24 Juli 2022 (Bahasa Nias)

Minggu, 24 Juli 2022 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya, Ya somuso tõdõ ba sowuawua tõdõ ami ba we’amõi fõna Keriso ma’õkhõ andre, ma’owai ami fefu, Ya’ahowu! Jemaat : Ya'ahowu! Liturgos : Yafao-fao khõmi Lowalangi! Jemaat : Ya fao khõu Geheha-Nia! FOGAONI Liturgos : Da ta’owuawua’õ dõdõda wangondrasi Yehowa, da ta’omusoi’õ dõdõda ba wamalua fasumangeta khõ Lowalangi. Tasuno Ia, manunõ ita moroi ba Mbuku Zinunõ No. 25 FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Ba u’ila Zo’aya, sidadao ba dadaoma sebua, si no alawa: anõnõ gosali ahe mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua mbalubalu gahe ba dua ba wehombo. Ba faoma lamanemane we’ao khõ nawõra: Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ lakhõmi-Nia guli danõ ma’asagõrõ. (Yesaya 6:1b, 2-3) HALELUYA! Liturgos : Mangandrõ ita, "He Yehowa Lowalangi Ama, Ono ba Eheha Ni’amoni’õ. Mõiga mangalulu ba wangandrõ saohagõlõ me no Õrorogõ, Õ’orifi, ba Õbohouniga fa’omasi-Mõ andrõ. Ma’andrõ khõ-U, tohugõ wa’ebua dõdõ-U khõma, rorogõga ba ngawalõ de’ala, efa’õga ba wanandraigõ, rara dõdõ ba ngawalõ gabula dõdõ, tundreheni fa bõi alau ndra’aga. Fatõrõga ba zomasi Ndra’ugõ irugi gamozua, fa makhamõ nahia ba zi so Ya’ugõ. Si lõ mo’aetufa nisuno ba nifolakhõmi Ndra’ugõ, awõ Zo’aya ya’aga Yesu Keriso ba Eheha Ni’amoni’õ, Yaduhu!" Mudadao Zato Liturgos : Manunõ ita moroi ba Mbuku Zinunõ No. 209 FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunӧ 91 : 1 - 10 1 Sonahia barõ mba’aba’a andrõ khõ Wondrege zalawa andrõ, da’õ zahono ba lumõ Wondrege zabõlõ andrõ. 2 Umane khõ Yehowa: ”Sawatõgu ndra’ugõ ba hatigu, Lowalangigu, tõtõna fõgu!” 3 I’efa’õ ndra’ugõ ba dandrawa andrõ khõ zolau tandrawa wofo, ba i’orifi’õ ba wõkhõ waba famunu andrõ. 4 Ibalugõ ndra’ugõ afinia, ba barõ gafinia andrõ auri ndra’ugõ; no ba’aba’a ba baluse zi duhu andrõ khõnia. 5 Lõ tola ata’u ndra’ugõ gameta’uõ andrõ ba zi bongi, ba he ono wana sanõrõ, na ma’õkhõ. 6 Fõkhõ waba andrõ, sanõrõ sogõmigõmi, teu mbanua andrõ, famakiko na laluo. 7 He hõnõ zi mate ba ngaimõ, ba he fulu ngahõnõ zi mate ba gambõlõu, ba ya’ugõ, ba lõ gõna. 8 Ha hõrõu zangila, ba anehe’õ wamasulõ andrõ ba zolau si lõ sõkhi. 9 Me no õwa’õ: ”Ya’ugõ sa’ae dõtõnafõgu, Yehowa;” Fondrege zalawa andrõ no õbe’e sawatõu. 10 Lõ itõrõ ndra’ugõ sabu dõdõu, ba lõ ihatõ’õ ia ba noseu famakao. Si manõ daroma Li Lowalangi, da tatema’õ faoma sinunõ moroi ba Mbuku Zinunõ No. 20 : 1 FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Yehowa Lowalangi, si lõ ambõ fa’abõlõ, ba si no fahõna fa’omasi. Mafaduhu’õ wa tenga sinangea ndra’aga tanõ fõna-Mõ, me no fahõna horõ si no mafalua i’otarai iraono ndra’aga, he ba wehedema, era’era dõdõma, awõ gamuatama si lõ faudu ba daroma Li-Mõ. Andrõ mõiga khõ-U ba wangandrõ fa’ahakhõ dodo-U, ena’õ Õ’efa’õ khõma horõma andrõ, si no mafalua, irege sohahau tõdõ ndra’aga wanohugõ fekolima ba zi so fõnama si faudu ba zomasi Ndra’ugõ. Hakhõsi dõdõ-U khõma Ama, ba be’e aefa khõma horõma andrõ ma’afefu, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Utayaigõ golalõwamõ, si mane lawuo, awõ horõu, si mane sau. Tema fuli’õ khõ-Gu, me no U’orifi ndra’ugõ” (Yesaya 44:22) Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Kolose 2 : 6 - 19 6 Ba si mane fanemami Yesu Keriso, So’aya, 7 si manõ gõi mitõrõ lalania, ba khõnia yamowa’a ami, si tedoudou, ni’abe’e’õ, ba wamati andrõ, dali wamahaõ ya’ami andrõ; yafahõna khõmi wangandrõ saoha gõlõ, 8 Mifaigi, fa bõi ilimo ami niha, ha niha ia, ba wa’atuatua niha guli danõ andrõ, ba ba wayafaya andrõ, wolo’õ nifa’ema niha, huku ba niha guli danõ; si tenga folo’õ khõ Keriso. 