24 Maret 2024 (Bahasa Nias)

Download Tata Ibadah (DOC)

Download Tata Ibadah (PDF)

Sehubungan dengan adanya pelaksanaan Ibadah Hari Doa Sedunia (HDS) di BNKP Padang pada hari Minggu 24 Maret 2024, maka kami menyediakan 2 versi Tata Ibadah yang dapat digunakan untuk ibadah Siang (Bahasa Nias).

• Bagi yang menggunakan Tata Ibadah Hari Doa Sedunia (HDS), silahkan pilih Nomor 1.
• Bagi yang menggunakan Tata Ibadah biasa, silahkan pilih Nomor 2.

TATA IBADAH HARI DOA SEDUNIA (HDS)

Minggu, 24 Maret 2024 [Hari Doa Sedunia/HDS] [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI Sondrönia'ö : Ira ama, ina ba talifusö ni’omasi’ö ba khö zo’aya ya’ita Yesu Keriso, ma’ökhö andre tafalua khöda fagandrö ni’endrogangö ba zi sagörö ulidanö ma Hari Doa Sedunia. Andrö börö da’ö da tabörögö khӧda wasumageta andre, ma'andrö muzizio ita fefu. Manunö ita moroi ba BZ. No.5 : 1-4 “SUNO YEHOWA” Suno Yehowa, Ya’ia zomböi si so fefu. Me Irorogö mbotoda awö wa’aurida. Ibe’e na wa’omuso dödöda, andrö da tasuno Ia. Suno Yehowa, da’ö zangorifi ya’ita. Samadöhö fökhö, sangabölö’ö ya’ita. Ituturu khöda zindruhu lala, afu dozi auri ita. Suno Yehowa si no fahöna fa’omasi. Me sangefa’ö ya’ita ba huku horöda. Samolala, sangorifi ya’ita, suno Ia, Haleluya. Urutan Prosesi: Solohe Röfa Solohe Buku Ni'amoni'ö Solohe Lili Sangai Huhuo Sebua Sangai Agendre Sangowuloi Ame'ela FANGOWAI Liturgos : Ya’ami banua Niha Keriso Ni’omasi'ö So’aya ya’ita Yesu Keriso. Ma ö’khö migu famalua fasumangeta fangandrö Ni’endrongagö Hari Doa Sedunia. Ma’owai ami : Ya’ahowu! Jemaat : Ya'ahowu! Liturgos : Ya faofao khömi Lowalangi! Jemaat : Ya fao khöu Geheha-Nia! FOGAONI Liturgos : Da ta honogӧ dӧdӧda wangondrasi Yehowa, da ta’erӧnusi tӧdӧda wamakao si no itaӧgӧ So’aya ya’ita Yesu Keriso, manunõ ita moroi ba Mbuku Zinunõ No. 26 He iraono, he satua, da tasuno Zo’aya, Me da’ö zomasi Ia, na oi tasuno Ia. He na lö terongo lida, na mangandrö dödöda. No oi i’ila So’aya, Ibe’e ni’andröda. Böi mo’aetufa wangandrö, ba fanuno So’aya. He na bongi, he ma’ökhö, tödömö bè khö-Nia. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Tasuno Lowalangi si fao khöda wa malua fasumangeta sifao fa’omasi ba fahasambua. Jemaat : Yehowa si no mangosambua’ö ya’ita sebua moroi ba danӧ bö’ö ba guli danö andre. Liturgos : Tolo ndra’aga, fasugi ba dödöma wamati satulö, fangidengide’ö, faebolo dödö ba fa’omasi. Jemaat : Mafaduhu’ö no fasala ndra’aga ba wanema’ö niha bö’ö, he wa’ae lö ni hukuma yaira. Liturgos : Ma’odödögö wangidengide’ö ba fa’ebolo dödö ba ginötö falukha ndra’aga noro dödö ba wongambatö, ba gotalua niha sato ba mendrua manö ba gosali. Börö fa’ebua dödö ba fa’omasi tola tataögö wa’atolazi dödö, ba wamati taila wa ya’ita tana khö Lowalangi. HALELUYA!!! Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu!" Mudadao Zato Liturgos : Manunõ ita moroi ba Mbuku Zinunõ No. 91 Ono Lowalangida, ni’osö yawa ba röfa. Doi labe’e takula, la’o’aya nasa Ia. Khöda mbörö zokho-Nia, awö wa terasa Ia. Ya’ita ni’otu’ö, silö aetu lö mamalö. Ya’ita nifofanö, si tebai auri ena’ö. Ba Yesu zolu’i huku, afu aefa ita fefu. Fönu Lowalangida, khö Yesu no manandrösa. Ya’ia zamalua, folo’ö oroisa Nama. Ilu’i fefu horöda, mate Ia salahida. Lö sulö soroi khöda, fefu wa’omasi-Nia. Tobali fo’ömöda, wangomasi’ö Ya’ia. Okhöta ba fa’aurida, talulu sumange-Nia. He Yesu sangorifi, ba danga-U da matou’öga. Me tana khö-U ndra’aga, tolo afu lö faröiga. Ha Ya’ugö matöngöni, khö-U auriga khö-U matega. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 72 : 1-11 1 He Lowalangi, be’e khõ razo wanguhuku andrõ khõmõ; ba khõ nono razo andrõ be’e wa’atulõmõ. 2 Ena’õ i’atulõ’õ wanguhuku banuamõ andrõ, ba ena’õ i’ohe ba wa’adõlõ wanguhuku si numana. 3 Ena’õ mowua fa’ohahau dõdõ hili ba mbanuamõ andrõ, awõ hilihili andrõ, ba wa’atulõ. 4 Yamu’ohe ba wa’atulõ huhuo zabu tõdõ ba mbanua, yamutolo nono zi numana, ba yamufufu zamalangõgõ awõra. 5 Ndramu’ata’ufi ndra’ugõ gõtõ wa’ara luo, ba gõtõ wa’ara mbawa, gõtõgõtõ wa’ara. 6 Ya numalõ mitou, si máne teu, ba mbenua, si bohou lasabi du’u, si máne teu sabõlõbõlõ andrõ, fombasõi danõ. 7 Ya mobowo zatulõ tõdõ andrõ ba gõtõnia, ya fahõna wa’atulõ, irugi lõ bawa sa’ae. 8 Ya salawa ia, i’otarai nasi, numalõ ba nasi ba zi tambai, ba i’otarai mboto nidanõ, numalõ ba wondrege danõ. 9 Ya mangalulu khõnia zowanua ba danõ si mate, ya lafelai gawugawu si fatiu tõdõ khõnia. 10 Ndramufosumange ia razo Darisi andrõ, awõ razo ba hulõ, ndramu’ohe game’ela razo Zaba ba razo Zeba andrõ. 11 Ba latuhi danõ fõnania razo fefu, mõi enoninia dozi niha baero. Si manõ daroma Li Lowalangi, da tatema’õ faoma sinunõ SUMANGE LA'OHE KHÕU Sumange la’ohe khö-U, mala’ika awö niha. Dozi ira manunö, lasunosuno Yehowa. Lira lö mo’aetufa, götögötö wa’ara. FEHEDE DӦDӦ NDRA’ALAWE, FANGANDRӦ FANGEFA HORӦ Liturgos : Ma’ӧkhӧ ba wasumangeta khӧ Lowalangi tarongo duria datӧlu ndra’alawe Niha Keriso ba Palestina si tobali dumaduma ba wa’abӧlӧra ba wamalua fa’omasi. Turiara andrӧ no tobali haga ba ndraalawe Niha Keriso ba Palestina tӧlu nga’ӧtӧ no amaedola geu falo so salahini tӧlu nga’ӧtӧ simane: tӧla falo, daha falo ba bulu falo. Narato : Aine da u’ombakha’ӧ ndra’ugӧ khӧ Eleoner ya’ia andrӧ samӧsa ba gotalua nga’ӧtӧ zatua si no atua si mane tӧla geu falo si no mangi’ila ndrӧfi wasuwӧta ba famakao. Yaia Niha Keriso Palestina ӧsi gosali Ortodoks Yunani ba danӧ Ni amoni’ӧ ya’ia ӧsi wongambatӧ moroi ba Yeruzalema atua ba abӧlӧ sibai. Ba mbӧrӧta abad-19 tuania za masindrӧ osali Ortodoks. Bӧrӧ George wa tola tetehegӧ ba Niha Keriso si torӧi baero mbanua sebua wa monahia ba wamalua fasumangeta. Osali daӧ lӧ sadudu