengkhotbah + Jemaat :
He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu.
Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi:
- Ya mufahowu’õ ami Lowalangi, Ya murorogõ ami;
- Ya mufohaga mbawa-Nia khõmi, Ya mu’ebua’õ dõdõ-Nia khõmi;
- Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu!
Jemaat : Manunõ moroi ba Mbuku Zinunõ No. 251
Pengkhotbah : Ya'ahowu!!!
Jemaat : Ya'ahowu!!!
*** IBADAH SELESAI ***
Tidak ada komentar:
Posting Komentar