9 Ba khõnia sa monahia gahonoa wa’alowalangi andrõ, ma’afefu, moboto. 10 Ba khõnia, wa no fahõna khõmi; ba ba zamatõrõ andrõ, fefu, ba ba zalawa andrõ, fefu, ba no ya’ia hõgõ. 11 Ba khõnia gõi no muboto ami, tenga ni’amoto’õ tanga, famoto fangeheta boto nõsi andrõ, famoto khõ Keriso andrõ, 12 me no teko’o ami, awõnia, ba wamayagõ idanõ andrõ; ba khõnia gõi no mususugi ami, awõnia, bõrõ wamati ba wa’abõlõ Lowalangi andrõ, si no manusugi ya’ia moroi ba ngai zi mate. 13 Ya’ami gõi, si no mate fõna, ba wanawõnawõ oroisa andrõ, ba ba nõsimi andrõ, si lõ muboto, ba no i’orifi, awõnia, me no ibe’e bualania khõda lalõ andrõ fefu, 14 me no ibunu zura gõmõda andrõ, fangadugõ ya’ita andrõ, amakhoita andrõ, ududa; no iheta, me no i’osõ ba rõfa; 15 me iheta wangõna zamatõrõ andrõ, ba fangõna zalawa andrõ, me ibali’õ aya ira ba zanehe zato, me i’oroma’õ, wa no abõlõ ia moroi khõra, ba rõfa andrõ. 16 Ba bõi sa’ae yamuhuku ami niha ba ni’a, ba ma ba nibadu, ba ma ba luo ni’amoni’õ, ba ma ba wasulõna, ba ma ba zabato. 17 Lumõ zi so dania da’õ, ba khõ Keriso mboto. 18 Bõi ilimo ami niha, ha niha ia, ba luo zabõlõ andrõ, niha somasi fa’adugudugu, ba famosumange mala’ika, niha solo’õ angilatania, si so hokha si lõ bõrõ, ba gera’era dõdõ nõsinia, 19 ba si lõ molemba ba hõgõ andrõ; ba moroi ba da’õ sa tetolo mboto ma’afefu, ba wamabõbõ andrõ, ba ba nuo, moroi ba da’õ tefabõbõ ia, ba manõi, ba wa’ebua andrõ nibe’e Lowalangi. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Hosea 1 : 2 - 10 Ihalõ ndra alawe sohorõ Hosea, amaedola walimosa Ndraono Gizeraëli. 2 Me bõrõta wehede Yehowa khõ Hosea, ba imane Yehowa khõ Hosea: Ae halõ ndra alawe sohorõhorõ, fabaya nono horõ, me no sohorõhorõ niha ba danõ, wangerogõ Yehowa. 3 Ba mõi ia mangai Gomeri andrõ, ono Dibila’i, ba manabina da’õ ba mo’ono khõnia, ono matua. 4 Ba imane khõnia Yehowa: Yezere’eli be’e tõinia; hatõ sa ma’ifu tõ, ba ulau mbalõ ndro Yezere’eli andrõ, ba nga’õtõ Yehu andrõ ba use’e nõri Ndraono Gizeraëli andrõ. 5 Ba na luo da’õ, ba ufatõ wana Ndraono Gizeraëli ba ndraso andrõ, ba Yezere’eli. 6 Ba ifuli manabina ba mo’ono, ono alawe. Ba imane khõnia Yehowa: Lo-Ruhama (si lõ muhakhõsi tõdõ) be’e tõinia, me lõ’õ sa’ae uhakhõsi tõdõ ma’uwu Gizeraëli, wame’e aefa khõra horõra ena’õ. 7 Ba ma’uwu Yuda andrõ, ba uhakhõsi tõdõ, ba u’orifi ira tanga Lowalangira, Yehowa, ba lõ ube’e fangorifira wana ba si’õli ba fanuwõ, ba he kudo ba he si fakudo. 8 Ba i’efa’õ ba mbagi zusu Lo-Ruhama andrõ, ba ifuli manabina ba mo’ono, ono matua. 9 Ba imane Yehowa: Lo-Ami (tenga banuagu) be’e tõinia, me no tenga banuagu ami, ba me lõ edõnado, khõmi ndra’odo. Faza 2 1 Ba fa’ato Ndraono Gizeraëli dania, ba timba wa’oya ngawua nene ba mbewe nasi, si tebai nisu’a ba si tebai ni’erai; ba tobali: ba mbanua, ba niwa’õ khõra: ”Tenga banuagu ami”, ba lamane khõra: ”Ya’ami, ono Lowalangi sauri.” 2 Ba lafuli la’orudugõ ira Iraono Yuda ba Iraono Gizeraëli fefu, ba si ha samõsa lafataro hõgõra ba mõi ira miyawa, moroi ba danõ andrõ; bawa sebua sa mbawa Yezere’eli andrõ. 3 Mimane ba dalifusõmi matua andrõ: ”Banuagu [ami]!” ba ba dalifusõmi alawe: ”Nihakhõsi tõdõ [ami]!” Famotokhi Taromali Lowalangi Sinanõ ba dõdõ tehalõ moroi ba zura Sinunӧ 91 : 9 Me no öwa’ö: “Ya’ugö sa’ae dötönafögu, Yehowa;” Fondrege zalawa andrö no öbe’e sawatöu Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. Liturgos : Manunõ ita moroi ba Mbuku Zinunõ No. 274 FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 308 Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***