irugi dӧfi 1948 ba ginӧtӧ 750.000 niha Palestina la faso la fofanӧ ira muzaewe misa ba tobali lӧ nahiara. Eleoner : Ya’o ba talifusӧgu itugu ebua, satuagu ifasugi ba dӧdӧ ba zi fasinga omo sifao fangandrӧ saohagӧlӧ ba ginӧtӧ wombaloi ngaluo sebua andrӧ. Ba hiza satuama mate lӧ nirugi nia nidӧnadӧna nia. Asese iwaӧ satuagu sifao fangandrӧ saohagӧlӧ ba niha Yehuda si fasinga omo khӧra, ifahaӧ ndra’odo he wisa wanolo niha bӧ’ӧ ba wa’omasi. Ba wangaurifagӧ fa’auri Niha Keriso Palestina si torӧi ba Yeruzalema, no ufili faondraodo ba gangowuloa Niha ba mbanua ba si manӧ gӧi ba gangowuloa zato. No ifahaӧ ndraodo satuagu no ibe’e dumaduma sisӧkhi khӧgu ba gotalua niha bӧ’ӧ ba zi fasui yaita he naso noro dӧdӧ ba mendrua manӧ na abӧlӧ wamakao. Me felezara fakhe ndra’o ba no ubӧrӧgӧ mohalӧwӧ ba zi sambua angowuloa guru li Arab iwa’ӧ khӧgu ba wangohalӧwӧgӧigӧ halӧwӧ nia wa nolo niha si tefakao. No ihaogӧ si fao fa’omasi wa nolo ya’o enaӧ aboto ba dӧdӧgu wa’abӧlӧ sӧkhi sibai wa’auri wa nolo niha bӧ’ӧ. Meno aefa da’ӧ ba ufalua halӧwӧ ba wanolo niha ba u’otomosi nomo awӧ halӧwӧ fangomasi’ӧ (sosial) halӧwӧ da’e lӧ famaigi bawa, lӧ famaehuni agama, mado, soi, ira’alawe/ira matua fagӧlӧ mutolo ira molo’ӧ so masi Lowalangi. Mohare ndra’o ba wanoloni ngaotu ndra’alawe ba Yeruzalema, Gaza, ba Palestina ba wanoloni soroi yomora ba wangalui soguna khӧra. Oya halӧwӧ ni bokai ba nahia bӧ’ӧ, itugu oya ba tedou wa’oya misa ba nahia bӧ’ӧ, to bali hare ba niha sato. I’otarai ba wa ideidegu aboto ba dӧdӧgu wa fa’auri si lӧ aro ba fa’atulӧ sa aro. He wa’ae simanӧ faduhu dӧdӧgu na fao ita ba abӧlӧ wa malua fa’omasi. Lina : Da ufatunӧ khӧmi sotӧi Lina Me 11 Mei 2022 ina lawe Lina sotӧi Shireen wartawan sitehӧngӧ wanuriaigӧ siduhu, labunu ia ba Jenin. Me no mate Shireen, Palestina taya khӧra zanuriaigӧ satulӧ. Shireen no dumaduma khӧ Lina ba duma-duma ba ndraono alawe sato ba Palestina. FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma. Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma, Yaduhu!" Tebe’e ginötö mangandrö ba dödö zamösana föna Lowalangi. Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI'Õ HORÕGU KHÕ YESU" Jemaat : Manunõ moroi ba Mbuku Zinunõ No. 224 : 1 Liturgos : He Ama Lowalangi silӧfarӧi ba satulӧ. Bӧrӧ wa omasiU wa te’efaӧ horӧma no’Ӧ sasai ndra’aga moroi ba ngawalӧ horӧ, ba no ӧ tolo ndra’aga ba wanӧrӧ haga sindruhu andrӧ. Ena’ӧ Ӧ be’e khӧma dӧdӧ satua-tua ba wangi’ila Lowalangi sindruhu andrӧ ba ena’ӧ si tedou ndra’aga ba wamati ba ba wa’omasi. No ӧ omasiӧ ndra’aga ba no ӧ oroma’ӧ lakhӧmi mӧ andrӧ Ya’ugӧ Lowalangi solakhӧmi ba sabӧlӧ si tebai musua. Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Heberaio 9 : 11-15 11 Ba me so Keriso, ere sebua ba zi sõkhi andrõ, si so dania, ba no itõrõ nose si sõkhi ba so’ahonoa moroi andrõ, si tenga nifazõkhi tanga, ya’ia wa tenga moroi ba guli danõ andre, 12 ba tenga gõi balazi ndro mbiribiri si matua, ba tenga balazi ndro nono zawi, no balazi ndronia, me mõi ia ba ni’amoni’õ andrõ, no i’osamuzaigõ, ba no isõndra wangõhõli si lõ aetu. 13 No ihaogõ sa’ae nõsi do mbiribiri si matua andrõ, ba do zawi si matua, ba awu zigelo zawi andrõ, fanefe zi ra’ira’iõ andrõ, 14 ba tenga mendrua manõ ndro Keriso andrõ, si no mame’e sumange, si lõ sinegu, ya’ia, khõ Lowalangi, balazi Geheha si lõ aetu andrõ, iheta ba dõdõmi mbuabua si mate, ena’õ mõi ami enoni Lowalangi sauri! 15 Ba andrõ sama’ema ba wawu’usa li si bohou ia, ena’õ latema nikaoni andrõ gamabu’ula li andrõ, ondrõita si lõ aetu, na no mutõrõ wa’amate, ba wangõhõli ba lalõ andrõ, ba wawu’usa li si fõfõna. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Mataio 21 : 1-11 1 Ba me no ahatõ ira ba Yeruzalema, me larugi Mbetifage, ba gahe hili wanikha, ba ifatenge nifahaõnia Yesu, darua, 2 imane khõra: Mi’ae ba mbanua side’ide andrõ, fõnami, ba i’anema’õ falukha ami galide si alawe ni’amõhõgõ ba so gõi nono; mitoto’õ wesu ba mi’ohe ia khõgu. 3 Ba na so zanguma’õ khõmi hadia ia, ba mimane: Moguna khõ Dua, ba i’anema’õ ifa’ohe’õ. 4 Andrõ si manõ, ena’õ itõrõ niwa’õ zama’ele’õ andrõ, me imane: ”Miwa’õ khõ nono Ziona alawe andrõ: 5 ”Hiza, i’ondrasi’õ razomõ, sebolo tõdõ, fakudo ia ba hulu galide, ba ba hulu nono zonoro”. 6 Ba mõi nifahaõ andrõ, la’o’õ niwa’õ Yesu, khõra, la’ohe galide andrõ, 7 awõ nono, ba labologõ nukha ba hulu ba fakudo ia yawa. 8 Ba ato niha samologõ ba lala nukhara; ba so zolewa tuturu geu ba lafazawili ba lala. 9 Ba mu’ao niha sato, si so fõna, awõ zolo’õ moroi furi, lamane: ”Hozana khõ ma’uwu Dawido andrõ, ya’ahowu zi so andrõ, ba dõi Zo’aya; hozana ba zalawa yawa!” 10 Ba me irugi yomo ba Yeruzalema, ba humufa mbanua ma’afefu, lamane: Ha niha da’õ? 11 Ba lamane niha sato: Da’õ zama’eleõ andrõ, Yesu, banua Nazareta, ba Galilaia. Famotokhi Taromali Lowalangi Sinanõ ba dõdõ tehalõ moroi ba zura Mataio 21 : 11b Da'ö zama'ele'ö andrö, Yesu, banua Nazareta, ba Galilaia. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 277 Afu so wangodödögö, wondröi si lö atulö. Si tobali rörö dödö, me oi si taya da’ö. Faduhu sibai dödöma, daroma li-Mö andrö. Ituturu khöma lala, saekhu ba zomasi’Ö. Da ma’andrö khö-U So’aya, bè khöma Geheha-Mö Same’e fa’anau gölö, wolo’ö somasi’Ö. Dozi sangondrasi Yesu, lasöndra wangatulö. Oi latema göi wa’auri, ba fa’ohahau dödö. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrӧ ita salahi ndraalawe ba zi sagӧrӧ ulidanӧ. Mangandrӧ ita: He Lowalangi satulӧ fahowuӧ ndra’aga tobali sanuriaigӧ fa’atulӧ ba fa’aduhu. Bokai hӧrӧma irege tola ma’ila fefu hadia ia si mane ni’ila-Mӧ. Ba arӧu’ӧ ndra’aga ba zilӧsӧkhi, fӧkhӧ, ba fa afӧkhӧ dӧdӧ, ba folau balӧ. Mangandrӧ ndra’aga salahi ndraalawe si lӧ manema famaha’ӧ ba sekola, si manӧ gӧi ndraalawe nifakao awӧ zinumana bӧrӧ wamakao nitaӧgӧra. Mangandrӧ ndra’aga ena’ӧ sohalӧwӧ ba gosali sifao famareta la angeraigӧ he wisa lala ena’ӧ lasӧndra naha sisӧkhi iraalawe. Tolo ndra’aga ena’ӧ muhede ndra’aga, ma’oguna’ӧ mbuala geheha ba nekhenekhema ba wanoloni niha bӧ’ӧ. Fatӧrӧ ndra’aga ba lala wa’auri si sӧkhi me da’ӧ tekaoni ndra’aga. He Soaya ba niha si lӧ nahia, bӧrӧ nono-U Yesu Keriso si no tobali Ono niha moloi Ia moroi ba zamunu ya’ia ba Mbetilekhema, no Ӧ’ila wa’auri niha soloi si lӧ nahia, Yaugӧ zifao khӧra, tolo ira ba ginӧtӧ ogӧmi dӧdӧra, ba na tefakao geraerara, tuturu khӧra lala ba kubaloi ba naha sahono dӧdӧra. Bokai dӧdӧ zanema’ӧ soloi silӧ nahia ena’ӧ lafonahia ira, fatӧrӧ dӧdӧ zondrӧniai’ӧ ba wamareta ena’ӧ la’asogӧ zoguna ba niha soloi si lӧ nahia. Fatӧrӧ ndra’aga ba wa’auri si sӧkhi meno tekaoni ndra’aga. He Soaya Ya’ugӧ gowe saro ba khӧma, no ӧ’fahaӧ ndra’aga ba wondrou’ӧ fa’aurima ba khӧ-U. Mangandrӧga salahi niha si lӧ nahia, si no agadudu nomo bӧrӧ wasuwӧta, awӧ zigӧna molӧ, ba fa’aruru danӧ. Abӧlӧ’ӧ ndra sohalӧwӧ ba wanolo sigӧna famakao bӧrӧ wasuwӧta ba Palestina, awӧ ba nahia bӧ’ӧ. Fatӧrӧ ndra’aga ba wa’auri si sӧkhi meno tekaoni ndra’aga. He Soaya Lowalangi satulӧ, mangandrӧ ndra’aga salahi ndra enonimӧ ena’ӧ tobali hasambua si mane Ya’ugӧ khӧ Nama ha sambua. Fahaӧ ndra enonimӧ ba wa malua satulӧ, fa’atuatua ba ba wamalua fa’omasi he wa’ae fehede, fa’auri ba fangandrӧ fabӧ’ӧbӧ’ӧ, fahowu’ӧ mbanua-U fefu awӧ ndraalawe si lӧ farӧi gofu heza nahia wanuriaigӧ turia somuso dӧdӧ. Fatӧrӧ ndra’aga ba wa’auri si sӧkhi meno tekaoni ndra’aga. Ba dӧi Zo’aya ya ‘aga Yesu Keriso, si no mamahaӧ ya’aga ba wangandrӧ mamane: Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 470 Yesu sauri, zamaeri fa’aurigu. 3x Andrö lö te’alado, lö elungu. Yesu sauri, gubalogu sindruhu. 3x Lö sambö ndra’o, lö göi fa’ata’u. Yesu sauri, dötönafö sindruhu. 3x Ba wogamö fa’auri si lö aetu. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***

AGENDRE BAHASA NIAS

Minggu, 24 Maret 2024 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua niha Keriso ni’omasi’ö Zo’aya ya’ita Yesu Keriso. No tarugi migu Wanõrõ tõdõ Famakao Yesu ma’õkhõ, ma’owai ami: Ya’ahowu ami fefu, ya faofao khömi Lowalangi! Jemaat : Ya'ahowu! Ya fao khõu Geheha-Nia! FOGAONI Liturgos : Da ta honogö dödöda wangondrasi Yehowa, da ta’erönusi tödöda wamakao si no itaögö So’aya ya’ita Yesu Keriso, manunõ ita moroi ba Mbuku Zinunõ No. 26 He iraono, he satua, da tasuno Zo’aya, Me da’ö zomasi Ia, na oi tasuno Ia. He na lö terongo lida, na mangandrö dödöda. No oi i’ila So’aya, Ibe’e ni’andröda. Böi mo’aetufa wangandrö, ba fanuno So’aya. He na bongi, he ma’ökhö, tödömö bè khö-Nia. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Hakhõsi tõdõ ndra’o, Ya’ugõ Yehowa, sata’u tõdõ sa ndra’odo! Aoko hõrõgu ba wa’abu dõdõ andrõ, ariri nosogu ba õsigu. Ba ya’odo, ba sanõtõna khõ-U, Ya’ugõ Yehowa; no umane: ”Lowalangigu Ndra’ugõ” Ba danga-U so lalagu andrõ. Efa’õ ndra’o ba danga zi fa’udu khõgu ba ba zolohi ya’odo! He Yehowa, bõi be’e aila ndra’o! Orifi ndra’o, ba wa’atulõ dõdõ-U andrõ! (Sinunö 31: 10, 15, 16, 18a, 2b) HOSIANA!!! Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu!" Mudadao Zato Liturgos : Manunõ ita moroi ba Mbuku Zinunõ No. 91 He tödögu, faoso’ö, ba töngöni nilau Yesu. Itehe mate Ia, wangorifi niha fefu. Uhatö ’ödo khö-Nia, me si lö faröi-röi Ia. Ono Lowalangida, ni’osö yawa ba röfa. Doi labe’e takula, la’o’aya nasa Ia. Khöda mbörö zokho-Nia, awö wa terasa Ia. Ya’ita ni’otu’ö, silö aetu lö mamalö. Ya’ita nifofanö, si tebai auri ena’ö. Ba Yesu zolu’i huku, afu aefa ita fefu. Fönu Lowalangida, khö Yesu no manandrösa. Ya’ia zamalua, folo’ö oroisa Nama. Ilu’i fefu horöda, mate Ia salahida. Lö sulö soroi khöda, fefu wa’omasi-Nia. Tobali fo’ömöda, wangomasi’ö Ya’ia. Okhöta ba fa’aurida, talulu sumange-Nia. He Yesu sangorifi, ba danga-U da matou’öga. Me tana khö-U ndra’aga, tolo afu lö faröiga. Ha Ya’ugö matöngöni, khö-U auriga khö-U matega. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 72 : 1-11 1 He Lowalangi, be’e khõ razo wanguhuku andrõ khõmõ; ba khõ nono razo andrõ be’e wa’atulõmõ. 2 Ena’õ i’atulõ’õ wanguhuku banuamõ andrõ, ba ena’õ i’ohe ba wa’adõlõ wanguhuku si numana. 3 Ena’õ mowua fa’ohahau dõdõ hili ba mbanuamõ andrõ, awõ hilihili andrõ, ba wa’atulõ. 4 Yamu’ohe ba wa’atulõ huhuo zabu tõdõ ba mbanua, yamutolo nono zi numana, ba yamufufu zamalangõgõ awõra. 5 Ndramu’ata’ufi ndra’ugõ gõtõ wa’ara luo, ba gõtõ wa’ara mbawa, gõtõgõtõ wa’ara. 6 Ya numalõ mitou, si máne teu, ba mbenua, si bohou lasabi du’u, si máne teu sabõlõbõlõ andrõ, fombasõi danõ. 7 Ya mobowo zatulõ tõdõ andrõ ba gõtõnia, ya fahõna wa’atulõ, irugi lõ bawa sa’ae. 8 Ya salawa ia, i’otarai nasi, numalõ ba nasi ba zi tambai, ba i’otarai mboto nidanõ, numalõ ba wondrege danõ. 9 Ya mangalulu khõnia zowanua ba danõ si mate, ya lafelai gawugawu si fatiu tõdõ khõnia. 10 Ndramufosumange ia razo Darisi andrõ, awõ razo ba hulõ, ndramu’ohe game’ela razo Zaba ba razo Zeba andrõ. 11 Ba latuhi danõ fõnania razo fefu, mõi enoninia dozi niha baero. Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma. Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Si manõ sa wa’omasi Lowalangi nõsi gulidanõ, no Ibe’e Nono-Nia andrõ, si ha sambua, ena’õ lõ tekiko dozi samati khõ-Nia, ena’õ so khõra wa’auri si lõ aetu (Yohane 3:16) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Heberaio 9 : 11-15 11 Ba me so Keriso, ere sebua ba zi sõkhi andrõ, si so dania, ba no itõrõ nose si sõkhi ba so’ahonoa moroi andrõ, si tenga nifazõkhi tanga, ya’ia wa tenga moroi ba guli danõ andre, 12 ba tenga gõi balazi ndro mbiribiri si matua, ba tenga balazi ndro nono zawi, no balazi ndronia, me mõi ia ba ni’amoni’õ andrõ, no i’osamuzaigõ, ba no isõndra wangõhõli si lõ aetu. 13 No ihaogõ sa’ae nõsi do mbiribiri si matua andrõ, ba do zawi si matua, ba awu zigelo zawi andrõ, fanefe zi ra’ira’iõ andrõ, 14 ba tenga mendrua manõ ndro Keriso andrõ, si no mame’e sumange, si lõ sinegu, ya’ia, khõ Lowalangi, balazi Geheha si lõ aetu andrõ, iheta ba dõdõmi mbuabua si mate, ena’õ mõi ami enoni Lowalangi sauri! 15 Ba andrõ sama’ema ba wawu’usa li si bohou ia, ena’õ latema nikaoni andrõ gamabu’ula li andrõ, ondrõita si lõ aetu, na no mutõrõ wa’amate, ba wangõhõli ba lalõ andrõ, ba wawu’usa li si fõfõna. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Mataio 21 : 1-11 1 Ba me no ahatõ ira ba Yeruzalema, me larugi Mbetifage, ba gahe hili wanikha, ba ifatenge nifahaõnia Yesu, darua, 2 imane khõra: Mi’ae ba mbanua side’ide andrõ, fõnami, ba i’anema’õ falukha ami galide si alawe ni’amõhõgõ ba so gõi nono; mitoto’õ wesu ba mi’ohe ia khõgu. 3 Ba na so zanguma’õ khõmi hadia ia, ba mimane: Moguna khõ Dua, ba i’anema’õ ifa’ohe’õ. 4 Andrõ si manõ, ena’õ itõrõ niwa’õ zama’ele’õ andrõ, me imane: ”Miwa’õ khõ nono Ziona alawe andrõ: 5 ”Hiza, i’ondrasi’õ razomõ, sebolo tõdõ, fakudo ia ba hulu galide, ba ba hulu nono zonoro”. 6 Ba mõi nifahaõ andrõ, la’o’õ niwa’õ Yesu, khõra, la’ohe galide andrõ, 7 awõ nono, ba labologõ nukha ba hulu ba fakudo ia yawa. 8 Ba ato niha samologõ ba lala nukhara; ba so zolewa tuturu geu ba lafazawili ba lala. 9 Ba mu’ao niha sato, si so fõna, awõ zolo’õ moroi furi, lamane: ”Hozana khõ ma’uwu Dawido andrõ, ya’ahowu zi so andrõ, ba dõi Zo’aya; hozana ba zalawa yawa!” 10 Ba me irugi yomo ba Yeruzalema, ba humufa mbanua ma’afefu, lamane: Ha niha da’õ? 11 Ba lamane niha sato: Da’õ zama’eleõ andrõ, Yesu, banua Nazareta, ba Galilaia. Famotokhi Taromali Lowalangi Sinanõ ba dõdõ tehalõ moroi ba zura Mataio 21 : 11b Da'ö zama'ele'ö andrö, Yesu, banua Nazareta, ba Galilaia. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 277 Afu so wangodödögö, wondröi si lö atulö. Si tobali rörö dödö, me oi si taya da’ö. Faduhu sibai dödöma, daroma li-Mö andrö. Ituturu khöma lala, saekhu ba zomasi’Ö. Da ma’andrö khö-U So’aya, bè khöma Geheha-Mö Same’e fa’anau gölö, wolo’ö somasi’Ö. Dozi sangondrasi Yesu, lasöndra wangatulö. Oi latema göi wa’auri, ba fa’ohahau dödö. FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 470 Yesu sauri, zamaeri fa’aurigu. 3x Andrö lö te’alado, lö elungu. Yesu sauri, gubalogu sindruhu. 3x Lö sambö ndra’o, lö göi fa’ata’u. Yesu sauri, dötönafö sindruhu. 3x Ba wogamö fa’auri si lö aetu. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***